Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightColumnschevron_rightനീതിയുടെ വിതാനങ്ങൾchevron_rightവെറുപ്പിന്‍റെ...

വെറുപ്പിന്‍റെ രാഷ്ട്രീയവും പ്രതിരോധവും

text_fields
bookmark_border
haridwar hate speech
cancel

വി​ദ്വേ​ഷ ഭാ​ഷ​ണ​ങ്ങ​ൾ കേ​വ​ലം ക്രി​മി​ന​ൽ​കു​റ്റ​ങ്ങ​ൾ മാ​ത്ര​മ​ല്ല; അ​തേ​സ​മ​യം, അ​വ​യെ ക്രി​മി​ന​ൽ കു​റ്റ​ങ്ങ​ളാ​യി കാ​ണ​ണ​മെ​ന്ന​ത്​ അ​തി​പ്ര​ധാ​ന​മാ​ണ്. ക്രി​മി​ന​ൽ കു​റ്റ​ങ്ങ​ൾ ന​ട​ന്നു ക​ഴി​ഞ്ഞാ​ലാ​വ​ട്ടെ, ന​ട​പ​ടി​ക​ൾ ഉ​ണ്ടാ​ക​ണം. ആ ​ന​ട​പ​ടി​ക​ളാ​ക​ട്ടെ തു​ല്യ​നീ​തി സ​ങ്ക​ൽ​പ​ത്തി​നു ചേ​രു​ന്ന വി​ധ​ത്തി​ലാ​യി​രി​ക്ക​ണം.

ചി​ല​ർ​ക്ക്​ ഏ​തു​ത​രം വി​ദ്വേ​ഷ ഭാ​ഷ​ണ​ത്തി​ലും കൊ​ല​വി​ളി​യി​ലിും ഏ​ർ​പ്പെ​ടാം; എ​ന്നാ​ൽ, മ​റ്റു ചി​ല​ർ സ​മാ​ധാ​ന​പ​ര​മാ​യി സ​ർ​ക്കാ​റി​നെ​തി​രെ എ​ന്തെ​ങ്കി​ലും അ​ഭി​പ്രാ​യം പ​റ​യാ​ൻ പോ​ലും പാ​ടി​ല്ല എ​ന്നു വ​ന്ന​താ​ൽ അ​തു​ നി​യ​മ​വാ​ഴ്ച​യ​ല്ല, ജ​നാ​ധി​പ​ത്യ​വു​മ​ല്ല. ആ​ളു​ക​െ​​ള നോ​ക്കി നി​യ​മം പ്ര​യോ​ഗി​ക്കു​ക​യും പ്ര​യോ​ഗി​ക്കാ​തി​രി​ക്കു​ക​യും ചെ​യ്യു​ന്ന അ​വ​സ്ഥ നീ​തി​യു​ടെ സ​മ്പൂ​ർ​ണ നി​രാ​ക​ര​ണ​മാ​ണ്.

