Begin typing your search above and press return to search.
proflie-avatar
Login
exit_to_app
exit_to_app
മ​റ്റൊ​ര​ു ദീർഘ യു​ദ്ധ​ത്തി​ന്റെ മ​ഞ്ഞു​കാ​ല​ത്തി​ലേ​ക്കോ?
cancel
camera_alt

ബോം​ബാ​ക്ര​മ​ണ​ത്തി​ൽ​നി​ന്ന് ര​ക്ഷ​പ്പെ​ടാ​ൻ കു​ഞ്ഞു​മാ​യി ആ​ശു​പ​ത്രി​ക്ക​ടി​യി​ലെ നി​ല​വ​റ​യി​ൽ അ​ഭ​യം തേ​ടി​യ അ​മ്മ. കി​യ​വി​ലെ കു​ട്ടി​ക​ളു​ടെ ആ​ശു​പ​ത്രി​യി​ൽ​നി​ന്നു​ള്ള കാ​ഴ്ച

Homechevron_rightOpinionchevron_rightColumnschevron_rightനാലാംകണ്ണ്chevron_rightമ​റ്റൊ​ര​ു ദീർഘ...

മ​റ്റൊ​ര​ു ദീർഘ യു​ദ്ധ​ത്തി​ന്റെ മ​ഞ്ഞു​കാ​ല​ത്തി​ലേ​ക്കോ?

text_fields
bookmark_border

ആ​ധു​നി​ക​സ​മൂ​ഹ​ത്തി​ല്‍ ന​യ​ത​ന്ത്ര​ത്തി​ലൂ​ടെ അ​ഹിം​സാ​ത്മ​ക​മാ​യാ​ണ് രാ​ഷ്ട്ര​ങ്ങ​ള്‍ ഉ​ഭ​യ​ക​ക്ഷി പ്ര​ശ്ന​ങ്ങ​ള്‍ സ​മാ​ധാ​ന​പ​ര​മാ​യി പ​രി​ഹ​രി​ക്കേ​ണ്ട​ത്. എ​ന്നാ​ല്‍, ഐ​ക്യ​രാ​ഷ്ട്ര​സ​ഭ​ത​ന്നെ ഒ​രു നോ​ക്കു​കു​ത്തി​യാ​യി മാ​റി​യ ലോ​ക​ത്ത് കേ​വ​ല​മാ​യ യു​ദ്ധ​വി​രു​ദ്ധ സു​വി​ശേ​ഷം പ്രാ​ന്ത​വ​ത്​​ക​രി​ക്ക​പ്പെ​ട്ട വ്യ​വ​ഹാ​ര​മാ​ണ്. അ​തി​നി​പ്പോ​ള്‍ മ​നു​ഷ്യ​സം​സ്കൃ​തി​യു​ടെ ഉ​ദാ​ത്ത​മാ​യ സ്വ​യം​വി​മ​ർ​ശ​നം എ​ന്ന​തി​ല്‍ ക​വി​ഞ്ഞ പ്രാ​വ​ർ​ത്തി​ക പ്രാ​ധാ​ന്യ​മി​ല്ല എ​ന്ന​താ​ണ് വ​സ്തു​ത. മാ​ത്ര​മ​ല്ല, യു​ദ്ധ​ങ്ങ​ള്‍, അ​വ ചെ​റു​രാ​ഷ്ട്ര​ങ്ങ​ള്‍ ത​മ്മി​ലു​ള്ള സം​ഘ​ർ​ഷ​ങ്ങ​ളാ​ണെ​ങ്കി​ല്‍പോ​ലും പ​ല​പ്പോ​ഴും ഉ​ണ്ടാ​വു​ന്ന​ത് ആ​ഗോ​ള​രാ​ഷ്ട്രീ​യ​ത്തി​ന്റെ ശാ​ക്തി​ക​യു​ക്തി​ക്കു​ള്ളി​ലാ​ണ്, അ​തി​നു പു​റ​ത്ത​ല്ല. ഒ​ന്നും ര​ണ്ടും ലോ​ക​യു​ദ്ധ​ങ്ങ​ൾ​ക്കും അ​തി​നു​ശേ​ഷ​മു​ള്ള നീ​ണ്ട ശീ​ത​യു​ദ്ധ​ത്തി​നും​ശേ​ഷം ഇ​രു​പ​താം നൂ​റ്റാ​ണ്ട് ബാ​ക്കി​െ​വ​ച്ച​ത് പ്രാ​ദേ​ശി​ക യു​ദ്ധ​ങ്ങ​ളു​ടെ അ​നി​വാ​ര്യ​മാ​യ ആ​ഗോ​ളീ​ക​ര​ണ​മാ​ണ്. അ​താ​വ​ട്ടെ, കൊ​ളോ​ണി​യ​ല്‍ കി​ട​മ​ത്സ​ര​ങ്ങ​ളു​ടെ ദു​ഷ്ക​ര​ച​രി​ത്ര​വു​മാ​യി അ​ഭേ​ദ്യ​മാം​വി​ധം കെ​ട്ടു​പി​ണ​ഞ്ഞു​കി​ട​ക്കു​ന്ന രാ​ഷ്ട്രീ​യ-​സാ​മ്പ​ത്തി​ക വൈ​രു​ധ്യ​ങ്ങ​ളി​ലാ​ണ് വേ​രു​ക​ള്‍ ആ​ഴ്ത്തി​യി​ട്ടു​ള്ള​ത്.

