പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്​ത്​ കൊന്ന കേസിൽ പ്രതി അറസ്റ്റിൽ

ജയ്​പൂർ: രാജസ്​ഥാനിലെ നാഗൗർ ജില്ലയിലെ ദേഗാനയിൽ പ്രായപൂർത്തിയാകാത്ത കുട്ടിയെ ബലാത്സംഗം ചെയ്​ത്​ കൊന്ന കേസിൽ പ്രതി അറസ്റ്റിലായി.

മരിച്ച കുട്ടിയുടെ അയൽവാസിയാണ്​ പ്രതിയായ ദിനേഷ്​ ജാട്ട് (20)​. പാടു കലൻ പൊലീസ്​ സ്​റ്റേഷൻ പരിധിയിലുള്ള വീട്ടിൽ നിന്ന്​ ഏഴുവയസുകാരിയെ തട്ടിക്കൊണ്ടുപോയ ശേഷമായിരുന്നു കൊലപാതകം.

കൃഷിയിടത്തിൽ കിടന്നിരുന്ന പെൺകുട്ടിയുടെ മൃതദേഹം പോസ്​​റ്റ്​മോർട്ടത്തിന്​ ശേഷം കുടുംബത്തിന്​ കൈമാറുമെന്ന്​ പൊലീസ്​ പറഞ്ഞു.