യു​വ​തി​യെ കൊ​ള്ള​യ​ടി​ച്ച ര​ണ്ടു​ പേ​ർ​ക്ക്​ 10 വ​ർ​ഷം ത​ട​വ്​

ദു​ബൈ: യു​വ​തി​യെ ത​ട്ടി​ക്കൊ​ണ്ടു​പോ​യി ആ​ക്ര​മി​ച്ച് വ​ന്‍തു​ക ക​വ​ര്‍ന്ന സം​ഭ​വ​ത്തി​ല്‍ ര​ണ്ട് ഏ​ഷ്യ​ക്കാ​ര്‍ക്ക് വി​ധി​ച്ച ശി​ക്ഷ ദു​ബൈ അ​പ്പീ​ല്‍ കോ​ട​തി 10 വ​ര്‍ഷ​മാ​യി വ​ര്‍ധി​പ്പി​ച്ചു. സ​മൂ​ഹ​മാ​ധ്യ​മം വ​ഴി പ​രി​ച​യ​പ്പെ​ട്ട സ്വ​ന്തം നാ​ട്ടു​കാ​രി​യാ​യ സ്ത്രീ​യെ​യാ​ണ്​ പ്ര​തി​ക​ൾ ആ​ക്ര​മി​ച്ച്​ പീ​ഡ​ന​ത്തി​നി​ര​യാ​ക്കി കൊ​ള്ള​യ​ടി​ച്ച​ത്. സ​മൂ​ഹ​മാ​ധ്യ​മ​ങ്ങ​ൾ വ​ഴി​യു​ള്ള പ​രി​ച​യം മു​ത​ലെ​ടു​ത്ത്​ ഒ​രു പാ​ർ​ട്ടി​യി​ലേ​ക്ക്​ ഇ​വ​രെ വി​ളി​ച്ചു​വ​രു​ത്തു​ക​യാ​യി​രു​ന്നു. എ​ന്നാ​ൽ, വാ​ഹ​ന​ത്തി​ൽ ക​യ​റ്റി ദു​ബൈ ജ​ബ​ൽ അ​ലി​യി​ലെ വി​ല്ല​യി​ലെ​ത്തി​ച്ച് പ​ണം ക​വ​രു​ക​യാ​യി​രു​ന്നു.

സ്ത്രീ​യു​ടെ ചി​ത്ര​ങ്ങ​ൾ പ​ക​ർ​ത്തി പു​റ​ത്തു​വി​ടു​മെ​ന്ന്​ ഭീ​ഷ​ണി​പ്പെ​ടു​ത്തി കു​ടും​ബ​ത്തോ​ടും പ​ണം ആ​വ​ശ്യ​പ്പെ​ട്ടി​രു​ന്നു. 1.7 ല​ക്ഷം ദി​ർ​ഹ​മാ​ണ്​ പ്ര​തി​ക​ൾ സ്ത്രീ​യു​ടെ കൈ​യി​ൽ​നി​ന്നും ബാ​ങ്ക്​ അ​ക്കൗ​ണ്ടി​ൽ നി​ന്നു​മാ​യി ത​ട്ടി​യെ​ടു​ത്ത​ത്.മൂ​ന്നു ദി​വ​സം ത​ട​വി​ൽ പാ​ർ​പ്പി​ച്ച​ശേ​ഷം യു​വ​തി​യെ മ​റ്റൊ​രു സ്ഥ​ല​ത്ത് കൊ​ണ്ടു​പോ​യി ഉ​പേ​ക്ഷി​ക്കു​ക​യാ​യി​രു​ന്നു. ഇ​വി​ടെ​നി​ന്ന്​ പൊ​ലീ​സി​ൽ വി​വ​ര​മ​റി​യി​ച്ച​തോ​ടെ​യാ​ണ്​ സം​ഭ​വം പു​റം​ലോ​ക​മ​റി​ഞ്ഞ​ത്. തു​ട​ർ​ന്ന്​ ദു​ബൈ പൊ​ലീ​സ്​ ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​ക​ൾ വ​ല​യി​ലാ​വു​ക​യാ​യി​രു​ന്നു. ക​ഴി​ഞ്ഞ ജൂ​ലൈ​യി​ൽ ന​ട​ന്ന സം​ഭ​വ​ത്തി​ൽ നേ​ര​ത്തേ കോ​ട​തി അ​ഞ്ചു വ​ര്‍ഷ​ത്തെ ത​ട​വി​ന്​ വി​ധി​ച്ചി​രു​ന്നു. ജ​യി​ല്‍ ശി​ക്ഷ​ക്ക്​ പു​റ​മെ യു​വ​തി​ക്ക്​ 1.7 ല​ക്ഷം ദി​ര്‍ഹം ന​ഷ്ട​പ​രി​ഹാ​രം ന​ല്‍കാ​നും കോ​ട​തി ഉ​ത്ത​ര​വി​ട്ടു. ശി​ക്ഷാ കാ​ലാ​വ​ധി​ക്കു​ശേ​ഷം ഇ​രു​വ​രെ​യും യു.​എ.​ഇ​യി​ല്‍നി​ന്ന് നാ​ടു​ക​ട​ത്താ​നും ഉ​ത്ത​ര​വാ​യി​ട്ടു​ണ്ട്.