ഓ​ട്ടോ ഡ്രൈ​വ​റെ കൊ​ല​പ്പെ​ടു​ത്താ​ൻ ശ്ര​മം: ര​ണ്ടു​പേ​ർ അ​റ​സ്റ്റി​ൽ

മ​ണി​മ​ല: ഓ​ട്ടോ ഡ്രൈ​വ​റെ കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ ര​ണ്ടു​പേ​രെ പൊ​ലീ​സ് അ​റ​സ്റ്റ് ചെ​യ്തു. വെ​ള്ളാ​വൂ​ർ ഏ​റ​ത്തു​വ​ട​ക​ര ഭാ​ഗ​ത്ത് കു​ന്ന​ത്തു​പു​ഴ​യി​ൽ സു​ഭാ​ഷ് (38), വെ​ള്ളാ​വൂ​ർ കോ​ത്ത​ല​പ്പ​ടി ഭാ​ഗ​ത്ത് ഏ​റ​ത്തു​പാ​ല​ത്ത്​ വീ​ട്ടി​ൽ ശ്യാം ​കു​മാ​ർ (32) എ​ന്നി​വ​രെ​യാ​ണ് മ​ണി​മ​ല പൊ​ലീ​സ് അ​റ​സ്റ്റ് ചെ​യ്ത​ത്. ക​ഴി​ഞ്ഞ​ദി​വ​സം വൈ​കീ​ട്ട് കോ​ത്ത​ല​പ്പ​ടി-​പ​ള്ള​ത്തു​പാ​റ റോ​ഡി​ലാ​യി​രു​ന്നു സം​ഭ​വം. ഓ​ട്ടോ ഓ​ടി​ച്ചു​വ​രു​ക​യാ​യി​രു​ന്ന യു​വാ​വി​നെ ത​ട​ഞ്ഞു​നി​ർ​ത്തി ചീ​ത്ത വി​ളി​ക്കു​ക​യും മാ​ര​കാ​യു​ധ​ങ്ങ​ൾ ഉ​പ​യോ​ഗി​ച്ച് ആ​ക്ര​മി​ക്കു​ക​യു​മാ​യി​രു​ന്നു.

തു​ട​ർ​ന്ന് ഇ​വ​ർ സം​ഭ​വ​സ്ഥ​ല​ത്തു​നി​ന്ന് ക​ട​ന്നു. ഓ​ട്ടോ ഡ്രൈ​വ​റാ​യ യു​വാ​വും സു​ഭാ​ഷു​മാ​യി മു​ൻ​വൈ​രാ​ഗ്യം നി​ല​നി​ന്നി​രു​ന്നു. ഇ​തി​ന്‍റെ തു​ട​ർ​ച്ച​യാ​യാ​യി​രു​ന്നു ഇ​വ​ർ യു​വാ​വി​നെ ആ​ക്ര​മി​ച്ച​ത്. മ​ണി​മ​ല എ​സ്.​എ​ച്ച്.​ഒ ബി. ​ഷാ​ജി​മോ​ൻ, എ​സ്.​ഐ​മാ​രാ​യ സു​നി​ൽ​കു​മാ​ർ, വി​ജ​യ​കു​മാ​ർ, അ​നി​ൽ​കു​മാ​ർ, സി.​പി.​ഒ​മാ​രാ​യ അ​ജി​ത്ത്, ജോ​ബി, ജി​മ്മി എ​ന്നി​വ​ർ ചേ​ർ​ന്നാ​ണ് ഇ​വ​രെ അ​റ​സ്റ്റ് ചെ​യ്ത​ത്. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ന്‍ഡ്‌ ചെ​യ്തു.