ഹ​രി​ദ്വാ​റി​ൽ വെ​ച്ചു ന​ട​ന്ന കു​പ്ര​സി​ദ്ധ​മാ​യ കൊ​ല​വി​ളി​ക​ളും അ​തി​നെ​ത്തു​ട​ർ​ന്ന്​ നി​യ​മ​ത്തി​ന്‍റെ പ്ര​യോ​ഗ​ത്തി​ലു​ണ്ടാ​യ നി​സ്സം​ഗ​ത​യും വി​വേ​ച​ന​വും പ​ക്ഷ​പാ​തി​ത്വ​വു​മെ​ല്ലാം ഇ​ന്ത്യ​യി​ൽ വെ​റു​പ്പെ​ന്ന പ്ര​ത്യ​യ​ശാ​സ്ത്രം എ​ത്ര​ക​ണ്ട്​ വേ​രി​റ​ക്കി​ക്ക​ഴി​ഞ്ഞു​വെ​ന്ന​തി​ന്‍റെ സൂ​ച​ന​യാ​ണ്. ഇ​ക്കാ​ര്യ​ത്തി​ൽ ന​ട​പ​ടി​ക​ൾ ആ​വ​ശ്യ​പ്പെ​ട്ടു​കൊ​ണ്ട്​ ഒ​രു​കൂ​ട്ടം അ​ഭി​ഭാ​ഷ​ക​ർ ഇ​ന്ത്യ​ൻ ചീ​ഫ്​ ജ​സ്റ്റി​സി​ന്​ ക​ത്ത​യ​ക്കു​ക​യു​ണ്ടാ​യി. എ​ന്നാ​ൽ, ഇ​ക്കാ​ര്യ​ത്തി​ൽ സ​മ​ഗ്ര​വും സ​ഫ​ല​വും സ​ത്യ​സ​ന്ധ​വു​മാ​യ ന​ട​പ​ടി​ക​ൾ പൊ​ലീ​സി​ന്‍റെ​യും സ​ർ​ക്കാ​റി​ന്‍റെ​യും ഭാ​ഗ​ത്തു​നി​ന്നും ഉ​ണ്ടാ​യി​ട്ടി​ല്ല. പേ​രി​നു ചി​ല​രു​ടെ പേ​രി​ൽ പ്ര​ഥ​മ വി​വ​ര റി​പ്പോ​ർ​ട്ട്​ ത​യാ​റാ​ക്കി​യെ​ന്ന​തു​കൊ​ണ്ട്​ ത​ൽ​ക്കാ​ലം ചി​ല പു​ക​മ​റ സൃ​ഷ്ടി​ക്കാ​ൻ ക​ഴി​യു​മെ​ന്ന​ല്ലാ​തെ, കാ​ര്യ​വി​വ​ര​മു​ള്ള പൗ​ര​ജ​ന​ങ്ങ​ളെ വ​ഞ്ചി​ക്കാ​ൻ ക​ഴി​യി​ല്ല.

ഇ​ന്ത്യ​ൻ ശി​ക്ഷാ നി​യ​മ​ത്തി​ലെ 153എ ​വ​കു​പ്പ്, മ​ത​ത്തി​ന്‍റെ​യോ വം​ശ​ത്തി​ന്‍റെ​യോ ജ​ന​ന- താ​മ​സ​സ്ഥ​ല​ങ്ങ​ളു​ടെ​യോ ഭാ​ഷ​യു​ടെ​യോ പേ​രി​ൽ വ്യ​ത്യ​സ്ത വി​ഭാ​ഗ​ക്കാ​ർ​ക്കി​ട​യി​ൽ ശ​ത്രു​ത വ​ള​ർ​ത്തു​ന്ന​തി​നെ കു​റ്റ​മാ​യി​കാ​ണു​ന്നു. സാ​ധാ​ര​ണ ഗ​തി​യി​ൽ മൂ​ന്നു വ​ർ​ഷം ത​ട​വു​വ​രെ ശി​ക്ഷ ല​ഭി​ക്കാ​വു​ന്ന ഈ ​കു​റ്റ​ത്തി​ന്​ ഒ​രു വ​ക​ഭേ​ദ​മു​ണ്ട്.

മ​ത​പ​ര​മാ​യ ച​ട​ങ്ങു​ക​ളു​ടെ​യോ സ​മ്മേ​ള​ന​ങ്ങ​ളു​ടെ​യോ ഭാ​ഗ​മാ​യി ഇ​തേ കു​റ്റം ചെ​യ്യു​ന്ന​ത്​ അ​ഞ്ചു​വ​ർ​ഷം വ​രെ ത​ട​വു​ശി​ക്ഷ ന​ൽ​കേ​ണ്ട കു​റ്റ​മാ​ണെ​ന്ന്​ നി​യ​മം പ​റ​യു​ന്നു. ശി​ക്ഷാ​നി​യ​മ​ത്തി​ലെ 505ാം വ​കു​പ്പും സാ​മൂ​ഹി​ക വി​ഭാ​ഗ​ങ്ങ​ൾ​ക്കി​ട​യി​ൽ സ്പ​ർ​ധ​യും ഭീ​തി​യും വ​ള​ർ​ത്തു​ന്ന ന​ട​പ​ടി​ക​ൾ ശി​ക്ഷാ​ർ​ഹ​മാ​ണെ​ന്ന്​ വ്യ​ക്ത​മാ​ക്കു​ന്നു. ഈ ​നി​യ​മ​ങ്ങ​ൾ പ​ക്ഷേ, ഹ​രി​ദ്വാ​റി​ൽ നോ​ക്കു​കു​ത്തി​ക​ളാ​യി.

