ക്രിപ്റ്റോകറൻസി മറയാക്കി മൂന്നു കോടിയുടെ തട്ടിപ്പ്: തുക പിൻവലിച്ചത് 33 ബാങ്ക് അക്കൗണ്ടുകൾ വഴി

കോ​ഴി​ക്കോ​ട്: ക്രി​പ്റ്റൊ​ക​റ​ൻ​സി മ​റ​യാ​ക്കി വ്യാ​പാ​രി​യി​ൽ​നി​ന്ന് മൂ​ന്നു കോ​ടി​യോ​ളം രൂ​പ ഓ​ൺ​ലൈ​നാ​യി ത​ട്ടി​യ​തി​നു പി​ന്നി​ൽ ഡ​ൽ​ഹി കേ​ന്ദ്രീ​ക​രി​ച്ച സം​ഘ​മെ​ന്ന് സൂ​ച​ന. വ്യാ​ജ ക്രി​പ്റ്റൊ​ക​റ​ൻ​സി വെ​ബ്സൈ​റ്റ് മു​ഖേ​ന വ്യാ​പാ​രി നി​ക്ഷേ​പി​ച്ച തു​ക പി​ൻ​വ​ലി​ച്ച​ത് 33 ബാ​ങ്ക് അ​ക്കൗ​ണ്ടു​ക​ൾ വ​ഴി​യാ​ണെ​ന്ന് സൈ​ബ​ർ പൊ​ലീ​സി​ന്റെ അ​ന്വേ​ഷ​ണ​ത്തി​ൽ വ്യ​ക്ത​മാ​യി.

ഇ​വ​യി​ൽ ഒ​ന്ന് പ​ശ്ചി​മ ബം​ഗാ​ളി​ലെ​യും ഒ​ന്ന് മ​ഹാ​രാ​ഷ്ട്ര​യി​​ലെ​യും അ​ക്കൗ​ണ്ടാ​ണ്. ബാ​ക്കി​യെ​ല്ലാം ഡ​ൽ​ഹി കേ​ന്ദ്രീ​ക​രി​ച്ചു​ള്ള​വ​യാ​ണ്. ഇ​തോ​ടെ​യാ​ണ് ത​ട്ടി​പ്പി​നു പി​ന്നി​ൽ ഡ​ൽ​ഹി കേ​ന്ദ്രീ​ക​രി​ച്ച സം​ഘ​മെ​ന്ന് വ്യ​ക്ത​മാ​യ​ത്. ഓ​ൺ​ലൈ​ൻ ത​ട്ടി​പ്പു​മാ​യി ബ​ന്ധ​പ്പെ​ട്ട ദേ​ശീ​യ​ത​ല​ത്തി​ലെ ഏ​ജ​ൻ​സി​ക​ളു​മാ​യി ബ​ന്ധ​പ്പെ​ട്ട​പ്പോ​ൾ സ​മാ​ന ത​ട്ടി​പ്പ് മ​റ്റു പ​ല​യി​ട​ത്തും ന​ട​ന്ന​താ​യാ​ണ് വി​വ​ര​മെ​ന്നും എ​ന്നാ​ൽ ഇ​തു​സം​ബ​ന്ധി​ച്ച് ഔ​ദ്യോ​ഗി​ക അ​റി​യി​പ്പ് ല​ഭി​ച്ചി​​ട്ടി​ല്ലെ​ന്നും സൈ​ബ​ർ പൊ​ലീ​സ് ഇ​ൻ​സ്​​പെ​ക്ട​ർ ദി​നേ​ശ് കോ​റോ​ത്ത് പ​റ​ഞ്ഞു.

മ​ല​പ്പു​റം സ്വ​ദേ​ശി​യാ​യ കോ​ഴി​ക്കോ​ട്ടെ വ്യാ​പാ​രി​യി​ൽ​നി​ന്ന് മൂ​ന്നു മാ​സ​ത്തി​നു​ള്ളി​ൽ ഓ​ൺ​ലൈ​നാ​യി 2.88 കോ​ടി രൂ​പ​യാ​ണ് സം​ഘം ത​ട്ടി​യ​ത്. സ​മൂ​ഹ​മാ​ധ്യ​മം വ​ഴി പ​രി​ച​യ​പ്പെ​ട്ട യു​വ​തി ക്രി​പ്റ്റൊ​ക​റ​ൻ​സി​യാ​യി പ​ണം നി​ക്ഷേ​പി​ച്ചാ​ൽ ഇ​ര​ട്ടി​യാ​യി തി​രി​കെ ല​ഭി​ക്കു​മെ​ന്ന് പ​റ​ഞ്ഞ് വി​ശ്വ​സി​പ്പി​ക്കു​ക​യും വ്യാ​ജ വെ​ബ്സൈ​റ്റ് വ​ഴി ചേ​ർ​ത്ത് പ​ണം ​വാ​ങ്ങു​ക​യു​മാ​യി​രു​ന്നു. നി​ക്ഷേ​പി​ച്ച തു​ക​ക്ക് വെ​ബ്സൈ​റ്റി​ൽ ഇ​ര​ട്ടി​തു​ക രേ​ഖ​പ്പെ​ടു​ത്തി​യ​താ​യി ക​ണ്ട​തോ​ടെ തു​ക ഇ​ര​ട്ടി​യാ​യെ​ന്ന് ക​രു​തി വ്യാ​പാ​രി വീ​ണ്ടും തു​ക കൈ​മാ​റു​ക​യാ​യി​രു​ന്നു. ലാ​ഭ​ത്തു​ക പി​ൻ​വ​ലി​ക്കാ​ൻ ആ​വ​ശ്യ​പ്പെ​ട്ട​പ്പോ​ൾ നി​കു​തി​യാ​യി 20 ശ​ത​മാ​നം തു​ക​കൂ​ടി ആ​ദ്യ​മേ അ​ട​ക്ക​ണ​മെ​ന്നു പ​റ​ഞ്ഞും സം​ഘം കൈ​പ്പ​റ്റി. പി​ന്നീ​ടാ​ണ് ത​ട്ടി​പ്പ് വ്യ​ക്ത​മാ​യ​തും പ​രാ​തി ന​ൽ​കി​യ​തും.