മാതാവിനെ മർദിച്ച കേസിൽ അറസ്റ്റിൽ

എരുമേലി: മാതാവിനെ മർദിച്ച കേസിൽ കനകപ്പാലം കാരിത്തോട് ഭാഗത്ത് പാട്ടാളിൽ വീട്ടിൽ ജോസി എന്ന തോമസ് ജോർജ് (32) അറസ്റ്റിൽ. ഓട്ടോ ഡ്രൈവറായ ഇയാൾ മദ്യപിച്ച് വീട്ടിലെത്തി അമ്മയെയും വല്യമ്മയെയും സ്ഥിരമായി മർദിച്ചിരുന്നു. ഇതിനെതിരെ മാതാവ് കാഞ്ഞിരപ്പള്ളി കോടതിയിൽനിന്ന് ഗാർഹിക നിയമപ്രകാരം സംരക്ഷണ ഉത്തരവ് വാങ്ങിയിരുന്നു.

ഇത് ലംഘിച്ചാണ് ഇയാൾ മാതാവിനെ വീണ്ടും ഉപദ്രവിച്ചത്. എസ്.എച്ച്.ഒ വി.വി. അനിൽകുമാർ, എസ്.ഐ ശാന്തി കെ. ബാബു, അബ്ദുൽ അസീസ്, രാജേഷ്, സി.പി.ഒ എ. കൃപ എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.