കൊല്ലത്ത് ഡോക്ടർക്ക് നേരെ പ്രതിയുടെ കയ്യേറ്റശ്രമം

കൊ​ല്ലം: പൊ​ലീ​സ് വൈ​ദ്യ​പ​രി​ശോ​ധ​ന​ക്ക്​ എ​ത്തി​ച്ച പ്ര​തി അ​ക്ര​മാ​സ​ക്ത​നാ​യി. ശ​നി​യാ​ഴ്ച വൈ​കീ​ട്ട് 5.30ന്​ ​കൊ​ല്ലം ജി​ല്ല ആ​ശു​പ​ത്രി​യി​ലാ​ണ്​ സം​ഭ​വം. മ​ദ്യ​പി​ച്ച്​ വീ​ട്ടി​ൽ പ്ര​ശ്നം ഉ​ണ്ടാ​ക്കി​യെ​ന്ന വീ​ട്ടു​കാ​രു​ടെ പ​രാ​തി​യി​ൽ ഞാ​റ​യ്ക്ക​ലി​ലെ ഭാ​ര്യ​വീ​ട്ടി​ൽ നി​ന്ന് അ​ഞ്ചാ​ലും​മൂ​ട് പൊ​ലീ​സ് ക​സ്റ്റ​ഡി​യി​ലെ​ടു​ത്ത കൊ​ല്ലം തി​രു​മു​ല്ലാ​വാ​രം സ്വ​ദേ​ശി വി​ഷ്ണു​വാ​ണ് (31) പ്ര​ശ്ന​മു​ണ്ടാ​ക്കി​യ​ത്.

വൈ​ദ്യ​പ​രി​ശോ​ധ​ന​ക്കാ​യി കൈ​വി​ല​ങ്ങ് ധ​രി​പ്പി​ച്ച് മൂ​ന്ന് പൊ​ലീ​സു​കാ​ര്‍ ചേ​ര്‍ന്നാ​ണ് കാ​ഷ്വാ​ലി​റ്റി​യി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന ഡോ.​ജാ​സ്മി​നെ കാ​ണി​ച്ച​ത്. അ​ക്ര​മാ​സ​ക്ത​നാ​ണെ​ന്ന വി​വ​രം ഡോ​ക്ട​റെ പൊ​ലീ​സ് അ​റി​യി​ച്ചു. ഇ​തി​നി​ടെ കാ​ലു​യ​ര്‍ത്തി വി​ഷ്ണു മേ​ശ​യി​ൽ ച​വി​ട്ടി. വൈ​ദ്യ​പ​രി​ശോ​ധ​ന ന​ട​ത്താ​നാ​വി​ല്ലെ​ന്ന് ഡോ​ക്ട​ര്‍ അ​റി​യി​ച്ചു. ജൂ​നി​യ​ര്‍ ഡോ​ക്ട​ര്‍മാ​ര്‍ മൊ​ബൈ​ൽ ഫോ​ണി​ൽ ഇ​യാ​ളു​ടെ വി​ഡി​യോ എ​ടു​ത്തു. ഇ​തി​ൽ പ്ര​കോ​പി​ത​നാ​യ വി​ഷ്ണു വ​ധ​ഭീ​ഷ​ണി മു​ഴ​ക്കി. തു​ട​ര്‍ന്ന് പൊ​ലീ​സ് ഇ​യാ​ളെ അ​നു​ന​യി​പ്പി​ച്ചു. വൈ​ദ്യ​പ​രി​ശോ​ധ​ന ന​ട​ത്താ​തെ, ഒ.​പി ടി​ക്ക​റ്റി​ൽ എ​ഴു​തി​വാ​ങ്ങി തി​രി​കെ അ​ഞ്ചാ​ലും​മൂ​ട് സ്റ്റേ​ഷ​നി​ലേ​ക്ക് കൊ​ണ്ടു​പോ​യി. പി​ന്നീ​ട് ഭാ​ര്യ​യു​ടെ ജാ​മ്യ​ത്തി​ൽ വി​ട്ട​യ​ച്ചു.