ഈ ​ശി​ക്ഷാ​നി​യ​മ വ്യ​വ​സ്ഥ​ക​ൾ ശ​രി​യാ​യി ന​ട​പ്പാ​ക്കേ​ണ്ട​തി​ന്‍റെ ആ​വ​ശ്യ​ക​ത​യെ​ക്കു​റി​ച്ച്​ ബാ​ബു​റാ​വു പ​ട്ടേ​ലി​െൻറ കേ​സി​ൽ (Baburao Patel v. State (1980 2 SCC 402) പ​ര​മോ​ന്ന​ത ​േ​കാ​ട​തി​ത​ന്നെ വ്യ​ക്ത​മാ​ക്കു​ക​യു​ണ്ടാ​യി. മ​ത​സ്പ​ർ​ധ വ​ള​ർ​ത്താ​നും ഒ​രു ന്യൂ​ന​പ​ക്ഷ വി​ഭാ​ഗ​ത്തെ മൊ​ത്തം ക്രി​മി​ന​ലു​ക​ളാ​യി ചി​ത്രീ​ക​രി​ക്കാ​നും ഒ​രു പ്ര​ബ​ന്ധ​ത്തി​ലൂ​ടെ ശ്ര​മി​ച്ച​പ്പോ​ൾ അ​തു​ 'രാ​ഷ്ട്രീ​യ സി​ദ്ധാ​ന്ത'​മാ​ണെ​ന്ന പ്ര​തി​യു​ടെ വാ​ദ​മാ​ണ്​ സു​പ്രിം​കോ​ട​തി ഈ ​കേ​സി​ൽ നി​രാ​ക​രി​ച്ച​ത്. എ​ൺ​പ​തു​ക​ളി​ൽ തു​ട​ങ്ങി സ​മീ​പ​കാ​ലം വ​രെ സു​പ്രീം​കോ​ട​തി സ്വീ​ക​രി​ച്ച ഈ ​നി​ല​പാ​ട്​ യ​ഥാ​ർ​ത്ത​ത്തി​ൽ ശി​ക്ഷാ നി​യ​മ​ത്തി​ന്‍റെ മാ​ത്രം ബ​ല​ത്തി​ലു​ള്ള​താ​യി​രു​ന്നി​ല്ല, മ​റി​ച്ച്​ ഭ​ര​ണ​ഘ​ട​നാ മൂ​ല്യ​ങ്ങ​ളു​ടെ​ത​ന്നെ അ​ടി​സ്ഥാ​ന​ത്തി​ലു​ള്ള​താ​യി​രു​ന്നു.