റ​ഷ്യ​യു​ടെ യു​ക്രെ​യി​ന്‍ അ​ധി​നി​വേ​ശ​യു​ദ്ധം ഇ​രു​ഭാ​ഗ​ത്തു​മു​ള്ള ശ​രി​തെ​റ്റു​ക​ളെ​ക്കു​റി​ച്ചു​ള്ള ക​ണ​ക്കെ​ടു​ക്ക​ലു​ക​ൾ​ക്ക​പ്പു​റം പ്രാ​ധാ​ന്യ​മു​ള്ള​താ​വു​ന്ന​ത് അ​ത് ആ​ഗോ​ള​ത​ല​ത്തി​ലു​ള്ള ശാ​ക്തി​ക സ​മ​വാ​യ​ത്തി​നു​ള്ളി​ലെ വ​ലി​യൊ​രു വി​ള്ള​ല്‍ എ​ന്ന​നി​ല​ക്കാ​ണ്. ഈ ​ശാ​ക്തി​ക സ​മ​വാ​യ​മാ​വ​ട്ടെ നി​ല​വി​ല്‍വ​ന്ന​ത് സോ​വി​യ​റ്റ് യൂ​നി​യ​ന്റെ​യും വാ​ഴ്സോ ഉ​ട​മ്പ​ടി​യു​ടെ​യും ത​ക​ർ​ച്ച​ക്കു​ശേ​ഷ​മാ​ണ്. ഒ​രു​വ​ശ​ത്ത് മു​ത​ലാ​ളി​ത്ത​വും മ​റു​വ​ശ​ത്ത് അ​തി​ന്റെ ക​ണ്ണാ​ടി​ത​ന്നെ​യാ​യി മാ​റി​യ സ്റ്റേ​റ്റ് മു​ത​ലാ​ളി​ത്ത​വു​മാ​യി​രു​ന്നു ര​ണ്ടു വ്യ​ത്യ​സ്ത ചേ​രി​ക​ളാ​യി മാ​റി​യ​ത്. സ്റ്റേ​റ്റ് മു​ത​ലാ​ളി​ത്ത​മെ​ന്ന​ത് സോ​ഷ്യ​ലി​സ്റ്റ് രാ​ഷ്ട്രീ​യം എ​ത്തി​ച്ചേ​ർ​ന്ന അ​നി​വാ​ര്യ​മാ​യ സാ​മ്പ​ത്തി​ക സം​വി​ധാ​ന​ത്തി​ന്റെ ഉ​ള്ള​ട​ക്ക​ത്തെ സൂ​ചി​പ്പി​ക്കു​ന്ന​താ​ണ്. കൃ​ത്യ​മാ​യ ഒ​രു വി​മ​ർ​ശ​നം എ​ന്ന നി​ല​ക്ക​ല്ല. "യ​ഥാ​ർ​ഥ​ത്തി​ല്‍ നി​ല​നി​ൽ​ക്കു​ന്ന സോ​ഷ്യ​ലി​സം" എ​ന്നാ​ണു പാ​ശ്ചാ​ത്യ മാ​ർ​ക്​​സി​സ്റ്റു​ക​ൾ ത​ന്നെ ഇ​തി​നെ വി​ളി​ച്ചി​രു​ന്ന​ത്‌.


ക​ടു​ത്ത സ്റ്റാ​ലി​ന്‍-​വി​മ​ർ​ശ​ക​നാ​യി മാ​റി​യ ട്രോ​ട്സ്കി​പോ​ലും സോ​വി​യ​റ്റ് യൂ​നി​യ​നി​ലേ​ത് സ്റ്റേ​റ്റ് മു​ത​ലാ​ളി​ത്ത​മാ​ണ് എ​ന്നു വി​ശ്വ​സി​ക്കാ​ന്‍ കൂ​ട്ടാ​ക്കി​യി​രു​ന്നി​ല്ല. പ്ര​ത്യ​യ​ശാ​സ്ത്രം സോ​വി​യ​റ്റ് സ​ഖ്യ​ത്തി​ന്റെ ഒ​രു പ്ര​ധാ​ന ഘ​ട​ക​മാ​യി​രു​ന്നു എ​ന്ന​ർ​ഥം. ലോ​ക​ത്തെ ചു​വ​പ്പ​ണി​യി​ക്കു​ക എ​ന്നൊ​രു പ്ര​ഖ്യാ​പി​ത​ല​ക്ഷ്യം അ​തി​നു​ണ്ടാ​യി​രു​ന്നു. പ​ക്ഷേ, അ​തി​ന്റെ അ​പ്രാ​യോ​ഗി​ക​ത​കൂ​ടി മ​ന​സ്സി​ലാ​ക്കി​യ അ​ജ​ണ്ട​ക​ളാ​യി​രു​ന്നു അ​വ​ര്‍ മു​ന്നോ​ട്ടു​െ​വ​ച്ചി​രു​ന്ന​ത്. അ​തു​കൊ​ണ്ടു​ത​ന്നെ, പ​ല​പ്പോ​ഴും അ​ത് അ​ധി​നി​വേ​ശ സ്വ​ഭാ​വ​മു​ള്ള ഉ​പ​ജാ​പ​ങ്ങ​ളി​ലേ​ക്കും റൂ​ബി​ളി​ന്റെ താ​ൽ​പ​ര്യ​സം​ര​ക്ഷ​ണ​ത്തി​ലേ​ക്കും ചു​രു​ങ്ങു​ന്നു​ണ്ടാ​യി​രു​ന്നു.

