മകളെ വിവാഹം കഴിച്ചതിന്‍റെ പക;​ 57കാരനായ കാമുകനെ 70കാരിയായ കാമുകി ചുറ്റികക്ക്​ അടിച്ചുകൊന്നു

മുംബൈ: മഹാരാഷ്​ട്രയിൽ മകളെ വിവാഹം കഴിച്ചതിന്‍റെ പേരിൽ 57കാരനായ കാമുകനെ 70കാരി ചുറ്റികകൊണ്ട്​ തലക്കടിച്ച്​ കൊന്നു. മുംബൈ വടാലയിലാണ്​ സംഭവം.

57കാരനായ ബിമൽ ഖന്നയെയാണ്​ കാമുകി ശാന്തി പാൽ കൊലപ്പെടുത്തിയത്​. ബുധനാഴ്ച ശാന്തി പാലിനെ പൊലീസ്​ അറസ്​റ്റ്​ ചെയ്​തു.

വർഷങ്ങളായി ശാന്തി പാലും ബിമൽ ഖന്നയും ഒരുമിച്ചാണ്​ താമസം. ദിവസങ്ങൾക്ക്​ മുമ്പ്​ 70കാരിയുടെ ആദ്യ വിവാഹത്തിലുണ്ടായ മക​ളെ ബിമൽ ഖന്ന വിവാഹം കഴിച്ചു. ഇതിനെ തുടർന്നുണ്ടായ പകയാണ്​ കൊലക്ക്​ കാരണം.

ചൊവ്വാഴ്ച രാത്രി ശാന്തി പാലും ഖന്നയും തമ്മിൽ വിവാഹത്തെ ചൊല്ലി ബഹളമുണ്ടായിരുന്നു. ഖന്ന ത​െന്‍റ മകള​ുടെ ജീവിതം നശിപ്പിച്ചുവെന്ന്​ ആരോപിച്ചായിരുന്നു ബഹളം. ബഹളത്തിനിടെ ശാന്തി പാൽ 57കാരന്‍റെ തലക്ക്​ ചുറ്റിക​െകാണ്ട്​ അടിക്കുകയായിരുന്നു. അടിയേറ്റയുടൻ ബിമൽ ഖന്ന ബോധരഹിതനായി. നേരത്തേ, ഇയാൾക്ക്​ മസ്​തിഷ്​കാഘാതം വന്നതിനെ തുടർന്ന്​ ചികിത്സ തേടിയിരുന്നു. പിറ്റേ ദിവസം രാവിലെ ശാന്തിപാൽ ഖന്നയെ ആശുപത്രിയിലെത്ത​ിച്ചെങ്കിലും മരിച്ചിരുന്നു.

കുഴഞ്ഞുവീണതിനെ തുടർന്നാണ്​ ഖന്നക്ക് ​പരി​േക്കറ്റതെന്ന്​ 70കാരി ആശുപത്രിയിൽ അറിയിച്ചിരുന്നു. എന്നാൽ, പോസ്റ്റ്​മോർട്ടം റിപ്പോർട്ടിൽ ശരീരത്തിൽ മാരകമായി പരിക്കേറ്റതായി തെളിഞ്ഞു. ഇതോടെ ആശുപത്രി അധികൃതർ പൊലീസിനെ വിവരം അറിയിച്ചു. ചോദ്യം ചെയ്യലിനിടെ ശാന്തിപാൽ കു​റ്റകൃത്യം സമ്മതിക്കുകയായിരുന്നു.

1984ലെ സിഖ്​ കലാപത്തിന്​ പിന്നാലെയാണ്​ ശാന്തിപാലും ആദ്യ വിവാഹത്തിലെ മകളും പഞ്ചാബിൽനിന്ന്​ മുംബൈയിലെത്തുന്നത്​. തുടർന്ന്​ ഖന്നയുമായി പരിചയപ്പെട്ടു. ഇയാൾ ശാന്തിക്കും മകൾക്കും അഭയം നൽകി. ശാന്തിക്കും മകൾക്കും മറ്റൊരു മകൾ ജനിക്കുകയും ചെയ്​തു. ഇവർ തമ്മിൽ വിവാഹം കഴിച്ചിരുന്നില്ല. ഇതിനുപിന്നാലെയാണ്​ ശാന്തിപാലിന്‍റെ ആദ്യ വിവാഹത്തിലെ മകളെ ഖന്ന വിവാഹം കഴിക്കുന്നത്​.