വി​ദ്വേ​ഷ​ഭാ​ഷ​ണ​ങ്ങ​ൾ, നാ​നാ​ത്വ​ത്തി​ൽ ഏ​ക​ത്വം കാം​ക്ഷി​ക്കു​ന്ന ഇ​ന്ത്യ​ൻ സ​മൂ​ഹ​ത്തി​ലു​ണ്ടാ​ക്കു​ന്ന ക്ഷ​ത​ങ്ങ​ളെ​ക്കു​റി​ച്ച്​ ഒ​ട്ടേ​റെ പൗ​ര​ർ വ്യാ​കു​ല​പ്പെ​ട്ടി​ട്ടു​ണ്ട്. കേ​ന്ദ്ര നി​യ​മ ക​മീ​ഷ​ൻ അ​തി​ന്‍റെ 267ാം റി​​പ്പോ​ർ​ട്ടി​ൽ വി​ദ്വേ​ഷ ഭാ​ഷ​ണ​ങ്ങ​ൾ​ക്ക്​ പ്ര​ത്യേ​ക​മാ​യി ചി​ല വ​കു​പ്പു​ക​ൾ കൂ​ടി ശി​ക്ഷാ​നി​യ​മ​ത്തി​ൽ ചേ​ർ​ക്ക​ണ​മെ​ന്ന്​ അ​ഭി​പ്രാ​യ​പ്പെ​ടു​ക​യു​ണ്ടാ​യി. കാ​ന​ഡ പോ​ലു​ള്ള രാ​ജ്യ​ങ്ങ​ളി​ൽ വി​ദ്വേ​ഷ ഭാ​ഷ​ണ​ത്തി​നെ​തി​രെ പ്ര​ത്യേ​ക നി​യ​മ​നി​ർ​മാ​ണം​ത​ന്നെ ഉ​ണ്ടാ​യി​ട്ടു​ണ്ട്. സാ​സ്കാ​ച്​​വ​ൺ വേ​ഴ്​​സ​സ്​ വാ​ട്​​കോ​ട്​ (Saskatchewan Human Rights Commission v. William Whatcott) എ​ന്ന കേ​സി​ൽ ഈ ​നി​യ​മ​ത്തെ സാ​ധൂ​ക​രി​ക്കു​ക​യും അ​തി​ന്‍റെ പ്രാ​ധാ​ന്യ​ത്തി​ന്​ അ​ടി​വ​ര​യി​ടു​ക​യും ചെ​യ്തി​ട്ടു​ണ്ട്. ഇ​ത്ത​രം കാ​ര്യ​ങ്ങ​ൾ ഇ​പ്പോ​ൾ സു​പ്രീം​കോ​ട​തി സു​ദ​ർ​ശ​ൻ ടെ​ലി​വി​ഷ​ൻ കേ​സി​ൽ പ​രി​ഗ​ണി​ച്ചു പോ​രു​ക​യാ​ണ്. ന്യൂ​ന​പ​ക്ഷ മ​ത​വി​ഭാ​ഗ​ങ്ങ​ൾ സ​ർ​ക്കാ​ർ ജോ​ലി​ക​ൾ അ​ന​ർ​ഹ​മാ​യും അ​വി​ഹി​ത​മാ​യും ​ൈക​യ​ട​ക്കു​െ​ന്ന​ന്ന പ്ര​ചാ​ര​ണം ന​ട​ത്തി​ക്കൊ​ണ്ടു​ള്ള സു​ദ​ർ​ശ​ൻ ടി.​വി​യു​ടെ പ​രി​പാ​ടി​ക​ൾ സം​പ്രേ​ക്ഷ​ണം ന​ട​ത്തു​ന്ന​ത്​ ജ​സ്റ്റി​സ്​ ച​ന്ദ്ര​ചൂ​ഡ്​ അ​ധ്യ​ക്ഷ​നാ​യ ബെ​ഞ്ച്​ വി​ല​ക്കു​ക​യു​ണ്ടാ​യി. ആ ​വി​ല​ക്ക്​ ഇ​പ്പോ​ഴും തു​ട​രു​ക​യാ​ണ്.

എ​ന്നാ​ൽ, കേ​ന്ദ്ര നി​യ​മ​ക​മീ​ഷ​നും മ​റ്റു ചി​ല ക​മീ​ഷ​നു​ക​ളും ചൂ​ണ്ടി​ക്കാ​ണി​ച്ച​തു​പോ​ലെ നി​യ​മ​ഭേ​ദ​ഗ​തി​ വ​ഴി​യോ നി​യ​മ പ​രി​ഷ്കാ​രം വ​ഴി​യോ സ​മ​കാ​ലി​ക ഇ​ന്ത്യ​യി​ലെ വി​ദ്വേ​ഷ ഭാ​ഷ​ണ​മു​യ​ർ​ത്തു​ന്ന വെ​ല്ലു​വി​ളി​ക​ളെ നേ​രി​ടാ​ൻ ക​ഴി​യി​ല്ല. ക​നേ​ഡി​യ​ൻ മാ​തൃ​ക​യി​ലു​ള്ള പ്ര​ത്യേ​ക നി​യ​മ​നി​ർ​മാ​ണം വ​ഴി​യും അ​തി​നു​ക​ഴി​യ​ണ​മെ​ന്നി​ല്ല. കാ​ര​ണം എ​ത്ര ക​ടു​ത്ത നി​യ​മ​ങ്ങ​ൾ ഉ​ണ്ടാ​ക്കി​യാ​ലും അ​വ സ്വ​ന്ത​ക്കാ​രാ​യ കു​റ്റ​ക്കാ​ർ​ക്കെ​തി​രെ ഉ​പ​യോ​ഗി​ക്കാ​തി​രി​ക്കു​ക​യും വി​മ​ർ​ശി​ക്കു​ന്ന 'അ​പ​ര​ന്മാ​രാ​യ' നി​ര​പ​രാ​ധി​ക​ൾ​ക്കെ​തി​രെ മാ​ത്രം ഉ​പ​യോ​ഗി​ക്കു​ക​യും ചെ​യ്താ​ലോ? അ​തി​നാ​ണ്, അ​തി​നു​മാ​ത്ര​മാ​ണ്, ഇ​ന്ന​ത്തെ ഇ​ന്ത്യ​യി​ൽ സാ​ധ്യ​ത.