സോ​ഷ്യ​ലി​സ്റ്റ് ലോ​ക​ത്തെ മ​നു​ഷ്യാ​വ​കാ​ശ പ്ര​ശ്ന​ങ്ങ​ളെ വ​ർ​ഗ​സ​മ​ര​ത്തി​ന്റെ അ​നി​വാ​ര്യ​ത മാ​ത്ര​മാ​യി, ച​രി​ത്ര​ശാ​സ്ത്ര​ത്തി​ന്റെ ഗ​ണി​ത​സ​മ​സ്യ​ക​ളാ​യി എ​ഴു​തി​ത്ത​ള്ളു​ന്നു​ണ്ടാ​യി​രു​ന്നു. അ​തേ​സ​മ​യം, ചേ​രി​ചേ​രാ രാ​ഷ്ട​ങ്ങ​ള്‍ത​ന്നെ ഒ​രു വ​ലി​യ പ​രി​ധി​വ​രെ ആ​ഗോ​ള ശാ​ക്തി​ക​വി​ഭ​ജ​ന​ത്തി​ല്‍ സോ​വി​യ​റ്റ് രാ​ഷ്ട്രീ​യ​ത്തി​ന്റെ സം​ര​ക്ഷ​ണ​ത്തി​ലാ​യി​രു​ന്നു എ​ന്ന കാ​ര്യം വി​സ്മ​രി​ച്ചു​കൂ​ടാ. ഇ​ര​പി​ടി​യ​ന്‍ സാ​മ്രാ​ജ്യ​ത്വ​ത്തി​ന്റെ ര​ക്ത​വ​ക്ത്ര​ത്തി​ൽ​നി​ന്ന് അ​ത് ചി​ല ചെ​റു​രാ​ഷ്ട്ര​ങ്ങ​ളെ മോ​ചി​പ്പി​ച്ചി​രു​ന്നു. അ​തോ​ടൊ​പ്പം ത​ന്നെ അ​ഫ്ഘാ​നി​സ്താ​നി​ല്‍ ന​ട​ത്തി​യ​തു​പോ​ലു​ള്ള അ​ധി​നി​വേ​ശ​ങ്ങ​ള്‍ ചോ​ദ്യം​ചെ​യ്യ​പ്പെ​ടാ​തെ പോ​കു​ന്ന രാ​ഷ്ട്രീ​യാ​വ​സ​രം അ​ത് ന​ന്നാ​യി ഉ​പ​യോ​ഗി​ക്കു​ക​യും ചെ​യ്തി​രു​ന്നു.


