ബൈക്ക് മോഷണക്കേസിൽ പ്രതി അറസ്റ്റിൽ

അരൂർ: ബൈക്ക് മോഷണക്കേസിൽ പ്രതി അറസ്റ്റിൽ. ചന്തിരൂർ പുതുവൽവീട്‌ വിഷ്ണുവാണ് (21) അരൂർ പൊലീസിന്‍റെ പിടിയിലായത്.

അരൂരിലെ ചെരിപ്പ് വിൽപന കേന്ദ്രത്തിലെ ജീവനക്കാരൻ കൊല്ലം മയ്യനാട് തോപ്പിൽവീട്ടിൽ നൗഷാദിന്റെ ബൈക്കാണ് 27ന് ഷോപ്പിനോട് ചേർന്നുള്ള ഗോഡൗണിൽനിന്ന് മോഷ്ടിച്ചത്. അരൂർ എസ്.ഐ ഹെറാൾഡ് ജോർജിന്റെ നേതൃത്വത്തിലുള്ള സംഘം മേഖലയിലെ സി.സി ടി.വി ദൃശ്യങ്ങൾ പരിശോധിച്ചപ്പോഴാണ് വിഷ്ണുവിനെ തിരിച്ചറിഞ്ഞത്. കോടതിയിൽ ഹാജരാക്കി റിമാൻഡ് ചെയ്തു.