മുക്കുപണ്ടം നൽകി പണം തട്ടിയ കേസിൽ രണ്ടുപേർ അറസ്റ്റിൽ

വൈ​ക്കം: മു​ക്കു​പ​ണ്ടം ന​ൽ​കി പ​ണം ത​ട്ടി​യ കേ​സി​ൽ ര​ണ്ടു​പേ​ർ അ​റ​സ്റ്റി​ൽ. പെ​രു​മ്പാ​വൂ​ർ ആ​ല​പ്ര വെ​ങ്ങോ​ല പ​ട്ട​രു​മ​ഠം വീ​ട്ടി​ൽ നൗ​ഷാ​ദ് (48), പെ​രു​മ്പാ​വൂ​ർ അ​റ​ക്ക​ൽ​പ​ടി വെ​ങ്ങോ​ല കു​ടി​ലി​ങ്ക​ൽ വീ​ട്ടി​ൽ റ​ഹീം കെ.​യൂ​സ​ഫ് (47) എ​ന്നി​വ​രെ​യാ​ണ് വൈ​ക്കം പൊ​ലീ​സ് അ​റ​സ്റ്റ് ചെ​യ്ത​ത്. തൊ​ടു​പു​ഴ​യി​ലെ വ്യാ​പാ​രി​യെ​യാ​ണ്​ ഇ​വ​ർ ക​ബ​ളി​പ്പി​ച്ച​ത്.

ക​ഴി​ഞ്ഞ​ദി​വ​സം കേ​ര​ള ബാ​ങ്കി​ന്‍റെ ​വൈ​ക്കം ചെ​മ്പ് ശാ​ഖ​യി​ൽ പ​ണ​യ​ത്തി​ലി​രി​ക്കു​ന്ന ഇ​വ​രു​ടെ സ്വ​ർ​ണാ​ഭ​ര​ണ​ങ്ങ​ൾ വി​ൽ​ക്കാ​ൻ സ​ഹാ​യി​ക്ക​ണ​മെ​ന്ന് പ​റ​ഞ്ഞ് തൊ​ടു​പു​ഴ​യി​ലെ വ്യാ​പാ​രി​യെ ഇ​വ​ർ സ​മീ​പി​ച്ചു. ഇ​തി​നാ​യി വ്യാ​പാ​രി​യി​ൽ​നി​ന്ന്​ 2,34,000 രൂ​പ വാ​ങ്ങി. തു​ട​ർ​ന്ന്​ ബാ​ങ്കി​ലെ​ത്തി​യ വ്യാ​പാ​രി​ക്ക്​ ഇ​വ​ർ മു​ക്കു​പ​ണ്ടം ന​ൽ​കു​ക​യാ​യി​രു​ന്നു.​ പ​രാ​തി​യെ​ത്തു​ട​ർ​ന്ന് വൈ​ക്കം പൊ​ലീ​സ് കേ​സ് ര​ജി​സ്റ്റ​ർ ചെ​യ്യു​ക​യും ജി​ല്ല പോ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്റെ നേ​തൃ​ത്വ​ത്തി​ൽ അ​ന്വേ​ഷ​ണ​സം​ഘം ഇ​വ​രി​ലൊ​രാ​ളെ ചെ​മ്പി​ൽ​നി​ന്നും മ​റ്റൊ​രാ​ളെ പെ​രു​മ്പാ​വൂ​രി​ൽ​നി​ന്നും പി​ടി​കൂ​ടു​ക​യാ​യി​രു​ന്നു. പ്ര​തി​ക​ളി​ൽ ഒ​രാ​ളാ​യ നൗ​ഷാ​ദി​ന് വെ​ള്ള​ത്തൂ​വ​ൽ, പെ​രു​മ്പാ​വൂ​ർ, കോ​ട​നാ​ട്, കു​ന്ന​ത്തു​നാ​ട്, ഷൊ​ർ​ണൂ​ർ, പെ​രി​ന്ത​ൽ​മ​ണ്ണ, തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ്, എ​റ​ണാ​കു​ളം സെ​ൻ​ട്ര​ൽ, കു​റു​പ്പും​പ​ടി, ചെ​ങ്ങ​മ​നാ​ട്, എ​ട​ത്ത​ല സ്റ്റേ​ഷ​നു​ക​ളി​ലാ​യി സ​മാ​ന​മാ​യ 16 കേ​സു​ക​ൾ നി​ല​വി​ലു​ണ്ട്. വൈ​ക്കം സ്റ്റേ​ഷ​ൻ എ​സ്.​എ​ച്ച്.​ഒ കൃ​ഷ്ണ​ൻ പോ​റ്റി, എ​സ്.​ഐ അ​ജ്മ​ൽ ഹു​സൈ​ൻ, അ​ബ്ദു​ൽ സ​മ​ദ്, സി.​പി.​ഒ​മാ​രാ​യ ശി​വ​ദാ​സ പ​ണി​ക്ക​ർ, സ​ന്തോ​ഷ്, അ​ഭി​ലാ​ഷ് എ​ന്നി​വ​രും അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്നു. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.