സോ​വി​യ​റ്റ് രാ​ഷ്ട്രീ​യ​ത്തി​ന്റെ ക​മ്യൂ​ണി​സ്റ്റ് പ്ര​ത്യ​യ​ശാ​സ്ത്ര​ഭീ​ക​ര​ത ലോ​ക​ത്തെ വി​ഴു​ങ്ങു​മെ​ന്ന ഭീ​തി​പ​ര​ത്തി ശീ​ത​യു​ദ്ധ​കാ​ലം അ​ഭൂ​ത​പൂ​ർ​വ​മാ​യ ആ​യു​ധ നി​ർ​മാ​ണ-​വി​പ​ണ​ന​ങ്ങ​ളു​ടെ സാ​ധ്യ​ത​യാ​യി മ​ന​സ്സി​ലാ​ക്കി​യാ​യി​രു​ന്നു അ​മേ​രി​ക്ക​ന്‍ സാ​മ്രാ​ജ്യ​ത്വ​വും അ​തി​ന്റെ യൂ​റോ​പ്യ​ന്‍ സ​ഖ്യ​ക​ക്ഷി​ക​ളും നി​ല​കൊ​ണ്ടി​രു​ന്ന​ത്. സോ​വി​യ​റ്റ് യൂ​നി​യ​ന്റെ സ്വാ​ധീ​ന​ത്തി​ന് പു​റ​ത്തു​ള്ള പ്ര​ദേ​ശ​ങ്ങ​ളി​ല്‍ കൈ​യൂ​ക്കി​ന്റെ ബ​ല​ത്തി​ല്‍ അ​വ​ര്‍ ആ​ധി​പ​ത്യം ചെ​ലു​ത്തി​യി​രു​ന്നു. ശീ​ത​യു​ദ്ധ​ത്തി​ന്റെ മ​റ​വി​ല്‍ ലോ​ക​ജ​നാ​ധി​പ​ത്യ​ത്തി​ന്​ ഏ​റ്റ​വും ഭീ​ഷ​ണി​യാ​യി മാ​റി​യ​ത് സാ​മ്രാ​ജ്യ​ത്വം ത​ന്നെ​യാ​യി​രു​ന്നു. അ​തി​ന്റെ മാ​നി​പ്പു​ലേ​റ്റി​വ് ത​ന്ത്ര​ങ്ങ​ളും സാ​യു​ധ​വും അ​ല്ലാ​ത്ത​തു​മാ​യ ഇ​ട​പെ​ട​ലു​ക​ളും മൂ​ന്നാം​ലോ​ക​രാ​ജ്യ​ങ്ങ​ളി​ല്‍ വി​ത​ച്ച അ​സ്ഥി​ര​ത്വ​വും അ​ര​ക്ഷി​ത​ത്വ​വും ലോ​ക​ച​രി​ത്ര​ത്തി​ലെ ഏ​റ്റ​വും ഭീ​തി​ദ​മാ​യ അ​ധ്യാ​യ​ങ്ങ​ളാ​ണ്. 1990ക​ളി​ല്‍ സോ​വി​യ​റ്റ് യൂ​നി​യ​ന്‍ ത​ക​ർ​ന്ന​തോ​ടെ അ​തു​വ​രെ അ​ട​ക്കി​നി​ർ​ത്തി​യി​രു​ന്ന യു​ദ്ധ​മോ​ഹ​ങ്ങ​ള്‍ അ​വ​ര്‍ പൂ​ർ​ണ​മാ​യും പു​റ​ത്തെ​ടു​ക്കു​ക​യും ഇ​റാ​ഖ്​ യു​ദ്ധം മു​ത​ൽ​ക്ക​ങ്ങോ​ട്ട് ഐ​ക്യ​രാ​ഷ്ട്ര​സ​ഭ​യെ പാ​ടേ അ​വ​ഗ​ണി​ച്ചു​കൊ​ണ്ട് ആ​ഗോ​ള സൈ​നി​ക മാ​ട​മ്പി​യാ​യി മാ​റു​ക​യും​ചെ​യ്തു. അ​മേ​രി​ക്ക​ന്‍ സാ​മ്രാ​ജ്യ​ത്വ​ത്തി​ന്റെ​യും നാ​റ്റോ​സ​ഖ്യ​ത്തി​ന്റെ​യും ചോ​ദ്യം​ചെ​യ്യാ​ന്‍ ക​ഴി​യാ​ത്ത മേ​ധാ​വി​ത്വ​ത്തി​ന്റെ ഈ ​പു​ത്ത​ന്‍ അ​വ​സ്ഥ​യാ​യി​രു​ന്നു ക​ഴി​ഞ്ഞ മൂ​ന്നു ദ​ശാ​ബ്ദ​ങ്ങ​ളി​ല്‍ ഒ​രു ഏ​ക​ധ്രു​വ​ലോ​ക​ത്തി​ന്റെ അ​ടി​സ്ഥാ​ന​മാ​യി നി​ല​കൊ​ണ്ട​ത്.

