Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightതാ​മ​ര​ശ്ശേ​രി...

താ​മ​ര​ശ്ശേ​രി ഭാ​ഗ​ങ്ങ​ളി​ൽ ക​വ​ർ​ച്ച ന​ട​ത്തി ഗൂ​ഡ​ല്ലൂ​രി​ലേ​ക്ക് ര​ക്ഷ​പ്പെ​ടു​ക പ​തി​വ്; നിരവധി കേസിലെ പ്രതി പിടിയിൽ

text_fields
bookmark_border
താ​മ​ര​ശ്ശേ​രി ഭാ​ഗ​ങ്ങ​ളി​ൽ ക​വ​ർ​ച്ച ന​ട​ത്തി ഗൂ​ഡ​ല്ലൂ​രി​ലേ​ക്ക് ര​ക്ഷ​പ്പെ​ടു​ക പ​തി​വ്; നിരവധി കേസിലെ പ്രതി പിടിയിൽ
cancel
camera_alt

പി​ടി​യി​ലാ​യ സാ​ദി​ഖ​ലി

താ​മ​ര​ശ്ശേ​രി: താ​മ​ര​ശ്ശേ​രി, കോ​ട​ഞ്ചേ​രി ഭാ​ഗ​ങ്ങ​ളി​ൽ നി​ര​വ​ധി ക​വ​ർ​ച്ച​ക​ൾ ന​ട​ത്തി​യ പ്ര​തി​യെ കോ​ഴി​ക്കോ​ട് റൂ​റ​ൽ എ​സ്.​പി ഡോ. ​എ. ശ്രീ​നി​വാ​സ‍‍െൻറ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘം പി​ടി​കൂ​ടി. ഒ​രു വ​ർ​ഷ​മാ​യി നി​ര​വ​ധി ആ​ളി​ല്ലാ​ത്ത വീ​ടു​ക​ളി​ൽ ക​വ​ർ​ച്ച ന​ട​ത്തി​യ ത​മി​ഴ്നാ​ട്ടി​ലെ ഗൂ​ഡ​ല്ലൂ​ർ ദേ​വ​ർ​ഷോ​ല, മാ​ങ്ങാ​ട​ൻ വീ​ട്ടി​ൽ സാ​ദി​ഖ​ലി​യെ​യാ​ണ് (33) കോ​ട്ട​ക്ക​ലി​ൽ​വെ​ച്ച് താ​മ​ര​ശ്ശേ​രി ക്രൈം ​സ്‌​ക്വാ​ഡ് പി​ടി​കൂ​ടി​യ​ത്.

കോ​ട​ഞ്ചേ​രി​യി​ൽ വാ​ട്ട​ർ സ​ർ​വി​സ് സെ​ന്‍റ​റി​ൽ മൂ​ന്നു മാ​സം മു​മ്പ്​ വ​രെ ജോ​ലി ചെ​യ്തി​രു​ന്ന പ്ര​തി രാ​ത്രി​യി​ൽ ബൈ​ക്കി​ൽ ക​റ​ങ്ങി പൂ​ട്ടി​യി​ട്ട​തും വെ​ളി​ച്ച​മി​ല്ലാ​ത്ത​തു​മാ​യ വീ​ടു​ക​ൾ ക​ണ്ടു​വെ​ച്ച് ക​ള​വ് ന​ട​ത്തു​ക​യാ​ണ് പ​തി​വ്. ക്രി​സ്​​മ​സ് ദി​വ​സം വീ​ടു പൂ​ട്ടി വ​യ​നാ​ട്ടി​ൽ പോ​യ കൂ​ട​ത്താ​യി സ്വ​ദേ​ശി​യു​ടെ വീ​ട്ടി​ൽ ഏ​ണി​പ്പ​ടി മു​റി​യു​ടെ വാ​തി​ൽ ക​മ്പി​പ്പാ​ര കൊ​ണ്ട് പൊ​ളി​ച്ച് അ​ക​ത്തു​ക​ട​ന്ന് ഷോ​കേ​സി​ൽ സൂ​ക്ഷി​ച്ച 20 പ​വ​ൻ സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്നി​രു​ന്നു.

