മ​ദ്​​റ​സ വി​ട്ട് മ​ട​ങ്ങി​യ കു​ട്ടി​യെ ത​ട്ടി​ക്കൊ​ണ്ടു​പോ​കാ​ൻ ശ്ര​മം

മൂ​വാ​റ്റു​പു​ഴ: മ​ദ്​​റ​സ വി​ട്ട് വീ​ട്ടി​ലേ​ക്ക്​ മ​ട​ങ്ങു​ക​യാ​യി​രു​ന്ന പെ​ൺ​കു​ട്ടി​യെ സ്കൂ​ട്ട​റി​ലെ​ത്തി​യ അ​ജ്ഞാ​ത​സം​ഘം ഉ​പ​ദ്ര​വി​ച്ച​താ​യി പ​രാ​തി. പാ​യി​പ്ര കി​ഴ​ക്കേ​ക​ട​വ് എ​ലി​ക്കാ​ട്ട് ചി​റ​ക്കു​സ​മീ​പം ചൊ​വ്വാ​ഴ്ച വൈ​കീ​ട്ട് 5.30ഓ​ടെ​യാ​ണ് സം​ഭ​വം. മ​ദ്​​റ​സ​യി​ൽ​നി​ന്ന്​ വീ​ട്ടി​ലേ​ക്ക്​ മ​ട​ങ്ങു​ക​യാ​യി​രു​ന്ന കു​ട്ടി​യെ ചു​വ​ന്ന സ്കൂ​ട്ട​റി​ല്‍ എ​ത്തി​യ​വ​ർ കൈ​യി​ല്‍ ക​യ​റി​പ്പി​ടി​ക്കു​ക​യും വാ​ഹ​ന​ത്തി​ലേ​ക്ക്​ വ​ലി​ച്ചു​ക​യ​റ്റാ​ന്‍ ശ്ര​മി​ക്കു​ക​യു​മാ​യി​രു​ന്നു.

തൊ​ട്ടു​പി​ന്നി​ലാ​യി എ​ത്തി​യ മ​റ്റു കു​ട്ടി​ക​ള്‍ ബ​ഹ​ളം​െ​വ​ച്ച​തോ​ടെ സം​ഘം വാ​ഹ​ന​വു​മാ​യി ക​ട​ന്നു​ക​ള​ഞ്ഞു. കു​ട്ടി​ക​ളു​ടെ ബ​ഹ​ളം​കേ​ട്ട് ഓ​ടി​യെ​ത്തി​യ നാ​ട്ടു​കാ​ര്‍ പ്ര​ദേ​ശ​ത്ത് തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. അ​ക്ര​മി​ക​ളെ​യും വാ​ഹ​ന​വും ക​ണ്ടാ​ല്‍ തി​രി​ച്ച​റി​യു​മെ​ന്ന് കു​ട്ടി​ക​ള്‍ പ​റ​ഞ്ഞു. വി​ജ​ന​മാ​യ ഈ ​പ്ര​ദേ​ശ​ത്ത് ര​ണ്ടു മാ​സം​മു​മ്പും സ​മാ​ന രീ​തി​യി​ൽ ആ​ക്ര​മ​ണം ഉ​ണ്ടാ​യി​ട്ടു​ണ്ട്.

എ​ലി​ക്കാ​ട്ട് ചി​റ​യു​ടെ​യും സ​മീ​പ​ത്തെ വി​ജ​ന​മാ​യ പ്ര​ദേ​ശ​ങ്ങ​ളി​ലും വ​ട്ട​ക്കാ​വി​ലും ത​മ്പ​ടി​ക്കു​ന്ന സാ​മൂ​ഹി​ക വി​രു​ദ്ധ​രാ​ണ് ആ​ക്ര​മ​ണ​ത്തി​നു പി​ന്നി​ലെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. ല​ഹ​രി ഉ​പ​യോ​ഗ​വും വി​ൽ​പ​ന​യും ന​ട​ത്താ​ൻ ദൂ​ര​ദി​ക്കു​ക​ളി​ല്‍നി​ന്ന്​ പോ​ലും ഇ​വി​ടെ എ​ത്തു​ന്നു​ണ്ട്. എ​ലി​ക്കാ​ട്ട് ചി​റ​യി​ല്‍ കു​ളി​ക്കാ​നെ​ന്ന പേ​രി​ലാ​ണ് സം​ഘ​മെ​ത്തു​ന്ന​ത്. വി​ജ​ന​മാ​യ വ​ട്ട​ക്കാ​വി​ലും സം​ഘം ത​മ്പ​ടി​ക്കു​ന്നു​ണ്ട്.

ഇ​വ​രു​ടെ ല​ഹ​രി ഉ​പ​യോ​ഗ​വും മ​റ്റും ചോ​ദ്യം​ചെ​യ്ത നാ​ട്ടു​കാ​രെ ഭീ​ഷ​ണി​പ്പെ​ടു​ത്തി​യ സം​ഭ​വ​വും ഉ​ണ്ടാ​യി​ട്ടു​ണ്ട്. ല​ഹ​രി ഉ​പ​യോ​ഗ​വും വി​ൽ​പ​ന​യും ത​ട​യ​ണ​മെ​ന്നും സാ​മൂ​ഹി​ക വി​രു​ദ്ധ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ട് പൊ​ലീ​സി​നും ജ​ന​പ്ര​തി​നി​ധി​ക​ൾ​ക്കും പ​ല​വ​ട്ടം പ​രാ​തി ന​ൽ​കി​യി​ട്ടും ന​ട​പ​ടി​യു​ണ്ടാ​യി​ല്ലെ​ന്നും നാ​ട്ടു​കാ​ർ പ​റ​യു​ന്നു.