ഭക്ഷണത്തില്‍ മരുന്ന് കലര്‍ത്തി ഭര്‍ത്താവിനെ കൊല്ലാന്‍ ശ്രമം; യുവതി അറസ്റ്റില്‍

പാ​ലാ: ഭ​ര്‍ത്താ​വി​ന്‍റെ സ്വ​ത്തും സ​മ്പാ​ദ്യ​വും ത​ട്ടി​യെ​ടു​ക്കാ​ൻ​ ഭ​ക്ഷ​ണ​ത്തി​ലും വെ​ള്ള​ത്തി​ലും മ​രു​ന്ന് ക​ല​ര്‍ത്തി ന​ൽ​കി അ​പാ​യ​പ്പെ​ടു​ത്താ​ന്‍ ശ്ര​മി​ച്ച കേ​സി​ല്‍ ഭാ​ര്യ അ​റ​സ്റ്റി​ല്‍. പാ​ലാ മീ​ന​ച്ചി​ല്‍ പാ​ലാ​ക്കാ​ട് സ​തീ​മ​ന്ദി​രം വീ​ട്ടി​ല്‍ ആ​ശാ സു​രേ​ഷാ​ണ്​ (36) അ​റ​സ്റ്റി​ലാ​യ​ത്. തി​രു​വ​ന​ന്ത​പു​രം സ്വ​ദേ​ശി​യും പാ​ലാ​യി​ല്‍ താ​മ​സ​ക്കാ​ര​നു​മാ​യ സ​തീ​ഷാ​ണ് (38) പ​രാ​തി​യു​മാ​യി പാ​ലാ പൊ​ലീ​സി​നെ സ​മീ​പി​ച്ച​ത്.

2006ലാ​ണ് തി​രു​വ​ന​ന്ത​പു​രം ചി​റ​യി​ന്‍കീ​ഴ് സ്വ​ദേ​ശി സ​തീ​ഷും പാ​ലാ മു​രു​ക്കും​പു​ഴ സ്വ​ദേ​ശി​നി ആ​ശ​യും വി​വാ​ഹി​ത​രാ​യ​ത്. 2008 ല്‍ ​യു​വാ​വ് മു​രു​ക്കും​പു​ഴ​യി​ലെ ഭാ​ര്യ​വീ​ട്ടി​ല്‍ താ​മ​സ​മാ​ക്കു​ക​യും ഐ​സ്‌​ക്രീ​മി​ന്‍റെ വി​ത​ര​ണം ആ​രം​ഭി​ക്കു​ക​യും ചെ​യ്തു. ബി​സി​ന​സ് മെ​ച്ച​പ്പെ​ട്ട​തോ​ടെ 2012ല്‍ ​മീ​ന​ച്ചി​ൽ പാ​ലാ​ക്കാ​ട്ട്​ വീ​ട് വാ​ങ്ങി താ​മ​സം മാ​റി. വി​വാ​ഹം ക​ഴി​ഞ്ഞ് ഏ​താ​നും വ​ർ​ഷ​മാ​യ​പ്പോ​ൾ മു​ത​ൽ ഭാ​ര്യ​ക്ക്​ നി​സ്സാ​ര​കാ​ര്യ​ങ്ങ​ളെ​ച്ചൊ​ല്ലി ചി​ല്ല​റ പി​ണ​ക്ക​ങ്ങ​ള്‍ ഉ​ണ്ടാ​യി​രു​ന്ന​താ​യി യു​വാ​വ് പ​റ​യു​ന്നു.

തു​ട​ര്‍ച്ച​യാ​യി അ​നു​ഭ​വ​പ്പെ​ടു​ന്ന ക്ഷീ​ണ​ത്തെ തു​ട​ര്‍ന്ന് പ​രാ​തി​ക്കാ​ര​ൻ ഡോ​ക്ട​റെ ക​ണ്ട്​ ഷു​ഗ​ര്‍ താ​ഴ്ന്ന​താ​കാം എ​ന്ന് ക​രു​തി മ​രു​ന്ന് ക​ഴി​ച്ചെ​ങ്കി​ലും ഫ​ല​മു​ണ്ടാ​യി​ല്ല. 2021 സെ​പ്റ്റം​ബ​റി​ൽ 20 ദി​വ​സ​ത്തോ​ളം പു​റ​ത്തു​നി​ന്ന് ഭ​ക്ഷ​ണം ക​ഴി​ച്ച​പ്പോ​ള്‍ ക്ഷീ​ണം തോ​ന്നാ​തി​രു​ന്ന​തി​നാ​ല്‍ തോ​ന്നി​യ സം​ശ​യ​മാ​ണ് കേ​സി​ല്‍ വ​ഴി​ത്തി​രി​വാ​യ​ത്. യു​വാ​വ് ഭാ​ര്യ​യു​ടെ കൂ​ട്ടു​കാ​രി​യോ​ട് ഇ​തേ​പ്പ​റ്റി സം​സാ​രി​ക്കു​ക​യും ഭാ​ര്യ എ​ന്തെ​ങ്കി​ലും മ​രു​ന്ന് ത​നി​ക്ക്​ ത​രു​ന്നു​ണ്ടോ എ​ന്ന് ചോ​ദി​ച്ച​റി​യ​ണ​മെ​ന്ന് ആ​വ​​ശ്യ​പ്പെ​ടു​ക​യും ചെ​യ്തു.

