മലപ്പുറത്ത് പേരക്ക മോഷ്ടിച്ചുവെന്ന് ആരോപിച്ച് 12 കാരന് മർദനം

മലപ്പുറം: പെരിന്തൽമണ്ണയിലെ വാഴയങ്ങടയിൽ പേരക്ക മോഷ്ടിച്ചുവെന്നാരോപിച്ച് സ്‍ഥലമുടമ മർദിച്ചതായി പരാതി. കളിക്കാനെത്തിയപ്പോൾ പറമ്പിൽ നിന്ന് പേരക്ക മോഷ്ടിച്ചുവെന്നാരോപിച്ച് സ്ഥലമുടമ കുട്ടിയെ മർദിക്കുകയായിരുന്നുവത്രെ.

ബൈക്ക് ​കൊണ്ട് ഇടിച്ചുവീഴ്ത്തി ചവിട്ടിയതായും മർദനമേറ്റ കുട്ടി പറഞ്ഞു. കാലിന്റെ എല്ല് പൊട്ടി കുട്ടി ആശുപത്രിയിൽ ചികിത്സയിലാണ്. ബന്ധുക്കൾ പൊലീസിൽ പരാതി നൽകി. ഞായറാഴ്ച വൈകീട്ടാണ് സംഭവം.