Begin typing your search above and press return to search.
exit_to_app
exit_to_app
Homechevron_rightOpinionchevron_rightColumnschevron_rightനേരക്കുറികൾchevron_rightമുനവ്വറിന്​ കേരളം വേദി...

മുനവ്വറിന്​ കേരളം വേദി നൽകുമോ​?

text_fields
bookmark_border
മുനവ്വറിന്​ കേരളം വേദി നൽകുമോ​?
cancel
camera_alt

മു​ന​വ്വ​ർ ഫാ​റൂ​ഖി​

സ്​​റ്റാ​ൻ​ഡ്​​​അ​പ്​ കൊ​മേ​ഡി​യ​ൻ മു​ന​വ്വ​ർ ഫാ​റൂ​ഖി​യെ​ മി​ണ്ടാ​തെ മൂ​ല​ക്കി​രി​ക്കാ​ൻ നി​ർ​ബ​ന്ധി​ത​രാ​ക്കി ന​മ്മ​ൾ. ആ ​ക​ലാ​കാ​ര​ൻ നി​ശ്ശ​ബ്​​ദ​നാ​കു​​​മ്പോ​ഴും ചു​റ്റി​നും ബ​ഹ​ള​ങ്ങ​ൾ​ക്ക്​​ കു​റ​വൊ​ന്നു​മി​ല്ല. ക​ലാ​പ​കാ​രി​ക​ളാ​യ വ​ല​തു​പ​ക്ഷ ഹി​ന്ദു​ത്വ​ർ ഗ​ര്‍ഹ​ണീ​യ​മാ​യ കൊ​ല​വി​ളി​ക​ളും വി​ത​ണ്ഡാ​വാ​ദ​ങ്ങ​ളും മു​ഴ​ക്കി നി​ർ​ഭ​യം നി​ർ​ല​ജ്ജം ആ​ർ​ത്ത​ട്ട​ഹ​സി​ച്ച്​ ന​ട​പ്പു​ണ്ട്, അ​വ​ർ​ക്ക്​ ആ​രെ പേ​ടി​ക്കാ​ൻ? പ്ര​ത്യ​ക്ഷ​മോ പ​രോ​ക്ഷ​മോ ആ​യി ഭ​ര​ണ​കൂ​ട​വു​മാ​യി ബ​ന്ധ​പ്പെ​ട്ടു​കി​ട​ക്കു​ന്നു എ​ന്ന​താ​ണ്​ അ​വ​രു​ടെ കൊ​ല​വി​ളി​ക​ളു​ടെ പി​ൻ​ബ​ലം.

എ​ന്നാ​ൽ, ഭീ​ഷ​ണി സ​ഹി​ക്ക​വ​യ്യാ​തെ തോ​റ്റു​പി​ന്മാ​റു​ന്ന മു​ന​വ്വ​റി​നെ സം​ര​ക്ഷി​ച്ചു​നി​ർ​ത്താ​ൻ രാ​ഷ്​​ട്രീ​യ ശ​ക്തി​ക​​ളേ​തു​മി​ല്ല​ല്ലോ. നോ​ക്കൂ, എ​ത്ര വേ​ഗ​ത്തി​ലും എ​ളു​പ്പ​ത്തി​ലു​മാ​ണ്​ ക​ഴി​വു​റ്റ ഒ​രു ക​ലാ​കാ​ര​നെ വേ​ദി വി​ടാ​ൻ നി​ർ​ബ​ന്ധി​ത​നാ​ക്കി​യ​തെ​ന്ന്. മു​ന​വ്വ​ർ ഫാ​റൂ​ഖി​യും അ​യാ​ളു​ടെ പ്രാ​ഗ​ല്​​ഭ്യ​വും നി​ല​നി​ൽ​ക്ക​ണ​മെ​ന്ന്​ ന​മു​ക്കി​ട​യി​ലെ സ്വ​ബോ​ധ​മു​ള്ള ആ​ളു​ക​ളെ​ങ്കി​ലും ആ​ഗ്ര​ഹി​ക്കേ​ണ്ട​ത​ല്ലേ? അ​ത്ത​ര​മൊ​രു ചി​ന്ത പോ​ലും ഒ​രു കോ​ണി​ൽ​നി​ന്നും ഉ​യ​ർ​ന്നു കേ​ൾ​ക്കു​ന്ന​തേ​യി​ല്ല. ഒ​ന്നു ചോ​ദി​ക്ക​​ട്ടെ- ഫാ​ഷി​സ​ത്തി​ന്​ ഇ​നി​യും കീ​ഴൊ​തു​ങ്ങി​യി​ട്ടി​ല്ലാ​ത്ത കേ​ര​ള​ത്തി​ലോ, ബം​ഗാ​ളി​ലോ, പ​ഞ്ചാ​ബി​ലോ മു​ന​വ്വ​റി​ന്​ ഒ​രു ക​ലാ​പ​രി​പാ​ടി അ​വ​ത​രി​പ്പി​ക്കാ​ൻ 'അ​നു​മ​തി' ല​ഭി​ക്കു​മോ?

