ഭിന്നശേഷിക്കാരിക്കു നേരെ നഗ്നതാ പ്രദർശനം നടത്തിയ വിമുക്തഭടൻ അറസ്റ്റിൽ

ഭിന്നശേഷിക്കാരിക്കു നേരെ നഗ്നതാ പ്രദർശനം നടത്തിയ വിമുക്തഭടൻ അറസ്റ്റിൽ. പോക്സോ കേസ് രജിസ്റ്റർ ചെയ്താണ് വിമുക്തഭടനെ അറസ്റ്റ് ചെയ്തത്. പൗഡിക്കോണം സ്വദേശി മധുവാണ് (53) ശ്രീകാര്യം പൊലീസി​െൻറ പിടിയിലായത്.

ലൈംഗിക ചേഷ്ടകളും നഗ്നതാ പ്രദർശനവും പതിവായതോടെ കുട്ടിയുടെ മാതാവ് ശ്രീകാര്യം പൊലീസിൽ പരാതി നൽകിയിരുന്നു. ഇതിന്റെ അടിസ്ഥാനത്തിലാണ് മധുവിനെ പിടികൂടിയത്. വഞ്ചിയൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.