ഇ​പ്പോ​ഴ​ത്തെ യു​ക്രെ​യി​ന്‍യു​ദ്ധം അ​തി​ന്റെ ത​ൽ​ക്ഷ​ണ കാ​ര​ണ​ങ്ങ​ൾ​ക്ക​പ്പു​റ​ത്തു പ്രാ​ധാ​ന്യം​നേ​ടു​ന്ന​ത് ഇ​ന്ന​ത്തെ ഏ​ക​ധ്രു​വ ലോ​ക​രാ​ഷ്ട്രീ​യ​ത്തി​ല്‍ എ​ന്തു​മാ​റ്റ​മാ​ണ് അ​ത് വ​രു​ത്താ​ന്‍ പോ​കു​ന്ന​ത് എ​ന്ന​തി​ന്റെ അ​ടി​സ്ഥാ​ന​ത്തി​ലാ​ണ്. അ​മേ​രി​ക്ക​യെ​യും നാ​റ്റോ​യേ​യും വെ​ല്ലു​വി​ളി​ച്ചു​കൊ​ണ്ടാ​ണ്‌ പു​ടി​ന്‍ യു​ക്രെ​യി​നി​നെ ആ​ക്ര​മി​ച്ചി​ട്ടു​ള്ള​ത്. ഒ​രു ന​വ​പ​ര​മാ​ധി​കാ​ര​രാ​ഷ്ട്രം എ​ന്ന​നി​ല​യി​ല്‍ റ​ഷ്യ സ​ങ്ക​ൽ​പി​ച്ച​തി​ലും വ​ലി​യ ചെ​റു​ത്തു​നി​ൽ​പാ​ണ് യു​ക്രെ​യി​ന്‍ ന​ട​ത്തു​ന്ന​ത്. എ​ന്നാ​ല്‍, അ​മേ​രി​ക്ക​യോ നാ​റ്റോ​യോ ഫ​ല​പ്ര​ദ​മാ​യ ഇ​ട​പെ​ട​ലു​ക​ള്‍ നാ​റ്റോ​യി​ല്‍ ചേ​രാ​ന്‍ വെ​മ്പ​ൽ​കൊ​ണ്ടു​നി​ന്ന യു​ക്രെ​യി​നു​വേ​ണ്ടി ന​ട​ത്തു​ന്നി​ല്ല എ​ന്ന​ത് സൂ​ചി​പ്പി​ക്കു​ന്ന​ത് റ​ഷ്യ​യു​ടെ സാ​യു​ധ ഇ​ട​പെ​ട​ലും, ചൈ​ന​യു​ടെ സാ​മ്പ​ത്തി​ക​വ​ള​ർ​ച്ച​യും റ​ഷ്യ​യു​മാ​യു​ള്ള അ​ടു​പ്പ​വും സോ​വി​യ​റ്റ് യൂ​നി​യ​ന്റെ പ​ത​ന​ത്തി​നു​ശേ​ഷ​മു​ണ്ടാ​യ ഏ​ക​ധ്രു​വ​ലോ​ക​ത്തി​ന്റെ യു​ക്തി​സാ​ധ്യ​ത​ക​ള്‍ ത​ക​ർ​ന്നു തു​ട​ങ്ങു​ന്നു എ​ന്ന​താ​ണ്. ആ​ഗോ​ള ജ​നാ​ധി​പ​ത്യ​വ​ത്​​ക​ര​ണ​ത്തി​നു പ​ക​രം ചെ​റു​രാ​ഷ്ട്ര​ങ്ങ​ൾ​ക്ക്​ ഭീ​ഷ​ണി​യാ​വു​ന്ന മ​റ്റൊ​രു ഉ​ഭ​യ​ധ്രു​വ​ലോ​കം പി​റ​വി​കൊ​ള്ളു​ന്നു എ​ന്ന​താ​ണ്.

ഈ ​യു​ദ്ധ​ത്തി​ല്‍ ഇ​ന്ത്യ​പോ​ലു​ള്ള രാ​ജ്യ​ങ്ങ​ള്‍ റ​ഷ്യ​യെ തു​റ​ന്നെ​തി​ർ​ക്കാ​ത്ത​തും അ​വ​രു​ടെ ക​ഴി​ഞ്ഞ മൂ​ന്നു​ദ​ശാ​ബ്ദ​ക്കാ​ല​ത്തെ അ​മേ​രി​ക്ക​ന്‍ ച​ങ്ങാ​ത്ത​ത്തെ പ​രോ​ക്ഷ​മാ​യി ത​ള്ളി​പ്പ​റ​യു​ന്ന​തും ഈ ​പു​തി​യ ശാ​ക്തി​ക​ചേ​രി​യു​ടെ ഉ​ദ​യ​മു​യ​ർ​ത്തു​ന്ന വെ​ല്ലു​വി​ളി​യോ​ടു​ള്ള പ്ര​തി​ക​ര​ണം കൂ​ടി​യാ​യി​ട്ടാ​ണ്. മ​റ്റൊ​ര​ർ​ഥ​ത്തി​ല്‍ ഈ ​യു​ദ്ധ​ത്തി​ലെ റ​ഷ്യ​ന്‍ വി​ജ​യം ലോ​ക​ത്തെ ര​ണ്ടാം ശീ​ത​യു​ദ്ധ​ത്തി​ലേ​ക്ക് ത​ള്ളി​വി​ടാ​നി​ട​യു​ണ്ട് എ​ന്ന തി​രി​ച്ച​റി​യ​ലി​ല്‍ നി​ന്നാ​ണ്. മോ​ദി​യു​ടെ വി​ട്ടു​നി​ല്‍പ് അ​ത് മു​ൻ​കൂ​ട്ടി ക​ണ്ടു​കൊ​ണ്ടും ര​ണ്ടാം ശീ​ത​യു​ദ്ധ​ത്തി​നു സോ​വി​യ​റ്റ് യൂ​നി​യ​ന്റെ കാ​ല​ത്തേ ശീ​ത​യു​ദ്ധ​ത്തെ അ​നു​സ്മ​രി​പ്പി​ക്കു​ന്ന ഒ​രു പ്ര​ത്യ​യ​ശാ​സ്ത്ര​ഭാ​ര​വു​മി​ല്ല എ​ന്ന ആ​ശ്വാ​സ​ത്തി​ലു​മാ​ണ്. പു​തി​യ ശീ​ത​യു​ദ്ധം കേ​വ​ല​മാ​യ വം​ശീ​യ-​സാം​സ്കാ​രി​ക-​രാ​ഷ്ട്രീ​യ-​സാ​മ്പ​ത്തി​ക സാ​മ്രാ​ജ്യ​ത്വ മ​ത്സ​ര​മാ​ണ്‌ എ​ന്നും അ​തി​ല്‍ സം​ഘ്​​പ​രി​വാ​ര്‍ രാ​ഷ്ട്രീ​യ​ത്തി​നു ലാ​ഭം​കൊ​യ്യാ​നു​ണ്ട് എ​ന്ന് മ​ന​സ്സി​ലാ​ക്കി​യു​മാ​ണ്.