ഇ​ര​ട്ട​ത്താ​പ്പി​​െൻറ, ഇ​ര​ട്ട​നീ​തി​യു​ടെ കാ​ലം

ന​മ്മു​ടെ സാ​മൂ​ഹി​ക-​രാ​ഷ്​​ട്രീ​യ വ്യ​വ​ഹാ​ര​ങ്ങ​ളി​ലെ ഇ​ര​ട്ട​നീ​തി ഇ​ക്ക​ഴി​ഞ്ഞ വ​ർ​ഷ​ങ്ങ​ളി​ൽ മാ​ത്രം തു​ട​ങ്ങി​യ​ത​ല്ല. പ​ക്ഷേ, അ​ന്ന്​ ഇ​ത്ര​മാ​ത്രം ദൃ​ശ്യ​വും നൃ​ശം​സ​നീ​യ​വു​മാ​യി​ട്ടി​ല്ലാ​യി​രു​ന്നു​വെ​ന്ന്​ മാ​ത്രം. 90ക​ളു​ടെ ആ​ദ്യ പ​കു​തി​യി​ൽ ബാ​ബ​രി മ​സ്​​ജി​ദ്​ ധ്വം​സ​ന​ത്തി​ന്​ പി​റ​കെ​യു​ണ്ടാ​യ വ​ർ​ഗീ​യ​ക​ലാ​പ​ങ്ങ​ളെ​ക്കു​റി​ച്ച്​ റി​പ്പോ​ർ​ട്ട്​ ചെ​യ്യാ​ൻ ഡ​ൽ​ഹി​യി​ലെ സീ​ലം​പു​ർ മേ​ഖ​ല​യി​ൽ പോ​യ​ത്​ ഓ​ർ​ക്കു​ന്നു. പൊ​ലീ​സു​കാ​ർ പ​ര​സ്യ​മാ​യി വ​സ്​​ത്ര​മ​ഴി​പ്പി​ച്ച്​ ചേ​ലാ​ക​ർ​മം ചെ​യ്​​ത​വ​രെ ക​ണ്ടെ​ത്തി മാ​റ്റി​നി​ർ​ത്തി കൈ​കാ​ര്യം ചെ​യ്​​ത കാ​ര്യം അ​വി​ട​ത്തെ പു​രു​ഷ​ന്മാ​ർ വി​വ​രി​ച്ചി​രു​ന്നു അ​ന്ന്.