പ്ര​ബു​ദ്ധ​രാ​യ പൗ​ര​സ​മൂ​ഹം നി​ല​വി​ലു​ള്ള നി​യ​മ​ത്തെ ഉ​പ​യോ​ഗി​ക്കാ​ൻ ത​യാ​റാ​യി മു​ന്നോ​ട്ടു​വ​ന്നാ​ൽ കോ​ട​തി​ക​ൾ അ​വ​രു​ടെ ര​ക്ഷ​ക്കെ​ത്ത​ണം. ഒ​പ്പം, വി​ദ്വേ​ഷ ഭാ​ഷ​ണ​ത്തെ സാ​മൂ​ഹി​ക​വും രാ​ഷ്ട്രീ​യ​വു​മാ​യ മു​ന്നേ​റ്റ​ങ്ങ​ളി​ലൂ​ടെ തു​റ​ന്നു​കാ​ണി​ക്കാ​നും അ​തി​ന്‍റെ വ​ക്താ​ക്ക​ൾ ജ​ന​ങ്ങ​ൾ​ക്കും നാ​ടി​നും ചെ​യ്യു​ന്ന ദ്രോ​ഹ​ങ്ങ​ളെ​ക്കു​റി​ച്ച്​ വി​ശ​ദീ​ക​രി​ക്കാ​നും മ​തേ​ത​ര രാ​ഷ്ട്രീ​യ ക​ക്ഷി​ക​ൾ​ക്ക്​ ക​ഴി​യ​ണം. വെ​റു​പ്പി​നെ വെ​റു​പ്പു​കൊ​ണ്ടി​ല്ലാ​താ​ക്കാ​നാ​വി​ല്ലെ​ന്ന്​ പ​റ​ഞ്ഞ​ത്​ ശ്രീ​ബു​ദ്ധ​ൻ. ഇ​ന്ത്യ​ൻ ഭ​ര​ണ​ഘ​ട​ന ന​ൽ​കു​ന്ന ആ​ത്യ​ന്തി​ക സ​ന്ദേ​ശ​വും അ​തു​ത​ന്നെ​യാ​ണ്. സാ​ഹോ​ദ​ര്യ​വും സ​മ​ത്വ​വും സ്വാ​ത​ന്ത്ര്യ​വും പീ​ഠി​ക​യി​ൽ​ത്ത​ന്നെ വി​ളം​ബ​രം ചെ​യ്യു​ന്ന ഈ ​രാ​ഷ്ട്രീ​യ രേ​ഖ, ഒ​രു സാം​സ്കാ​രി​ക ചി​ഹ്നം കൂ​ടി​യാ​ണ്.

അ​തു​കൊ​ണ്ടാ​ണ്, വെ​റു​പ്പെ​ന്ന പ്ര​ത്യ​യ​ശാ​സ്ത്ര​ത്തെ നി​യ​മ​പ​ര​മാ​യി എ​ന്ന​തു​പോ​ലെ രാ​ഷ്ട്രീ​യ​മാ​യും സാം​സ്കാ​രി​ക​മാ​യും കൂ​ടി പ്ര​തി​രോ​ധി​ക്ക​ണ​മെ​ന്ന്​ പ​റ​യു​ന്ന​ത്. വ​ർ​ഗീ​യ​ത​യെ വ​ർ​ഗീ​യ​ത​കൊ​ണ്ട്​ ചെ​റു​ക്കാം എ​ന്ന്​ ക​രു​തു​ന്ന​ത്​ മൗ​ഢ്യ​മാ​ണെ​ന്ന്​ ലോ​ക​ത്തി​ന്‍റെ ച​രി​ത്ര​വും വ​ർ​ത്ത​മാ​ന​വും പ​റ​ഞ്ഞു​ത​രു​ന്നു.

ലേ​ഖ​ക​ൻ സു​പ്രീം​കോ​ട​തി​യി​ലും കേ​ര​ള ഹൈ​കോ​ട​തി​യി​ലും അ​ഭി​ഭാ​ഷ​ക​നാ​ണ്

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:hate speachHaridwar Hate Speech
News Summary - The politics and defense of hatred
Next Story