അ​ടു​ത്തു​ള്ള തൃ​ക്ക​രി​മ​ണ്ണ ക്ഷേ​ത്ര​ത്തി​ലെ ഉ​ത്സ​വ ദി​വ​സം വീ​ടു​ക​ളി​ൽ ആ​ളു​ണ്ടാ​വി​ല്ലെ​ന്ന് മ​ന​സ്സി​ലാ​ക്കി​യ പ്ര​തി വൈ​കീ​ട്ടോ​ടെ ഗൂ​ഡ​ല്ലൂ​രി​ൽ​നി​ന്ന്​ ബൈ​ക്കി​ൽ താ​മ​ര​ശ്ശേ​രി​യി​ൽ എ​ത്തി അ​മ്പ​ല​ത്തി‍െൻറ പ​രി​സ​ര​ങ്ങ​ളി​ൽ ക​റ​ങ്ങി​ന​ട​ന്നാ​ണ് ആ​ളി​ല്ലാ​ത്ത വീ​ട് ക​ണ്ടു​വെ​ച്ച​ത്. ക​വ​ർ​ച്ച​ക്കു​ശേ​ഷം കോ​ട്ട​ക്ക​ലു​ള്ള ര​ണ്ടാം​ഭാ​ര്യ​യു​ടെ വീ​ട്ടി​ലേ​ക്ക് പോ​യ പ്ര​തി മ​ഞ്ചേ​രി​യി​ലും കോ​ട്ട​ക്ക​ലു​മു​ള്ള ര​ണ്ട് ജ്വ​ല്ല​റി​ക​ളി​ലാ​യി അ​ഞ്ചു പ​വ​ൻ സ്വ​ർ​ണം വി​റ്റു. ഇ​തി​ൽ​നി​ന്ന്​ ല​ഭി​ച്ച ഒ​ന്ന​ര ല​ക്ഷം രൂ​പ​ക്ക് മൊ​ബൈ​ൽ ഫോ​ണും സ്കൂ​ട്ട​റും വാ​ങ്ങി.

ക​ള​വു ന​ട​ത്തി​യ​തി​ൽ പ​തി​ന​ഞ്ച​ര പ​വ​ൻ പ്ര​തി​യു​ടെ ഭാ​ര്യ​വീ​ട്ടി​ൽ നി​ന്ന്​ ക​ണ്ടെ​ടു​ത്ത​താ​യി പൊ​ലീ​സ് പ​റ​ഞ്ഞു. അ​ടു​ത്ത​കാ​ല​ത്ത്​ താ​മ​ര​ശ്ശേ​രി ന​ട​ന്ന പ​ത്തോ​ളം ക​ള​വു​ക​ൾ പ്ര​തി ന​ട​ത്തി​യ​താ​ണെ​ന്ന്​ തെ​ളി​ഞ്ഞി​ട്ടു​ണ്ടെ​ന്നും പൊ​ലീ​സ് പ​റ​ഞ്ഞു.

