സാ​ക്ഷി പ​റ​ഞ്ഞ യു​വാ​വി​നെ കു​ത്തി​പ്പ​രി​ക്കേ​ൽ​പി​ച്ചു

നെ​ടു​മ​ങ്ങാ​ട്: നെ​ടു​മ​ങ്ങാ​ട്‌ ടൗ​ണി​ൽ കി​ഴ​ക്കേ ബം​ഗ്ലാ​വ് പ​രി​സ​ര​ത്ത് യു​വാ​വി​നെ സം​ഘം ചേ​ർ​ന്ന് ആ​ക്ര​മി​ച്ച സം​ഭ​വ​ത്തി​ൽ സാ​ക്ഷി പ​റ​ഞ്ഞ യു​വാ​വി​നു​നേ​രെ വ​ധ​ശ്ര​മം. നെ​ടു​മ​ങ്ങാ​ട് ക​ച്ചേ​രി ജ​ങ്ഷ​നി​ലെ പൂ​ക്ക​ട​യി​ൽ ജോ​ലി​ക്ക് നി​ൽ​ക്കു​ന്ന വെ​ള്ള​നാ​ട് കൂ​വ​കൂ​ടി സ്വ​ദേ​ശി അ​രു​ണി​നെ​യാ​ണ് (26) ഞാ​യ​റാ​ഴ്ച പൂ​ക്ക​ട​യി​ലെ​ത്തി​യ സം​ഘം കു​ത്തി​പ്പ​രി​ക്കേ​ൽ​പി​ച്ച​ത്.

ക​ഴി​ഞ്ഞ 23ന് ​നെ​ടു​മ​ങ്ങാ​ട് കെ.​എ​സ്.​ആ​ർ.​ടി.​സി ഡി​പ്പോ​യി​ലും പ​രി​സ​ര​ത്തു​മാ​യി സം​ഘം മ​റ്റൊ​രു യു​വാ​വി​നെ വ​ള​ഞ്ഞി​ട്ട് ക്രൂ​ര​മാ​യി ത​ല്ലി​യി​രു​ന്നു. പൊ​ലീ​സ് എ​ത്തി​യ​തോ​ടെ യു​വാ​ക്ക​ൾ ഓ​ടി ര​ക്ഷ​പ്പെ​ട്ടു. സം​ഭ​വ​സ്ഥ​ല​ത്തു​ണ്ടാ​യി​രു​ന്ന ര​ണ്ട് വി​ദ്യാ​ർ​ഥി​ക​ളെ പൊ​ലീ​സ് ക​സ്​​റ്റ​ഡി​യി​ലെ​ടു​ത്തു. എ​ന്നാ​ൽ, ഇ​വ​ർ കാ​ഴ്ച്ച​ക്കാ​രാ​യി​രു​ന്നെ​ന്നും ഇ​വ​ർ​ക്ക് സം​ഭ​വ​വു​മാ​യി യാ​തൊ​രു ബ​ന്ധ​വു​മി​ല്ലെ​ന്നും പ​രി​ക്കേ​റ്റ പെ​യി​ൻ​റി​ങ് തൊ​ഴി​ലാ​ളി ആ​നാ​ട് സ്വ​ദേ​ശി സൂ​ര​ജ് (23) അ​റി​യി​ച്ച​തി​നെ​തു​ട​ർ​ന്ന് ര​ക്ഷാ​ക​ർ​ത്താ​ക്ക​ളെ വി​ളി​ച്ചു​വ​രു​ത്തി അ​വ​രോ​ടൊ​പ്പം വി​ട്ട​യ​ച്ചു.

ഈ ​സം​ഭ​വ​വു​മാ​യി ബ​ന്ധ​പ്പെ​ട്ട് നെ​ടു​മ​ങ്ങാ​ട് പൊ​ലീ​സ് സ്​​റ്റേ​ഷ​നി​ൽ സാ​ക്ഷി പ​റ​ഞ്ഞെ​ന്ന കാ​ര​ണം കൊ​ണ്ടാ​ണ് അ​രു​ണി​നെ​തി​രെ ആ​ക്ര​മ​ണം ന​ട​ന്ന​ത്.

ക​ത്തി അ​രു​ണി​െൻറ ക​ഴു​ത്തി​ന് താ​ഴെ​യാ​യി തു​ള​ച്ചു​ക​യ​റി ഒ​ടി​ഞ്ഞ​നി​ല​യി​ലാ​യി​രു​ന്നു. ഗു​രു​ത​ര​മാ​യി പ​രി​ക്കേ​റ്റ അ​രു​ൺ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. നെ​ടു​മ​ങ്ങാ​ട് പൊ​ലീ​സ് അ​ന്വേ​ഷ​ണ​മാ​രം​ഭി​ച്ചു.