സഹോദരങ്ങളെ കൊലപ്പെടുത്താന്‍ ശ്രമിച്ചയാള്‍ അറസ്റ്റിൽ

കോട്ടയം: സഹോദരങ്ങളെ കൊലപ്പെടുത്താന്‍ ശ്രമിച്ച കേസിൽ കൈപ്പുഴ പള്ളിത്താഴെക്കടവ് മണ്ണൂപ്പറമ്പ് വീട്ടിൽ മോബിൻ (മോട്ടി -32) അറസ്റ്റിൽ. കൈപ്പുഴ പൊന്നാറ്റിൻവീട്ടിൽ മനോജിനെയാണ് ഇയാൾ കൊല്ലാന്‍ ശ്രമിച്ചത്‌.

മനോജിന്‍റെ സഹോദരനെ മർദിക്കുന്നത് കണ്ട്‌ തടയാന്‍ ശ്രമിക്കുമ്പോഴാണ് മോബിൻ, മനോജിന്‍റെ തലക്ക് ഇരുമ്പുകമ്പി കൊണ്ട് അടിച്ചത്. സംഭവത്തിന്‌ ശേഷം ഇയാൾ ഒളിവില്‍ പോയിരുന്നു. ഇയാളെ കോടതിയില്‍ ഹാജരാക്കി.