ക​ഴി​ഞ്ഞ മാ​ർ​ച്ചി​ൽ താ​മ​ര​ശ്ശേ​രി മു​ക്കം റോ​ഡി​ൽ എ​ളോ​ത്തു​ക​ണ്ടി വീ​ട്ടി​ൽ​നി​ന്ന്​ സ്വ​ർ​ണ​വും മൊ​ബൈ​ൽ ഫോ​ണും ടാ​ബും താ​മ​ര​ശ്ശേ​രി അ​മ്പ​ല​മു​ക്ക് പു​ൽ​പ​റ​മ്പി​ൽ വീ​ട്ടി​ൽ​നി​ന്ന്​ സ്വ​ർ​ണ​വും 12,500 രൂ​പ​യും താ​മ​ര​ശ്ശേ​രി ചു​ങ്ക​ത്തെ വീ​ട്ടി​ൽ​നി​ന്ന്​ 47,000 രൂ​പ​യും മ​റ്റൊ​രു വീ​ട്ടി​ൽ​നി​ന്ന്​ സ്വ​ർ​ണം, ലാ​പ്ടോ​പ്, മൊ​ബൈ​ൽ ഫോ​ൺ, കാ​മ​റ എ​ന്നി​വ​യും ഇ​യാ​ൾ മോ​ഷ്ടി​ച്ച​താ​യി പൊ​ലീ​സ്​ പ​റ​ഞ്ഞു. കൂ​ടാ​തെ കോ​ട​ഞ്ചേ​രി​യി​ലെ ര​ണ്ടു വീ​ടു​ക​ളി​ൽ​നി​ന്ന്​ സ്വ​ർ​ണ​വും പ​ണ​വും ക​വ​ർ​ച്ച ന​ട​ത്തി​യ​താ​യും പ്ര​തി സ​മ്മ​തി​ച്ചി​ട്ടു​ണ്ട്. ക​വ​ർ​ച്ച ന​ട​ത്തി​യ സ്വ​ർ​ണം വി​ൽ​പ​ന ന​ട​ത്തി​യ ശേ​ഷം ഗൂ​ഡ​ല്ലൂ​രി​ലേ​ക്ക് ക​ട​ക്കു​ന്ന​താ​ണ് പ്ര​തി​യു​ടെ രീ​തി.

പി​ടി​ക്ക​പ്പെ​ടാ​തി​രി​ക്കാ​ൻ ഒ​റ്റ​ക്കാ​ണ് ക​വ​ർ​ച്ച ന​ട​ത്തു​ന്ന​ത്. 15 വ​ർ​ഷം മു​മ്പ്​ പെ​രി​ന്ത​ൽ​മ​ണ്ണ, എ​ട​ക്ക​ര എ​ന്നി​വി​ട​ങ്ങ​ളി​ൽ ക​ള​വു​കേ​സി​ൽ​പെ​ട്ട്​ ജ​യി​ലി​ൽ കി​ട​ന്നി​ട്ടു​ണ്ട്. മു​ൻ​കാ​ല​ങ്ങ​ളി​ൽ ക​ള​വു​കേ​സി​ൽ പെ​ട്ട​വ​രെ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​യെ കു​റി​ച്ച് സൂ​ച​ന ല​ഭി​ച്ച​ത്. താ​മ​ര​ശ്ശേ​രി ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

താ​മ​ര​ശ്ശേ​രി ഡി​വൈ.​എ​സ്.​പി അ​ഷ്‌​റ​ഫ്‌ തെ​ങ്ങി​ല​ക്ക​ണ്ടി​യു​ടെ നേ​തൃ​ത്വ​ത്തി​ൽ ക്രൈം ​സ്‌​ക്വാ​ഡ് എ​സ്.​ഐ​മാ​രാ​യ രാ​ജീ​വ്ബാ​ബു, വി.​കെ. സു​രേ​ഷ്, പി. ​ബി​ജു, സി.​പി.​ഒ റ​ഫീ​ഖ് എ​ര​വ​ട്ടൂ​ർ, കോ​ട​ഞ്ചേ​രി എ​സ്.​ഐ അ​ഭി​ലാ​ഷ്, സ​ജു, ഫിം​ഗ​ർ പ്രി​ന്‍റ്​ സെ​ല്ലി​ലെ കെ. ​ര​ഞ്ജി​ത്ത്, ജി​ജീ​ഷ് പ്ര​സാ​ദ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

Show Full Article
TAGS:Theft case gudallur thamarassery 
News Summary - accused in many theft cases arrested
Next Story