ഡോ​ൺ​ബാ​സി​ലെ റി​പ്പ​ബ്ലി​ക്കു​ക​ളു​ടെ ഭാ​വി​ക്കും യു​ക്രെ​യി​നി​ന്റെ പ​ര​മാ​ധി​കാ​ര​ത്തി​നു​മൊ​ക്കെ അ​പ്പു​റം ആ​ത്യ​ന്തി​ക​മാ​യി ഈ ​യു​ദ്ധ​ത്തി​ല്‍ റ​ഷ്യ​ന്‍ വി​ജ​യ​വും പ​രാ​ജ​യ​വും നി​ർ​ണ​യി​ക്കാ​ന്‍ പോ​കു​ന്ന​ത് പു​തി​യ ശീ​ത​യു​ദ്ധ​ത്തി​ന്റെ ആ​വി​ർ​ഭാ​വം എ​ങ്ങ​നെ​യാ​വു​മെ​ന്ന​താ​ണ്. നി​രാ​യു​ധീ​ക​ര​ണ​ത്തി​നും ലോ​ക​സ​മാ​ധാ​ന​ത്തി​നും​വേ​ണ്ടി എ​ക്കാ​ല​വും നി​ല​കൊ​ണ്ടി​രു​ന്ന പ്ര​ശ​സ്ത മാ​ർ​ക്സി​സ്റ്റ് ചി​ന്ത​ക​നാ​യി​രു​ന്ന ഇ.​പി. തോം​സ​ണ്‍ 1981ല്‍ "​ശീ​ത​യു​ദ്ധ​ത്തി​ന​പ്പു​റം" എ​ന്ന പ്ര​ധാ​ന​പ്പെ​ട്ട ഒ​രു പ്ര​ഭാ​ഷ​ണം നി​ർ​വ​ഹി​ച്ചി​രു​ന്നു. അ​തി​ല​ദ്ദേ​ഹം എ​ങ്ങ​നെ​യാ​ണ് ശീ​ത​യു​ദ്ധം ര​ണ്ടു ശാ​ക്തി​ക​ചേ​രി​ക​ളു​ടെ സ്വാ​ധീ​ന​ത്തി​ന്റെ​യും രാ​ഷ്ട്രീ​യാ​ധി​കാ​ര​ത്തി​ന്റെ​യും ഭൂ​വി​സ്തൃ​തി വ്യാ​പ​ന​പ​ര​വു​മാ​യ താ​ൽ​പ​ര്യ​ങ്ങ​ളു​ടെ​യും സ​മ​ന്വ​യ​വ്യ​വ​സ്ഥ​യാ​യി മാ​റി​യ​തെ​ന്ന് വി​ശ​ദീ​ക​രി​ക്കു​ന്നു​ണ്ട്.

