മധ്യവയസ്കനെ ആക്രമിച്ച കേസില്‍ പ്രതി അറസ്റ്റിൽ

കാഞ്ഞിരപ്പള്ളി: മധ്യവയസ്കനെ ആക്രമിച്ച് കൊലപ്പെടുത്താൻ ശ്രമിച്ച കേസിൽ ഒരാളെ പൊലീസ് അറസ്റ്റ് ചെയ്തു. പാറത്തോട് ഇടക്കുന്നം വാരിക്കാട്ട് വീട്ടിൽ വി.ബി. വിജിയാണ് (48) പിടിയിലായത്. ഇടക്കുന്നം ചെറുവള്ളിക്കാവ് അമ്പലത്തിന് സമീപം താമസിക്കുന്ന പുരുഷോത്തമൻ പിള്ളയെയാണ് പ്രതി കൊലപ്പെടുത്താൻ ശ്രമിച്ചത്.

പുരുഷോത്തമൻ പിള്ള നടത്തുന്ന കടമുറിയിൽ അതിക്രമിച്ചുകയറി ഇരുവരും വാക്തർക്കം ഉണ്ടാവുകയും വിജി വാക്കത്തികൊണ്ട് പുരുഷോത്തമൻ പിള്ളയെ വെട്ടിപ്പരിക്കേൽപിക്കുകയുമായിരുന്നു. ഇയാളുടെ പരാതിയെ തുടർന്ന് കേസ് രജിസ്റ്റർ ചെയ്യുകയും പ്രതിയെ പിടികൂടുകയുമായിരുന്നു. കാഞ്ഞിരപ്പള്ളി എസ്.എച്ച്.ഒ ഷിന്‍റോ പി. കുര്യൻ, എസ്.ഐമാരായ അരുൺ തോമസ്, ബിജി ജോർജ്, സി.പി.ഒ അരുൺ എന്നിവർ ചേർന്നാണ് ഇയാളെ അറസ്റ്റ് ചെയ്തത്.