പൊ​ലീ​സും ഭ​ര​ണ​കൂ​ട​വും മാ​ത്ര​മ​ല്ല, മാ​ധ്യ​മ​ങ്ങ​ൾ വി​വി​ധ വി​ഷ​യ​ങ്ങ​ൾ കൈ​കാ​ര്യം ചെ​യ്യു​ന്ന രീ​തി ശ്ര​ദ്ധി​ച്ചി​ട്ടി​ല്ലേ? 2017 ജ​നു​വ​രി​യു​ടെ അ​വ​സാ​ന ദി​വ​സ​ങ്ങ​ളൊ​ന്നി​ൽ മേ​ഘാ​ല​യ ഗ​വ​ർ​ണ​ർ വി. ​ഷ​ൺ​മു​ഖ​നാ​ഥ​ന്​ പ​ദ​വി വി​​ട്ടൊ​ഴി​യേ​ണ്ടി​വ​ന്നി​രു​ന്നു. നി​ൽ​ക്ക​ക്ക​ള്ളി​യി​ല്ലാ​തെ രാ​ജി​വെ​ക്കേ​ണ്ടി​വ​ന്ന​താ​ണ്. പ​ദ​വി​യു​ടെ അ​ന്ത​സ്സ്​​ ത​ക​ർ​ത്തു​ക​ള​യും​വി​ധം അ​രു​താ​യ്​​മ​ക​ൾ ചെ​യ്​​തു​കൂ​ട്ടു​ന്നു​വെ​ന്ന്​ രാ​ജ്​​ഭ​വ​നി​ലെ 98 ഉ​ദ്യോ​ഗ​സ്​​ഥ​ർ പ​രാ​തി ന​ൽ​കി​യ​തി​നെ തു​ട​ർ​ന്നാ​യി​രു​ന്നു രാ​ജി. ലൈം​ഗി​ക അ​പ​മ​ര്യാ​ദ​യു​ടെ ദു​ഷ്​​പേ​ര്​ ആ​വോ​ളം കേ​ൾ​പ്പി​ച്ച മു​ൻ​ഗ​വ​ർ​ണ​റു​ടെ ആ​ർ.​എ​സ്.​എ​സ്​ ബ​ന്ധ​ങ്ങ​ളൊ​ന്നും രാ​ജി​യു​ടെ പ​ശ്ചാ​ത്ത​ല​ത്തി​ൽ മാ​ധ്യ​മ​ങ്ങ​ൾ ച​ർ​ച്ച​ചെ​യ്​​ത​തേ​യി​ല്ല. വി​ക്കി​പീ​ഡി​യ​യി​ൽ​പോ​ലും അ​ത്ത​രം വി​വ​ര​ങ്ങ​ളൊ​ന്നും വ​രാ​തി​രി​ക്കാ​ൻ ശ്ര​ദ്ധി​ക്കു​ന്നു ചി​ല​ർ. നി​ർ​ഭാ​ഗ്യ​ത്തി​ന്​ ഒ​രു മു​സ്​​ലിം പേ​രു​കാ​ര​നോ ഇ​ഷ്​​ട​മി​ല്ലാ​ത്ത രാ​ഷ്​​ട്രീ​യ പ്ര​ത്യ​യ​ശാ​സ്​​​ത്രം പി​ൻ​പ​റ്റു​ന്ന മ​​റ്റാ​രെ​ങ്കി​ലു​മോ ആ​യി​രു​ന്നു അ​യാ​ളു​ടെ സ്​​ഥാ​ന​ത്തെ​ങ്കി​ൽ മ​ടി​ത്ത​ട്ട്​ മാ​ധ്യ​മ​ങ്ങ​ൾ ഇ​ങ്ങ​നെ​യാ​യി​രു​ന്നു​വോ ഈ ​വി​ഷ​യം കൈ​കാ​ര്യം ചെ​യ്യു​ക? എ​ത്ര ദി​വ​സം നീ​ളു​ന്ന ഗൂ​ഢാ​ലോ​ച​നാ ച​ർ​ച്ച​ക​ളാ​യി​രു​ന്നേ​നെ, ന്യൂ​സ്​ ഡി​ബേ​റ്റു​ക​ളി​ൽ വാ​ക്കു​കൊ​ണ്ടു​ള്ള ആ​ൾ​ക്കൂ​ട്ട ആ​ക്ര​മ​ണം ത​ന്നെ അ​ര​ങ്ങേ​റി​യേ​നെ.

