വീ​ട്ടി​ൽ 3.5 ല​ക്ഷം ദി​ർ​ഹ​മി​ന്‍റെ ക​വ​ർ​ച്ച; ര​ണ്ടു​പേ​ർ അ​റ​സ്റ്റി​ൽ

അ​ജ്​​മാ​ൻ: അ​ജ്മാ​നി​ൽ പ്ര​വാ​സി​യു​ടെ വീ​ട്ടി​ൽ​നി​ന്ന് 3.5 ല​ക്ഷം ദി​ർ​ഹ​മി​ന്‍റെ (80 ല​ക്ഷ രൂ​പ) സ്വ​ർ​ണാ​ഭ​ര​ണ​ങ്ങ​ൾ കൊ​ള്ള​യ​ടി​ച്ച ര​ണ്ടു​പേ​ർ അ​റ​സ്റ്റി​ൽ.

സം​ഭ​വം ന​ട​ന്ന് 48 മ​ണി​ക്കൂ​റി​ന​കം പ്ര​തി​ക​ളെ പി​ടി​കൂ​ടാ​നും തൊ​ണ്ടി​മു​ത​ൽ പൂ​ർ​ണ​മാ​യി ക​ണ്ടെ​ത്താ​നും പൊ​ലീ​സി​ന് ക​ഴി​ഞ്ഞു. ആ​ഭ​ര​ണ​ങ്ങ​ൾ ക​ണ്ടെ​ടു​ക്കു​ന്ന​തി​ന്‍റെ ദൃ​ശ്യ​ങ്ങ​ൾ പൊ​ലീ​സ് പു​റ​ത്തു​വി​ട്ടു.

ക​ഴി​ഞ്ഞ ശ​നി​യാ​ഴ്ച​യാ​ണ് കു​ടും​ബം പു​റ​ത്തു​പോ​യ സ​മ​യ​ത്ത് അ​ജ്മാ​ൻ നു​ഐ​മി​യി​ലെ പ്ര​വാ​സി​യു​ടെ വീ​ട് കൊ​ള്ള​യ​ടി​ക്ക​പ്പെ​ട്ട​ത്. ജ​ന​ൽ​വ​ഴി വീ​ടി​ന​ക​ത്തു​ക​ട​ന്ന മോ​ഷ്ടാ​ക്കാ​ൾ 3.5 ല​ക്ഷം ദി​ർ​ഹം വി​ല​വ​രു​ന്ന സ്വ​ർ​ണാ​ഭ​ര​ണ​ങ്ങ​ളും 6000 ദി​ർ​ഹം പ​ണ​വു​മാ​യി ക​ട​ന്നു​ക​ള​ഞ്ഞു.

കു​ടും​ബം തി​രി​ച്ചെ​ത്തി​യ​പ്പോ​ഴാ​ണ് വീ​ട് കൊ​ള്ള​യ​ടി​ക്ക​പ്പെ​ട്ട​ത് അ​റി​യു​ന്ന​ത്. നു​ഐ​മി​യ സ്റ്റേ​ഷ​നി​ൽ വി​വ​ര​മ​റി​യി​ച്ച​തി​നെ തു​ട​ർ​ന്ന് സ്ഥ​ല​ത്തെ​ത്തി​യ പൊ​ലീ​സ് സം​ഭ​വ​സ്ഥ​ലം പ​രി​ശോ​ധി​ച്ചു. ര​ണ്ടു​ദി​വ​സ​ത്തി​ന​കം മോ​ഷ​ണം ന​ട​ത്തി​യ ആ​ളെ​യും സ​ഹാ​യി​യെ​യും അ​റ​സ്റ്റ് ചെ​യ്തു. മോ​ഷ്ടി​ച്ച സ്വ​ർ​ണം സ്വി​ച്ച് ബോ​ർ​ഡി​ന് അ​ക​ത്താ​ക്കി മോ​ഷ്ടാ​ക്ക​ൾ സൂ​ക്ഷി​ച്ചി​രു​ന്ന​തും പൊ​ലീ​സ് ക​ണ്ടെ​ടു​ത്തു. തൊ​ണ്ടി​മു​ത​ൽ പൂ​ർ​ണ​മാ​യും തി​രി​ച്ചു​കി​ട്ടി​യ​താ​യി ഗൃ​ഹ​നാ​ഥ​ൻ പ​റ​ഞ്ഞു.

40 വ​ർ​ഷ​മാ​യി യു.​എ.​ഇ​യി​ൽ ക​ഴി​യു​ന്ന ത​നി​ക്ക് സു​ര​ക്ഷ​യു​ടെ കാ​ര്യ​ത്തി​ൽ ആ​ത്മ​വി​ശ്വാ​സം പ​ക​രു​ന്ന അ​ന്വേ​ഷ​ണ​മാ​ണ് അ​ജ്മാ​ൻ പൊ​ലീ​സി​ന്‍റെ ഭാ​ഗ​ത്തു​നി​ന്നു​ണ്ടാ​യ​തെ​ന്ന് ഇ​ദ്ദേ​ഹം പ​റ​ഞ്ഞു. കൊ​ള്ള​യ​ടി​ക്ക​പ്പെ​ട്ട കു​ടും​ബ​വും പി​ടി​യി​ലാ​യ പ്ര​തി​ക​ളും ഏ​ഷ്യ​ൻ രാ​ജ്യ​ത്തു​നി​ന്നു​ള്ള പ്ര​വാ​സി​ക​ളാ​ണെ​ന്ന് പൊ​ലീ​സ് പ​റ​ഞ്ഞു.