അ​തി​ന്റെ രാ​ഷ്ട്രീ​യ-​സാ​മ്പ​ത്തി​ക സം​വി​ധാ​ന​ത്തെ കാ​ലി​ക​മാ​യി മ​ന​സ്സി​ലാ​ക്കാ​നാ​ണ് അ​ദ്ദേ​ഹം ശ്ര​മി​ച്ച​ത്. സോ​വി​യ​റ്റ്ചേ​രി​യി​ലെ​യും അ​മേ​രി​ക്ക​ന്‍ നേ​തൃ​ത്വ​ത്തി​ലു​ള്ള സാ​മ്രാ​ജ്യ​ത്വ​ചേ​രി​യി​ലെ​യും രാ​ഷ്ട്ര​നേ​താ​ക്ക​ളു​ടെ സ്വാ​ർ​ഥ താ​ൽ​പ​ര്യ​ങ്ങ​ളും അ​വ​രു​ടെ സ്വ​ന്തം ജ​ന​ത​ക​ളെ വ​രു​തി​ക്ക് നി​ർ​ത്താ​നു​ള്ള സാ​മൂ​ഹി​ക നി​യ​ന്ത്ര​ണ​വാ​ഞ്​ഛ​ക​ളും സാ​മ്രാ​ജ്യ​വി​ക​സ​ന താ​ൽ​പ​ര്യ​ങ്ങ​ളും എ​ല്ലാം​ചേ​ർ​ന്ന ലോ​ക​വ്യ​വ​സ്ഥ​യാ​യി ശീ​ത​യു​ദ്ധം വ​ള​ർ​ന്ന സാ​ഹ​ച​ര്യ​ത്തെ​യാ​ണ് ഇ.​പി. തോം​സ​ണ്‍ അ​പ​ഗ്ര​ഥി​ച്ച​ത്. ജി​യോ​പൊ​ളി​റ്റി​ക്ക​ല്‍ കൈ​യേ​റ്റ​ങ്ങ​ള്‍ അ​ങ്ങോ​ട്ടു​മി​ങ്ങോ​ട്ടും സ​ഹി​ച്ചും പൊ​റു​ത്തും സ്വ​ന്തം മൃ​ദു​ശ​ക്തി​യും സൈ​നി​ക​ശ​ക്തി​യും വി​ന്യ​സി​ക്കാ​നു​ള്ള അ​വ​സ​ര​ങ്ങ​ളെ മു​ത​ലെ​ടു​ത്തു​കൊ​ണ്ടു​മു​ള്ള ഒ​രു സ​ഹ​ജീ​വ​ന പാ​ര​സ്പ​ര്യ​മാ​യി ശീ​ത​യു​ദ്ധം മാ​റു​ക​യാ​യി​രു​ന്നു. സോ​വി​യ​റ്റ് യൂ​നി​യ​ന്‍ പു​രോ​ഗ​മ​ന​ശ​ക്തി​യാ​യി പു​റ​മേ​ക്ക് നി​ല​കൊ​ണ്ടി​രു​ന്നു​വെ​ങ്കി​ലും അ​വ​രു​ടെ സ​ങ്കു​ചി​ത സൈ​നി​ക-​രാ​ഷ്ട്രീ​യ സാ​മ്പ​ത്തി​ക​ല​ക്ഷ്യ​ങ്ങ​ള്‍ കൂ​ടു​ത​ല്‍ കൂ​ടു​ത​ല്‍ വെ​ളി​വാ​ക്ക​പ്പെ​ടു​ന്ന സാ​ഹ​ച​ര്യ​ങ്ങ​ള്‍ ഉ​ണ്ടാ​യെ​ന്ന​ത് ഇ.​പി. തോം​സ​ണ്‍ മ​ന​സ്സി​ലാ​ക്കു​ന്നു​ണ്ട്.

അ​തേ​സ​മ​യം, മ​റ​യി​ല്ലാ​ത്ത സാ​മ്രാ​ജ്യ​ത്വ അ​ജ​ണ്ട​യാ​യി​രു​ന്നു അ​മേ​രി​ക്ക​യു​ടെ​യും നാ​റ്റോ​സ​ഖ്യ​ത്തി​ന്റെ​യും മു​ൻ​ഗ​ണ​ന​ക​ളാ​യി മാ​റി​യ​ത്. ജ​നാ​ധി​പ​ത്യ​നേ​തൃ​ത്വ​ങ്ങ​ളെ അ​ട്ടി​മ​റി​ച്ചു പാ​വ​സ​ർ​ക്കാ​റു​ക​ളെ വാ​ഴി​ച്ചു​കൊ​ണ്ട് ഏ​ഷ്യ​നാ​ഫ്രി​ക്ക​ന്‍-​ലാ​റ്റി​ന്‍ അ​മേ​രി​ക്ക​ന്‍ പ്ര​ദേ​ശ​ങ്ങ​ളി​ല്‍ അ​മേ​രി​ക്ക അ​ക്ഷ​രാ​ർ​ഥ​ത്തി​ല്‍ മ​ര​ണ​ത്തി​ന്റെ വ്യാ​പാ​രി​ക​ളാ​യി മാ​റു​ന്നു​ണ്ടാ​യി​രു​ന്നു. സാ​മ്രാ​ജ്യ​ത്വ-​സ്റ്റേ​റ്റ് മു​ത​ലാ​ളി​ത്ത ഭ​ര​ണ​കൂ​ട​ങ്ങ​ൾ​ക്കെ​തി​രെ​യു​ള്ള പൗ​ര​സ​മൂ​ഹ​ത്തി​ന്റെ യു​ദ്ധ​വി​രു​ദ്ധ മു​ന്നേ​റ്റ​ങ്ങ​ളി​ലാ​ണ് അ​ദ്ദേ​ഹം ശീ​ത​യു​ദ്ധ​ത്തി​ന്റെ പ​ര്യ​വ​സാ​നം ദ​ർ​ശി​ച്ച​ത്.