പ​ദ്​​മാ​വ​ത്​ എ​ന്ന സി​നി​മ​ക്കെ​തി​രെ ക​ർ​ണി സേ​ന വ​ലി​യ കോ​ലാ​ഹ​ല​ങ്ങ​ൾ ഉ​യ​ർ​ത്തി​യി​രു​ന്നു. ര​ജ്​​പു​ത്ര​രെ മോ​ശ​മാ​യി ചി​ത്രീ​ക​രി​ച്ചി​രി​ക്കു​ന്നു എ​ന്ന​താ​യി​രു​ന്നു അ​വ​രു​ടെ പ​രാ​തി. അ​ലാ​വു​ദ്ദീ​ൻ ഖി​ൽ​ജി​യെ മാം​സ​​ദാ​ഹി​യും വ​ഷ​ള​നു​മാ​യി ചി​ത്രീ​ക​രി​ച്ച​താ​യി മു​സ്​​ലിം​ക​ൾ​ക്കും ആ​ക്ഷേ​പ​മു​ണ്ടാ​യി​രു​ന്നു- പ​ക്ഷേ, പ്ര​തി​ഷേ​ധ​മു​യ​ർ​ത്താ​ൻ അ​വ​ർ മെ​ന​ക്കെ​ട്ടി​ല്ല. അ​തി​‍െൻറ പേ​രി​ൽ പൊ​ലീ​സി​‍െൻറ വേ​ട്ട​യും കേ​സു​ക​ളും കൂ​ടി താ​ങ്ങാ​നു​ള്ള ശേ​ഷി​യി​ല്ലെ​ന്ന നി​സ്സ​ഹാ​യാ​വ​സ്​​ഥ പ​ല​രും അ​ട​ക്കം പ​റ​യു​ക മാ​ത്രം ചെ​യ്​​തു.

വ​ല​തു​പ​ക്ഷ രാ​ഷ്​​ട്രീ​യ നേ​താ​ക്ക​ൾ എ​ത്ര പ​ര​സ്യ​മാ​യാ​ണ്​ മു​സ്​​ലിം​വി​രു​ദ്ധ ഭീ​ഷ​ണി​ക​ളും മു​ദ്രാ​വാ​ക്യ​ങ്ങ​ളും മു​ഴ​ക്കു​ന്ന​ത്. ഒ​രാ​ളും അ​റ​സ്​​റ്റ്​ ചെ​യ്യ​പ്പെ​ടു​ന്നി​ല്ല. 2020 ജ​നു​വ​രി​യി​ൽ ത​ല​സ്​​ഥാ​ന ന​ഗ​രി​യി​ൽ മു​സ്​​ലിം​വി​രു​ദ്ധ ഭീ​ഷ​ണി മു​ഴ​ക്കി​യ അ​നു​രാ​ഗ്​ ഠാ​കൂ​ർ, ക​പി​ൽ മി​ശ്ര, പ​ർ​വേ​ശ്​ വ​ർ​മ തു​ട​ങ്ങി​യ​വ​ർ നാ​ളി​തു​വ​രെ എ​ന്തെ​ങ്കി​ലും നി​യ​മ​ന​ട​പ​ടി നേ​രി​ടേ​ണ്ടി​​വ​ന്നോ?

വി​ശ്വ​ഹി​ന്ദു പ​രി​ഷ​ത്തി​െൻറ​യും ബ​ജ്​​റം​ഗ്​​ദ​ളി​‍െൻറ​യും ആ​യു​ധ പ​രി​ശീ​ല​ന ക്യാ​മ്പു​ക​ളി​ൽ (അ​ത്ത​രം പ​രി​ശീ​ല​നം ത​ന്നെ നി​യ​മ​വി​രു​ദ്ധ​മാ​ണ്) തൊ​പ്പി​യി​ട്ട ത​ല​ക​ളു​ടെ മാ​തൃ​ക​യു​ണ്ടാ​ക്കി ത​ല​യോ​ട്ടി തു​ള​യും വി​ധം ആ​ക്ര​മി​ക്കാ​നാ​ണ്​ പ​ഠി​പ്പി​ക്കു​ന്ന​ത്. ഇ​ക്കാ​ര്യം സം​ഘാ​ട​ക​രി​ൽ ചി​ല​ർ ത​ന്നെ മാ​ധ്യ​മ​ങ്ങ​ൾ​ക്കു​മു​ന്നി​ൽ തു​റ​ന്നു​പ​റ​ഞ്ഞി​ട്ടും എ​ന്തെ​ങ്കി​ലും ന​ട​പ​ടി​ക​ളു​ണ്ടാ​യ​താ​യി ​കേ​ട്ടി​ട്ടു​ണ്ടോ?



