200 ലിറ്റർ വാഷ് പിടികൂടി

മുണ്ടൂർ: എക്സൈസ് ഉദ്യോഗസ്ഥരുടെ മിന്നൽ പരിശോധനയിൽ കാഞ്ഞിക്കുളം സത്രംകാവ് അമ്പാഴക്കുണ്ട് പ്രദേശത്ത് 200 ലിറ്റർ വാഷ് പിടികൂടി. ഓണത്തിന് മുന്നോടിയായി പറളി റേഞ്ച് ഉദ്യോഗസ്ഥർ നടത്തിയ പരിശോധനയിലാണ് വാഷ് കണ്ടെത്തിയത്.

ഇത് പിന്നീട് നശിപ്പിച്ചു. പറളി എക്സൈസ് റേഞ്ച് ഇൻസ്പെക്ടർ വി .ബാലസുബ്രമണ്യൻ, എക്സൈസ് പ്രിവന്റീവ് ഓഫിസർ എൻ. പ്രേമാനന്ദ കുമാർ, സിവിൽ എക്സൈസ് ഓഫിസർ കെ.എം. സജിഷ്, സി.സി പ്രദീപ്, കെ. അജിത എന്നിവരടങ്ങുന്ന സംഘമാണ് വാഷ് കണ്ടെത്തിയത്.