എ​ന്നാ​ല്‍, അ​ദ്ദേ​ഹം ക​രു​തി​യ​തു​പോ​ലെ ദ്വി​മു​ഖ​മാ​യ ഒ​രു അ​ന്ത്യ​മ​ല്ല അ​തി​നു​ണ്ടാ​യ​ത് എ​ന്ന് ന​മു​ക്ക​റി​യാം. സോ​വി​യ​റ്റ് യൂ​നി​യ​ന്‍ ഏ​ക​പ​ക്ഷീ​യ​മാ​യി ത​ക​രു​ക​യും അ​മേ​രി​ക്ക​ന്‍ സാ​മ്രാ​ജ്യ​ത്വ​ത്തി​ന്റെ നേ​തൃ​ത്വ​ത്തി​ലു​ള്ള ഏ​ക​ധ്രു​വ​ലോ​ക​ത്തി​ലേ​ക്ക്‌ ആ​ഗോ​ള രാ​ഷ്ട്രീ​യ-​സാ​മ്പ​ത്തി​ക​ക്ര​മം ചു​വ​ടു​മാ​റി​യ​തും ക്ഷി​പ്ര​വേ​ഗ​ത​യി​ലാ​യി​രു​ന്നു. ഇ​സ്​​ലാ​മി​നെ മു​ഖ്യ​സാം​സ്കാ​രി​ക-​രാ​ഷ്ട്രീ​യ​ശ​ത്രു​വാ​യി പ്ര​ഖ്യാ​പി​ച്ചു​കൊ​ണ്ടും എ​ല്ലാ​യി​ട​ത്തു​മു​ള്ള നി​യോ​ലി​ബ​റ​ല്‍ സാ​മ്പ​ത്തി​കാ​ധി​നി​വേ​ശ​ത്തെ അ​വ​കാ​ശ​മാ​യി വ്യാ​ഖ്യാ​നി​ച്ചു​കൊ​ണ്ടും സ്വാ​ത​ന്ത്ര്യ​ത്തെ​യും ജ​നാ​ധി​പ​ത്യ​ത്തെ​യും സ്വേ​ച്ഛാ​പ​ര​മാ​യി നി​ർ​വ​ചി​ച്ചു​കൊ​ണ്ടും പി​ന്നീ​ട് അ​മേ​രി​ക്ക ന​ട​ത്തി​യ ഉ​പ​ജാ​പ​ങ്ങ​ളും യു​ദ്ധ​ങ്ങ​ളും മ​നു​ഷ്യ​ക്കു​രു​തി​ക​ളും ക​ഴി​ഞ്ഞ മൂ​ന്നു​ദ​ശാ​ബ്ദ​ങ്ങ​ളെ ര​ക്ത​പ​ങ്കി​ല​മാ​ക്കി​യ​ത് തൊ​ണ്ണൂ​റു​ക​ള്‍ മു​ത​ല്‍ ലോ​കം കാ​ണു​ന്ന​താ​ണ്.

എ​ന്നാ​ല്‍, യു​ക്രെ​യി​നി​ലെ റ​ഷ്യ​ന്‍ അ​ധി​നി​വേ​ശം ഈ ​രാ​ഷ്ട്രീ​യ​ത്തി​ന് പൂ​ർ​ണ​മാ​യ അ​ന്ത്യം​കു​റി​ക്കു​ന്ന​തി​നു​പ​ക​രം, ഒ​രേ വം​ശീ​യ, സാ​മ്പ​ത്തി​ക പ്ര​ത്യ​യ​ശാ​സ്ത്രം​ത​ന്നെ ചു​മ​ക്കു​ന്ന, പ​ഴ​യ​തി​നേ​ക്കാ​ള്‍ രാ​ഷ്ട്രീ​യ​മാ​യി ജീ​ർ​ണി​ച്ച മ​റ്റൊ​രു ഉ​ഭ​യ​ധ്രു​വ ശീ​ത​യു​ദ്ധ​ത്തി​ലേ​ക്ക്, അ​തി​ന്റെ നി​ര​ന്ത​ര​ഭീ​ക​ര​ത​യി​ലേ​ക്ക്, ലോ​ക​ത്തെ കൊ​ണ്ടു​പോ​വു​ക​യാ​ണോ എ​ന്ന ചോ​ദ്യം കൂ​ടു​ത​ല്‍ കൂ​ടു​ത​ല്‍ പ്ര​സ​ക്ത​മാ​വു​ന്നു. ലോ​ക​സ​മാ​ധാ​ന​പ്ര​സ്ഥാ​ന​ത്തി​നും ആ​ഗോ​ള സി​വി​ല്‍ സ​മൂ​ഹ​ത്തി​ന്റെ യു​ദ്ധ​വി​രു​ദ്ധ രാ​ഷ്ട്രീ​യ​ത്തി​നും അ​തു​കൊ​ണ്ടു​ത​ന്നെ പു​തി​യ പ്രാ​ധാ​ന്യ​വും പ്ര​സ​ക്തി​യും കൈ​വ​രു​ക​യാ​ണ്‌.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cold war
News Summary - into another winter of long war?
Next Story