ഉ​മാ​ഭാ​ര​തി​യും ജോ​ഷിയും


ബാ​ബ​രി മ​സ്​​ജി​ദ്​ ത​ക​ർ​ക്കാ​ൻ അ​നു​യാ​യി​ക​ളെ പ്രേ​രി​പ്പി​ച്ച്​ പ​ള്ളി​യു​ടെ താ​ഴി​ക​ക്കു​ട​ങ്ങ​ൾ ത​ക​ർ​ന്നു​വീ​ഴ​വെ ആ​ന​ന്ദ​നൃ​ത്തം ച​വി​ട്ടി ആ​ലിം​ഗ​നം ചെ​യ്യു​ന്ന അ​ദ്വാ​നി-​ജോ​ഷി- ഉ​മാ​ഭാ​ര​തി​മാ​രു​ടെ ന​ടു​ക്കു​ന്ന ചി​ത്രം മ​റ​ന്നി​ട്ടി​ല്ല ഇ​നി​യു​മാ​രും- ഈ ​മ​തേ​ത​ര രാ​ജ്യ​ത്തെ ഇ​ത്ര​മേ​ൽ പ​ങ്കി​ല​മാ​ക്കി​യ നി​ഷ്​​ഠു​ര​ത​യി​ൽ പ​ങ്കു​ചേ​ർ​ന്ന മൂ​വ​രും പി​ന്നീ​ട്​ രാ​ജ്യ​ത്തി​‍െൻറ ഉ​ത്ത​ര​വാ​ദ​പ്പെ​ട്ട പ​ദ​വി​ക​ളി​ൽ വി​രാ​ജി​ക്കു​ന്ന​താ​ണ്​ നാം ​ക​ണ്ട​ത്.

വി​ദ്വേ​ഷ പ്ര​ചാ​ര​ക​രെ​യും അ​ക്ര​മി​ക​ളെ​യും തൊ​ടാ​ൻ മ​ടി​ക്കു​​​മ്പോ​ൾ ത​ന്നെ അ​ക്കാ​ദ​മീ​ഷ്യ​ന്മാ​രെ​യും പൗ​രാ​വ​കാ​ശ പ്ര​വ​ർ​ത്ത​ക​രെ​യും വി​ദ്യാ​ർ​ഥി​ക​ളെ​പ്പോ​ലും രാ​ജ്യ​ദ്രോ​ഹം ഉ​ൾ​പ്പെ​ടെ കു​റ്റ​ങ്ങ​ൾ ചു​മ​ത്തി ജ​യി​ലി​ല​ട​ക്കു​ന്ന കാ​ഴ്​​ച​ക​ൾ​ക്ക്​ നാം ​സാ​ക്ഷ്യം വ​ഹി​ക്കു​ന്നു. ക​ർ​ണാ​ട​ക​യി​ലെ ബീ​ദ​റി​ൽ സ്​​കൂ​ൾ നാ​ട​ക​ത്തി​ൽ പ്ര​ധാ​ന​മ​ന്ത്രി​യെ വി​മ​ർ​ശി​ച്ചു​വെ​ന്നാ​രോ​പി​ച്ച്​ കു​ട്ടി​ക​ളെ​യും ര​ക്ഷി​താ​ക്ക​ളെ​യും ​പൊ​ലീ​സ്​ ഏ​റെ ക​ഷ്​​ട​പ്പെ​ടു​ത്തി​യ സം​ഭ​വ​വു​മു​ണ്ടാ​യി.