ഇ​ത​നു​സ​രി​ച്ച് കൂ​ട്ടു​കാ​രി ഭാ​ര്യ​യോ​ട് തി​ര​ക്കി​യ​പ്പോ​ഴാ​ണ് 2015 മു​ത​ല്‍ ഭ​ര്‍ത്താ​വി​ന് മാ​ന​സി​ക​രോ​ഗ​ത്തി​നു​ള്ള മ​രു​ന്ന് ദി​വ​സ​വും ഭ​ക്ഷ​ണ​ത്തി​ല്‍ ക​ല​ര്‍ത്തി ന​ല്‍കു​ന്ന​താ​യി പ​റ​യു​ക​യും മ​രു​ന്നി​ന്‍റെ ഫോ​ട്ടോ കൂ​ട്ടു​കാ​രി​ക്ക് വാ​ട്‌​സ്​​ആ​പ്പി​ല്‍ അ​യ​ച്ചു​കൊ​ടു​ക്കു​ക​യും ചെ​യ്ത​ത്. തു​ട​ര്‍ന്ന്, സി.​സി.​ടി.​വി ദൃ​ശ്യ​ങ്ങ​ൾ സ​ഹി​തം ജി​ല്ല പൊ​ലീ​സ് മേ​ധാ​വി​ക്ക് പ​രാ​തി ന​ല്‍കു​ക​യാ​യി​രു​ന്നു.

ജി​ല്ല പൊ​ലീ​സ് മേ​ധാ​വി പ​രാ​തി പാ​ലാ ഡി​വൈ.​എ​സ്.​പി ഷാ​ജു ജോ​സി​ന് കൈ​മാ​റു​ക​യാ​യി​രു​ന്നു. പ​രാ​തി അ​ന്വേ​ഷി​ച്ച പൊ​ലീ​സ്​ കേ​സ് ര​ജി​സ്റ്റ​ര്‍ ചെ​യ്യു​ക​യും വീ​ട് റെ​യ്ഡ് ചെ​യ്ത് മ​രു​ന്ന് പി​ടി​ച്ചെ​ടു​ക്കു​ക​യും യു​വ​തി​യെ അ​റ​സ്റ്റ് ചെ​യ്യു​ക​യു​മാ​യി​രു​ന്നു. തി​രു​വ​ന​ന്ത​പു​രം സ്വ​ദേ​ശി​യാ​യ യു​വാ​വ് തി​രി​കെ നാ​ട്ടി​ലേ​ക്ക് പോ​യാ​ൽ സ്വ​ത്തും സ​മ്പാ​ദ്യ​വും ന​ഷ്ട​പ്പെ​ടു​മെ​ന്ന് ആ​ശ ഭ​യ​പ്പെ​ട്ടി​രു​ന്നു. അ​തി​നാ​ൽ ഭ​ർ​ത്താ​വി​നെ ക്ര​മേ​ണ ഇ​ല്ലാ​താ​ക്കി സ​തീ​ഷി​ന്‍റെ സ​മ്പാ​ദ്യം ത​ട്ടി​യെ​ടു​ക്കു​ക​യാ​യി​രു​ന്നു ഉ​ദ്ദേ​ശ്യം. അ​തി​നാ​ണ് ഭ​ക്ഷ​ണ​ത്തി​ൽ മ​രു​ന്ന് ക​ല​ർ​ത്തി ന​ൽ​കി​യ​തെ​ന്ന് പൊ​ലീ​സ് പ​റ​ഞ്ഞു. കോ​ട​തി പ്ര​തി​യെ റി​മാ​ൻ​ഡ് ചെ​യ്തു.

എ​സ്.​എ​ച്ച്.​ഒ കെ.​പി. ടോം​സ​ണ്‍, എ​സ്.​ഐ അ​ഭി​ലാ​ഷ് എം.​ഡി, എ.​എ​സ്.​ഐ ജോ​ജ​ന്‍, സീ​നി​യ​ർ സി​വി​ല്‍ പൊ​ലീ​സ് ഓ​ഫി​സ​ര്‍ സു​മേ​ഷ്, വ​നി​ത പൊ​ലീ​സ് ബി​നു​മോ​ള്‍, ല​ക്ഷ്മി, ര​മ്യ എ​ന്നി​വ​രും അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു.