19കാരിയെ കഴുത്തറു​ത്ത്​ കൊന്ന്​ യുവാവ്​ ആത്മഹത്യ ചെയ്​തു

ബംഗളൂരു: കർണാടകയിൽ 19കാരിയെ കഴുത്തറുത്ത്​ ​െകാലപ്പെടുത്തിയ ശേഷം യുവാവ്​ ആത്മഹത്യ ചെയ്​തു. ജിഗനി സ്വദേശിനിയായ ഡി. സിഞ്​ജനയെയാണ്​ 21കാരനായ കിഷോർ കുമാർ കൊലപ്പെടുത്തിയത്​.

സിഞ്​ജനയെ വീട്ടിലെത്തി കൊല​െപ്പടുത്തിയ ശേഷം അതേ മുറിയിൽ തന്നെ തൂങ്ങിമരിക്കുകയായിരുന്നു ഇയാൾ.

സ്വകാര്യ കോളജിൽ ഒന്നാംവർഷ ബിരുദ വിദ്യാർഥിനിയാണ്​ സിഞ്​ജന. ഒറ്റമകളാണ്​ സിഞ്​ജന. പിതാവ്​ പ്രദേശത്തുതന്നെ ഹാർഡ്​വെയർ കട നടത്തിവരികയാണ്​. കിഷോർ കുമാർ പ്രദേശത്തെ ഒരു​ ഗോഡൗണിലെ ഡ്രൈവറാണ്​.

സിഞ്​ജനയുടെ മാതാപിതാക്കൾ പുറത്തുപോയ സമയത്താണ്​​ സംഭവം. വൈകിട്ട്​ വീട്ടിൽ തിരിച്ചെത്തിയപ്പോൾ രക്തത്തിൽ കുളിച്ച നിലയിലായിരുന്നു സിഞ്​ജന. കഴുത്തറുത്തായിരുന്നു കൊലപാതകം. മുറിയിൽ തൂങ്ങിമരിച്ച നിലയിലായിരുന്നു കിഷോർ. സിഞ്​ജന പഠിച്ചുകൊണ്ടിരിക്കുന്നതിനിടെയാണ്​ കൊലപാതകം നടന്നതെന്ന്​ പൊലീസ്​ പറഞ്ഞു.