മിനിലോറിയിൽ കടത്ത്, 30 ലക്ഷത്തി‍​െൻറ പുകയില ഉൽപന്നങ്ങൾ പിടികൂടി

തി​രു​വ​ല്ല: മി​നി​ലോ​റി​യി​ൽ ക​ട​ത്തു​ക​യാ​യി​രു​ന്ന 30 ല​ക്ഷം വി​ല​വ​രു​ന്ന നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ളു​മാ​യി മം​ഗ​ലാ​പു​രം സ്വ​ദേ​ശി​ക​ളാ​യ ര​ണ്ടു​പേ​ർ പി​ടി​യി​ൽ. ജി​ല്ല പൊ​ലീ​സ് മേ​ധാ​വി​ക്ക് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ർ​ന്ന് നാ​ർ​കോ​ട്ടി​ക് സെ​ൽ ഡി​വൈ.​എ​സ്.​പി അ​ട​ങ്ങു​ന്ന ഡാ​ൻ​സാ​ഫ് സം​ഘ​വും പു​ളി​ക്കീ​ഴ് പൊ​ലീ​സും ചേ​ർ​ന്ന് ശ​നി​യാ​ഴ്ച പു​ല​ർ​ച്ച നാ​ലോ​ടെ പൊ​ടി​യാ​ടി​യി​ൽ​നി​ന്നു​മാ​ണ് വ​ൻ തോ​തി​ലു​ള്ള പു​ക​യി​ല ഉ​ൽ​പ​ന്ന​ങ്ങ​ൾ പി​ടി​കൂ​ടി​യ​ത്.

ലോ​റി ഓ​ടി​ച്ചി​രു​ന്ന മം​ഗ​ലാ​പു​രം ബെ​ഗ്രേ ക​സ​ബ​യി​ൽ എം.​ജെ.​എം സ്ട്രീ​റ്റി​ൽ റ​ഫീ​ഖ് മു​ഹ​മ്മ​ദ് ത്വാ​ഹ, സ​ഹാ​യി സം​ഗ​ബേ​ട്ട് ക​ൽ​ക്കു​രി വീ​ട്ടി​ൽ സി​റാ​ജു​ദ്ദീ​ൻ എ​ന്നി​വ​രാ​ണ് പി​ടി​യി​ലാ​യ​ത്. 65 ചാ​ക്കി​ലാ​യി നി​റ​ച്ച നി​ല​യി​ലാ​യി​രു​ന്ന നാ​ൽ​പ​ത്തി ഒ​മ്പ​തി​നാ​യി​ര​ത്തോ​ളം പാ​ക്ക​റ്റ് ഹാ​ൻ​സാ​ണ് പി​ടി​കൂ​ടി​യ​ത്. കെ​ട്ടി​ട നി​ർ​മാ​ണ സാ​മ​ഗ്രി​ക​ൾ എ​ന്ന വ്യാ​ജേ​നെ പ​ല​ക​ക​ൾ​ക്ക് അ​ടി​യി​ൽ ക​റു​ത്ത ടാ​ർ​പാ​ളി​ൽ ഉ​പ​യോ​ഗി​ച്ച് മൂ​ടി​യ നി​ല​യി​ലാ​ണ് വാ​ഹ​ന​ത്തി​ൽ ഒ​ളി​പ്പി​ച്ചി​രു​ന്ന​ത്. ക​ർ​ണാ​ട​ക​യി​ൽ​നി​ന്ന്​ ക​ട​ത്തി​ക്കൊ​ണ്ടു​വ​ന്ന പു​ക​യി​ല ഉ​ൽ​പ​ന്ന​ങ്ങ​ൾ പ​ത്ത​നം​തി​ട്ട​യി​ലെ ഇ​ല​വും​തി​ട്ട​യി​ലേ​ക്ക് കൊ​ണ്ടു​വ​ന്ന​താ​ണെ​ന്നാ​ണ് പ്രാ​ഥ​മി​ക നി​ഗ​മ​നം. നാ​ർ​കോ​ട്ടി​ക് സെ​ൽ ഡി​വൈ.​എ​സ്.​പി കെ.​എ. വി​ദ്യാ​ധ​ര​ൻ, ഡാ​ൻ​സാ​ഫ് എ​സ്.​ഐ അ​ജി വി​ൽ​സ​ൺ, എ.​എ​സ്.​ഐ അ​ജി കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലെ സം​ഘ​മാ​ണ് പു​ക​യി​ല ഉ​ൽ​പ​ന്ന​ങ്ങ​ൾ പി​ടി​കൂ​ടി​യ​ത്.