ബാലികയെ പീ​ഡി​പ്പി​ച്ച് ഗർഭിണിയാക്കിയ കേസ്: പ്രതിക്ക് 10 വർഷം കഠിന തടവ്

പാ​ല​ക്കാ​ട്: 15 വ​യ​സ്സു​ള്ള പെ​ൺ​കു​ട്ടി​യെ പീ​ഡി​പ്പി​ച്ച് ഗ​ർ​ഭി​ണി​യാ​ക്കി​യ കേ​സി​ലെ പ്ര​തി​യെ 10 വ​ർ​ഷം ക​ഠി​ന ത​ട​വി​നും 50,000 രൂ​പ പി​ഴ​ക്കും ശി​ക്ഷി​ച്ചു. കു​ത്ത​നൂ​ർ പ​ടി​ഞ്ഞാ​റെ​ത​റ അ​മ്പാ​ടി വീ​ട്ടി​ൽ ര​മേ​ഷ് നാ​യ​രെ​യാ​ണ് (53) പാ​ല​ക്കാ​ട് ഫാ​സ്റ്റ് ട്രാ​ക്ക് സ്പെ​ഷ്യ​ൽ പോ​ക്സോ കോ​ട​തി ജ​ഡ്ജി ടി. ​സ​ഞ്ജു ശി​ക്ഷി​ച്ച​ത്. പി​ഴ അ​ട​ക്കാ​ത്ത പ​ക്ഷം ആ​റു​മാ​സം അ​ധി​ക ക​ഠി​ന ത​ട​വ് അ​നു​ഭ​വി​ക്ക​ണം.

2014 ഡി​സം​ബ​ർ മു​ത​ൽ 2015 ഡി​സം​ബ​ർ മാ​സം വ​രെ​യു​ള്ള കാ​ല​ഘ​ട്ട​ത്തി​ൽ അ​തി​ജീ​വി​ത​യെ പ​ല​ത​വ​ണ ലൈം​ഗി​ക​മാ​യി പീ​ഡി​പ്പി​ക്കു​ക​യും ഗ​ർ​ഭി​ണി​യാ​ക്കു​ക​യും ശേ​ഷം ഒ​ളി​വി​ൽ താ​മ​സി​പ്പി​ച്ചു എ​ന്നാ​ണ് പ്രോ​സി​ക്യൂ​ഷ​ൻ വാ​ദം. വി​ചാ​ര​ണ വേ​ള​യി​ൽ അ​തി​ജീ​വി​ത പ്ര​ഥ​മ വി​സ്താ​ര​ത്തി​ൽ പ്ര​തി​ക്കെ​തി​രെ മൊ​ഴി ന​ൽ​കു​ക​യും ക്രോ​സ് വി​സ്താ​ര​ത്തി​ൽ അ​നു​കൂ​ല​മാ​യി മൊ​ഴി ന​ൽ​കു​ക​യും ചെ​യ്തെ​ങ്കി​ലും ശാ​സ്ത്രീ​യ തെ​ളി​വി​ന്റെ​യും മ​റ്റു തെ​ളി​വു​ക​ളു​ടെ​യും അ​ടി​സ്ഥാ​ന​ത്തി​ലാ​ണ് ശി​ക്ഷ വി​ധി​ച്ച​ത്.

പ്രോ​സി​ക്യൂ​ഷ​ന് വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ ടി. ​ശോ​ഭ​ന ഹാ​ജ​രാ​യി. കു​ഴ​ൽ​മ​ന്ദം പൊ​ലീ​സ് ര​ജി​സ്റ്റ​ർ ചെ​യ്ത കേ​സ് അ​ന്ന​ത്തെ സി.​ഐ​മാ​രാ​യ വി.​എ​സ്. ധി​ന​രാ​ജ്, സി. ​സു​ന്ദ​ര​ൻ, എ.​എം. സി​ദ്ദി​ഖ് എ​ന്നി​വ​ർ അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ചു. കു​ഴ​ൽ​മ​ന്ദം സ്റ്റേ​ഷ​ൻ സി.​പി.​ഒ സു​ഭാ​ഷ് പ്രോ​സി​ക്യൂ​ഷ​ൻ ന​ട​പ​ടി ഏ​കോ​പി​പ്പി​ച്ചു. പ്രോ​സി​ക്യൂ​ഷ​ൻ 22 സാ​ക്ഷി​ക​ളെ വി​സ്ത​രി​ച്ച് 32 രേ​ഖ​ക​ൾ കേ​സി​ന്റെ തെ​ളി​വി​ലേ​ക്ക് സ്വീ​ക​രി​ച്ചു. പി​ഴ തു​ക ഇ​ര​ക്ക് ന​ൽ​കാ​നും വി​ധി​ച്ചു.