ന​ര​ബ​ലി ഇരകളുടെ ആ​ന്ത​രി​കാ​വ​യ​വങ്ങൾ എവിടെ? തെ​ളി​വു​ക​ളി​ൽ വി​ശ​ദ പ​രി​ശോ​ധ​ന തു​ട​ങ്ങി

കൊ​ച്ചി: ഇ​ല​ന്തൂ​രി​ൽ ന​ര​ബ​ലി​ക്ക്​ ഇ​ര​യാ​യ​വ​രു​ടെ ആ​ന്ത​രി​കാ​വ​യ​വ​ങ്ങ​ൾ പ്ര​തി​ക​ൾ സൂ​ക്ഷി​ച്ചി​രു​ന്നു​വെ​ന്ന വെ​ളി​പ്പെ​ടു​ത്ത​ലി​ന്‍റെ അ​ടി​സ്ഥാ​ന​ത്തി​ൽ വി​ശ​ദ അ​ന്വേ​ഷ​ണ​ത്തി​ന്​ തീ​രു​മാ​നം. കൊ​ല​ക്ക് ശേ​ഷം ക​ഷ​ണ​ങ്ങ​ളാ​ക്കി​യ ശ​രീ​ര​ഭാ​ഗ​ങ്ങ​ൾ ക​ണ്ടെ​ടു​ത്ത​പ്പോ​ൾ ആ​ന്ത​രി​കാ​വ​യ​വ ഭാ​ഗ​ങ്ങ​ളി​ൽ ചി​ല​ത് ഉ​ണ്ടാ​യി​രു​ന്നി​ല്ല. ഇ​ത് ബ​ലി​യു​ടെ ഭാ​ഗ​മാ​യി പ്ര​ത്യേ​കം എ​ടു​ത്ത് സൂ​ക്ഷി​ച്ച​താ​യാ​ണ് പ്ര​തി​ക​ൾ വെ​ളി​പ്പെ​ടു​ത്തി​യ​ത്.

പൊ​ലീ​സ് ഇ​ത് പൂ​ർ​ണ​മാ​യി മു​ഖ​വി​ല​യ്​​ക്ക് എ​ടു​ത്തി​ട്ടി​ല്ല. അ​തേ​സ​മ​യം, ക​ണ്ടെ​ടു​ത്ത തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ വി​ശ​ദ​മാ​യ പ​രി​ശോ​ധ​ന അ​ന്വേ​ഷ​ണ​സം​ഘം തു​ട​ങ്ങി. ശേ​ഖ​രി​ച്ച തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ വി​ശ​ദ​മാ​യ ചോ​ദ്യം​ചെ​യ്യ​ൽ ഞാ​യ​റാ​ഴ്ച​യും തു​ട​ർ​ന്നു. 40ല​ധി​കം തെ​ളി​വു​ക​ളാ​ണ് ശ​നി​യാ​ഴ്ച ഇ​ല​ന്തൂ​രി​ൽ ഭ​ഗ​വ​ൽ സി​ങ്ങി​ന്‍റെ വീ​ട്ടി​ൽ ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യ​ത്. ഒ​രു പ​ക​ൽ മു​ഴു​വ​ൻ നീ​ണ്ട തെ​ളി​വെ​ടു​പ്പി​നു​ശേ​ഷം ഞാ​യ​റാ​ഴ്ച പു​ല​ർ​ച്ച​യോ​ടെ​യാ​ണ് മൂ​ന്ന് പ്ര​തി​ക​ളെ​യും കൊ​ച്ചി​യി​ൽ എ​ത്തി​ച്ച​ത്.

ഞാ​യ​റാ​ഴ്ച രാ​വി​ലെ എ.​ഡി.​ജി.​പി വി​ജ​യ് സാ​ഖ​റെ​യു​ടെ നേ​തൃ​ത്വ​ത്തി​ൽ ഉ​ദ്യോ​ഗ​സ്ഥ​ർ യോ​ഗം ചേ​ർ​ന്ന്​ അ​ന്വേ​ഷ​ണ പു​രോ​ഗ​തി വി​ല​യി​രു​ത്തി. കി​ട്ടി​യ തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ മൂ​ന്നു​പേ​രെ​യും വീ​ണ്ടും ചോ​ദ്യം ചെ​യ്തു. കൊ​ല​പാ​ത​ക​ത്തി​നാ​യി ഉ​പ​യോ​ഗി​ച്ച ക​യ​റും ആ​യു​ധ​ങ്ങ​ളും ഉ​ൾ​പ്പെ​ടെ പൊ​ലീ​സ് ശേ​ഖ​രി​ച്ച തെ​ളി​വു​ക​ൾ നി​ര​ത്തി ചോ​ദ്യം ചെ​യ്യു​മ്പോ​ൾ മാ​ത്ര​മാ​ണ്​ മി​ക്ക​വാ​റും പ്ര​തി​ക​ൾ പ്ര​തി​ക​രി​ക്കു​ന്ന​ത്. തി​ങ്ക​ളാ​ഴ്ച ഒ​റ്റ​ക്കും ഒ​രു​മി​ച്ചും ഇ​രു​ത്തി വി​ശ​ദ​മാ​യ ചോ​ദ്യം ചെ​യ്യ​ലി​നാ​ണ്​ പൊ​ലീ​സി​ന്‍റെ ആ​ലോ​ച​ന. തെ​ളി​വെ​ടു​പ്പും തു​ട​രും.