സ്​പായുടെ മറവിൽ പെൺവാണിഭം; 22 പേർ അറസ്​റ്റിൽ

ഹൈദരാബാദ്​: സ്​പായുടെ മറവിൽ പെൺവാണിഭം നടത്തിയ സംഘം അറസ്റ്റിലായി. കുകട്​പള്ളി ഹൗസിങ്​ ബോർഡ്​ പൊലീസ്​ 10​ സ്​ത്രീകളെ രക്ഷപെടുത്തി. ഹൈദരാബാദിലെ മദാപൂരിലാണ്​ പൊലീസ്​ പരിശോധന നടത്തിയത്​.

73000 രൂപ, 28 മൊബെൽഫോൺ, കാർ, ബാങ്ക്​ പാസ്​ബുക്ക്​, സ്വൈപിങ്​ മെഷീൻ, 20 ലക്ഷം വിലവരുന്ന മറ്റ്​ വസ്​തുക്കൾ എന്നിവ പിടിച്ചെടുത്തു. നാഗാലാൻഡ്​, ഹരിയാന, പഞ്ചാബ്​ എന്നിവിടങ്ങളിൽ നിന്നുള്ള പെൺകുട്ടികളെയാണ്​ പെൺവാണിഭത്തിനായി കൊണ്ടുവന്നത്​.

അക്​ബർ, രാജ്​കുമാർ, ജെ. ശിവ, ടി. അമർ, ഡി. രാജേന്ദർ, ഫാറൂഖ്​ ബാഷ, സി.എച്ച്​ വേണു എന്നിവരാണ്​ അറസ്​റ്റിലായത്​. പിടിയിലായവരിൽ നേപ്പാൾ സ്വദേശികളുമ​ുണ്ട്​. ഇവരെ കൂടാതെ രണ്ട്​ ഇടപാടുകാരെയും അറസ്റ്റ്​ ചെയ്​തു. അക്​ബറാണ്​ മുഖ്യപ്രതി. ഇയാളുടെ കൂട്ടാളികളാണ്​ ഇടപാടുകാരെ എത്തിച്ചിരുന്നത്​.