കാക്കൂർ പൊലീസിനുനേരെ ആക്രമണം; നാലു യുവാക്കൾ റിമാൻഡിൽ

ചേ​ള​ന്നൂ​ർ: ക്രിസ്മസ് ക​രോ​ളി​നോ​ട​നു​ബ​ന്ധി​ച്ച് വാ​ഹ​നം ത​ട​ഞ്ഞു​നി​ർ​ത്തി പ​ണ​പ്പി​രി​വ് ന​ട​ത്തി​​യ​ത് ചോ​ദ്യം ചെ​യ്ത​തി​ന് പൊ​ലീ​സി​നെ ആ​ക്ര​മി​ച്ച കേ​സി​ൽ നാ​ലു യു​വാ​ക്ക​ൾ റി​മാ​ൻ​ഡി​ൽ. ക്രി​സ്മ​സ് ക​രോ​ളി​നോ​ട​നു​ബ​ന്ധി​ച്ച് ചേ​ള​ന്നൂ​ർ എ​ട്ടേ​ര​ണ്ടി​ൽ തി​ങ്ക​ളാ​ഴ്ച രാ​ത്രി 10.30 യോ​ടെ​യാ​ണ് പൊ​ലീ​സി​നു​നേ​രെ ആ​ക്ര​മ​ണം. ക​ണ്ണ​ങ്ക​ര കേ​ളോ​ത്തു മീ​ത്ത​ൽ കെ.​എ​ൻ. സു​ബി​ൻ (26), എ​ള​വ​ന മീ​ത്ത​ൽ ദി​ജീ​ഷ് (29), എ​ട​ക്കാ​ട് കോ​ഴി​ക്കൂ​റ വ​യ​ൽ അ​ജേ​ഷ് (34), ഇ​രു​വ​ള്ളു​ർ കാ​ക്കൂ​ർ മ​ല​യി​ൽ അ​തു​ൽ (27) എ​ന്നി​വ​രാ​ണ് അ​റ​സ്റ്റി​ലാ​യ​ത്. കാ​ക്കൂ​ർ സ്റ്റേ​ഷ​നി​ലെ എ​സ്.​ഐ ഉ​ൾ​പ്പെ​ടെ നാ​ലു പൊ​ലീ​സു​കാ​ർ​ക്കെ​തി​രെ​യാ​ണ് ആ​ക്ര​മ​ണം ഉ​ണ്ടാ​യ​ത്.

ചേ​ള​ന്നൂ​ർ എ​ട്ടേ​ര​ണ്ടി​ൽ കു​ട്ടി​ക​ളു​ടെ ക​രോ​ൾ ന​ട​ന്നി​രു​ന്നു. ക​രോ​ളു​മാ​യി ബ​ന്ധ​മി​ല്ലാ​ത്ത നാ​ലു​പേ​ർ വാ​ഹ​നം ത​ട​ഞ്ഞു​നി​ർ​ത്തി പ​ണ​പ്പി​രി​വ് ന​ട​ത്തി. പ​ണം ന​ൽ​കാ​ത്ത വാ​ഹ​ന യാ​ത്രി​ക​രെ അ​ധി​ക്ഷേ​പി​ക്കു​ന്ന​താ​യ പ​രാ​തി പൊ​ലീ​സ് ക​ൺ​ട്രോ​ൾ റൂ​മി​ൽ യാ​ത്ര​ക്കാ​രി​ൽ ചി​ല​ർ വി​ളി​ച്ച​റി​യി​ച്ചു.

വി​വ​രം ല​ഭി​ച്ച​തി​നെ തു​ട​ർ​ന്ന് കാ​ക്കൂ​ർ സ്റ്റേ​ഷ​നി​ലെ എ​സ്.​ഐ അ​ബ്ദു​ൽ സ​ലാം, സീ​നി​യ​ർ സി.​പി.​ഒ ര​ജീ​ഷ്, ഡ്രൈ​വ​ർ ബി​ജു എ​ന്നി​വ​ര​ട​ങ്ങി​യ സം​ഘം സ്ഥ​ല​ത്തെ​ത്തി പി​രി​ഞ്ഞു​പോ​കാ​ൻ ആ​വ​ശ്യ​പ്പെ​ട്ടെ​ങ്കി​ലും പൊ​ലീ​സു​മാ​യി ക​യ​ർ​ക്കു​ക​യും ആ​ക്ര​മി​ക്കു​ക​യു​മാ​യി​രു​ന്നു. ഇ​തേ​ത്തു​ട​ർ​ന്ന് ക​സ്റ്റ​ഡി​യി​ലെ​ടു​ക്കു​ന്ന​തി​നി​ടെ പൊ​ലീ​സി​നെ ആ​ക്ര​മി​ക്കു​ക​യും എ​സ്.​ഐ അ​ബ്ദു​ൽ സ​ലാ​മി​ന്റെ കൈ​പി​ടി​ച്ച് തി​രി​ക്കു​ക​യും യൂ​നി​ഫോം വ​ലി​ച്ചു​കീ​റു​ക​യും ചെ​യ്തു. ജീ​പ്പി​ന്റെ ഗ്ലാ​സ് ത​ക​ർ​ക്കു​ക​യും ചെ​യ്തു. യു​വാ​ക്ക​ൾ മ​ദ്യ​ല​ഹ​രി​യി​ലാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു.