റെ​യി​ൽ​വേ സ്​​റ്റേ​ഷ​നി​ൽ യാ​ത്ര​ക്കാ​രി​യു​ടെ ബാ​ഗ് ത​ട്ടി​പ്പ​റി​ച്ച് ക​ട​ന്ന കേ​സ്​: മു​ഖ്യ​പ്ര​തി പി​ടി​യി​ൽ

ആ​ലു​വ: റെ​യി​ൽ​വേ സ്റ്റേ​ഷ​നി​ൽ പു​ല​ർ​ച്ച വ​ന്നി​റ​ങ്ങി​യ യാ​ത്ര​ക്കാ​രി​യു​ടെ ബാ​ഗ് ത​ട്ടി​പ്പ​റി​ച്ച് ക​ട​ന്ന കേ​സി​ലെ മു​ഖ്യ​പ്ര​തി പി​ടി​യി​ൽ. ചേ​ന്ദ​മം​ഗ​ലം ഷാ​പ്പും​പ​ടി പാ​ണ്ടി​ശ്ശേ​രി വീ​ട്ടി​ൽ ജി​തി​ൻ കൃ​ഷ്ണ​യെ​യാ​ണ് (ചാ​ഡു-28) ആ​ലു​വ പൊ​ലീ​സ് പി​ടി​കൂ​ടി​യ​ത്. ജൂ​ലൈ 27ന് ​പു​ല​ർ​ച്ച​യാ​യി​രു​ന്നു സം​ഭ​വം. 14,000 രൂ​പ, നാ​ലു പ​വ​ൻ സ്വ​ർ​ണം, സ്ഥ​ല​ത്തി​ന്‍റെ ആ​ധാ​രം ഉ​ൾ​പ്പെ​ടെ​യു​ള്ള രേ​ഖ​ക​ൾ എ​ന്നി​വ​യാ​ണ്​ ബൈ​ക്കി​ലെ​ത്തി​യ ര​ണ്ടു​പേ​ർ ത​ട്ടി​പ്പ​റി​ച്ച​ത്. ബൈ​ക്ക് ഓ​ടി​ച്ച ചി​റ്റാ​റ്റു​ക​ര സ്വ​ദേ​ശി യ​ദു​കൃ​ഷ്ണ​നെ നേ​ര​ത്തേ അ​റ​സ്റ്റ് ചെ​യ്തി​രു​ന്നു.

പി​ടി​കൂ​ടു​മെ​ന്നു​റ​പ്പാ​യാ​ൽ ബ്ലേ​ഡ്​ ഉ​പ​യോ​ഗി​ച്ച് വ​ര​ഞ്ഞ് ര​ക്ഷ​പ്പെ​ടു​ന്ന അ​ക്ര​മ​കാ​രി​യാ​ണ് ജി​തി​ൻ കൃ​ഷ്ണ. ത​മി​ഴ്നാ​ടു​ൾ​പ്പെ​ടെ വി​വി​ധ​യി​ട​ങ്ങ​ളി​ൽ ഒ​ളി​വി​ൽ ക​ഴി​ഞ്ഞി​രു​ന്ന ഇ​യാ​ളെ ശാ​സ്ത്രീ​യ അ​ന്വേ​ഷ​ണ​ത്തി​നൊ​ടു​വി​ൽ സാ​ഹ​സി​ക​മാ​യാ​ണ് പി​ടി​കൂ​ടി​യ​ത്. 15 ഓ​ളം കേ​സു​ക​ളി​ൽ പ്ര​തി​യാ​ണ്. മോ​ഷ്ടി​ച്ച സ്വ​ർ​ണാ​ഭ​ര​ണ​ത്തി​ൽ ഒ​രു​ഭാ​ഗം പ​റ​വൂ​രി​ലെ ജ്വ​ല്ല​റി​യി​ൽ​നി​ന്ന് ക​ണ്ടെ​ടു​ത്തു. ഇ​ൻ​സ്പെ​ക്ട​ർ എം.​എം. മ​ഞ്ജു​ദാ​സ്, എ​സ്.​ഐ എ​സ്.​എ​സ്. ശ്രീ​ലാ​ൽ, സി.​പി.​ഒ​മാ​രാ​യ മാ​ഹി​ൻ ഷാ ​അ​ബൂ​ബ​ക്ക​ർ, കെ.​എം. മ​നോ​ജ്, മു​ഹ​മ്മ​ദ് അ​മീ​ർ, എം.​എ​സ്. സ​ന്ദീ​പ്, വി.​എ. അ​ഫ്സ​ൽ എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ്​ ചെ​യ്തു.