വ​ല​തു​പ​ക്ഷ സം​ഘ​ട​ന​ക​ളു​ടെ കീ​ഴി​ൽ പ്ര​വ​ർ​ത്തി​ക്കു​ന്ന സ്​​കൂ​ളു​ക​ളു​ടെ പാ​ഠ​പു​സ്​​ത​ക​ങ്ങ​ളൊ​ന്നു തു​റ​ന്നു നോ​ക്കി​യാ​ല​റി​യാം എ​ത്ര​മാ​ത്രം വി​ഷ​ലി​പ്​​ത​വും അ​ബ​ദ്ധ​ജ​ടി​ല​വു​മാ​യ പാ​ഠ​ങ്ങ​ളാ​ണ്​ കു​ട്ടി​ക​ളി​ലേ​ക്ക്​ കൈ​മാ​റ​പ്പെ​ടു​ന്ന​തെ​ന്ന്. എ​ന്നാ​ൽ, ത​രം​കി​ട്ടു​​​മ്പോ​ഴെ​ല്ലാം മ​ദ്​​റ​സ​ക​ളെ​ക്കു​റി​ച്ച്​ അ​പ​ഖ്യാ​തി പ​ര​ത്തു​ന്ന​തി​ന്​ ത​ങ്ങ​ളി​രി​ക്കു​ന്ന ക​സേ​ര​ക​ളോ വ​ഹി​ക്കു​ന്ന പ​ദ​വി​ക​ളോ അ​വ​രെ ത​ട​യു​ന്നു​മി​ല്ല. യോ​ഗി​മ​ന്ത്രി​സ​ഭ​യി​ൽ തൊ​ഴി​ൽ​വ​കു​പ്പ്​ കൈ​കാ​ര്യം ചെ​യ്യു​ന്ന ര​ഘു​രാ​ജ്​ സി​ങ്​ ഈ​യി​ടെ പ​റ​ഞ്ഞ​ത്​ മ​ദ്​​റ​സ​ക​ളി​ൽ​നി​ന്ന്​ കു​ട്ടി​ക​ൾ ഭീ​ക​ര​വാ​ദി​ക​ളാ​യാ​ണ്​ പ​ഠി​ച്ചി​റ​ങ്ങു​ന്ന​ത്​ എ​ന്നാ​ണ്. ​

ബി.​ജെ.​പി​ക്ക്​ നി​യ​മ​സ​ഭ​യി​ൽ നാ​മ​മാ​ത്ര പ്രാ​തി​നി​ധ്യം പോ​ലു​മി​ല്ലാ​ത്ത കേ​ര​ള​ത്തി​ൽ പോ​ലും പ​ള്ളി​ക​ൾ ഇ​ല്ലാ​താ​ക്കു​മെ​ന്നും ബാ​ങ്ക്​ വി​ളി മു​ട​ക്കു​മെ​ന്നും നഗരമധ്യത്തിൽ ​ പ്രകടനം നടത്തി ഭീ​ഷ​ണി മു​ദ്രാ​വാ​ക്യം വി​ളി​ക്കാ​നും നി​രോ​ധ​നാ​ജ്​​ഞ ലം​ഘി​ച്ച്​ വീ​ണ്ടും വി​ദ്വേ​ഷ പ്ര​ക​ട​നം ന​ട​ത്താ​നും സം​ഘ്​​പ​രി​വാ​ർ ഹു​ങ്ക്​ കാ​ണി​ക്കു​ന്നു.

ഇ​ത്ത​രം പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​വ​രെ ത​ട​യാ​നും ഉ​ത്ത​രം പ​റ​യി​ക്കാ​നും ക​മീ​ഷ​നു​ക​ളും വ്യ​വ​സ്​​ഥാ​പി​ത സ​ർ​ക്കാ​ർ സം​വി​ധാ​ന​ങ്ങ​ളു​മെ​ല്ലാം ഭ​ര​ണ​ഘ​ട​നാ​നു​സൃ​ത​മാ​യി നി​ല​നി​ൽ​ക്കെ​യാ​ണ്​ ഈ ​വി​ഷ​പ്പെ​യ്​​ത്തു​ക​ളെ​ല്ലാം.

Show Full Article
TAGS:munawar faruqui 
News Summary - Will Kerala provide a venue for munawar faruqui?
Next Story