Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightColumnschevron_rightഎന്റെ കാഴ്ചകൾchevron_right...

രാ​ഷ്​​ട്രീ​യ​നേ​താ​ക്ക​ളെ ലിം​ഗ​സ​മ​ത്വം പ​ഠി​പ്പി​ക്ക​ണം

text_fields
bookmark_border
രാ​ഷ്​​ട്രീ​യ​നേ​താ​ക്ക​ളെ ലിം​ഗ​സ​മ​ത്വം പ​ഠി​പ്പി​ക്ക​ണം
cancel

ആ​രു പ​ഠി​പ്പി​ക്ക​ണം എ​ന്നു ചോ​ദി​ച്ചാ​ൽ ഉ​ത്ത​ര​വാ​ദ​പ്പെ​ട്ട​വ​ർ എ​ല്ലാ​വ​രും കൂ​ടി ആ​ലോ​ചി​ക്ക​ണം എ​ന്നാ​ണ് പ​റ​യാ​നു​ള്ള​ത്. കാ​ര​ണം, പ​ര​മാ​വ​ധി​യാ​യി​രി​ക്കു​ന്നു. കേ​ര​ള​ത്തി​ലെ സ്​​ത്രീ​ക​ൾ​ക്കി​ട​യി​ൽ വ​ലി​യ ന​ടു​ക്ക​വും പ്ര​തി​ഷേ​ധ​വു​മു​ണ്ടാ​ക്കി​യ​താ​യി​രു​ന്നു ക​ഴി​ഞ്ഞ ദി​വ​സം മു​ല്ല​പ്പ​ള്ളി രാ​മ​ച​ന്ദ്ര​െ​ൻ​റ പ്ര​സം​ഗം. മു​ല്ല​പ്പ​ള്ളി രാ​മ​ച​ന്ദ്ര​ൻ നി​ല​വി​ൽ കെ.​പി.​സി.​സി പ്ര​സി​ഡ​ൻ​റാ​ണ്. എം.​പി​യും കേ​ന്ദ്ര​മ​ന്ത്രി​യു​മാ​യി​രു​ന്ന നേ​താ​വാ​ണ്. അ​ദ്ദേ​ഹ​ത്തിെ​ൻ​റ പാ​ർ​ട്ടി​യി​ലെ സ്​​ത്രീ​ക​ൾ​ക്കു​കൂ​ടി പ്ര​തി​രോ​ധി​ച്ചു നി​ൽ​ക്കാ​ൻ പ​റ്റാ​ത്ത​ത്ര അ​പ​മാ​ന​ക​ര​മാ​യി​രു​ന്നു ആ ​പ്ര​സം​ഗം. സ്​​ത്രീ​ക​ൾ​ക്കു നേ​രെ നി​ര​വ​ധി നേ​താ​ക്ക​ൾ മു​മ്പും പ​ല​വി​ധ സ്​​ത്രീ​വി​രു​ദ്ധ പ​രാ​മ​ർ​ശ​ങ്ങ​ൾ ന​ട​ത്തി​ക്ക​ഴി​ഞ്ഞി​രി​ക്കു​ന്നു. ഇ​നി​യും ആ​വ​ർ​ത്ത​ന​ങ്ങ​ളു​ണ്ടാ​കും.

അ​ഭി​സാ​രി​ക എ​ന്ന വാ​ക്കിെ​ൻ​റ പു​ല്ലിം​ഗം എ​ന്താ​ണെ​ന്നു​കൂ​ടി മു​ല്ല​പ്പ​ള്ളി ആ​ലോ​ചി​ക്ക​ണം. അ​ദ്ദേ​ഹം ഉ​ന്നം​വെ​ച്ച വ്യ​ക്തി​യു​ടെ നി​ര​വ​ധി പ​രാ​തി​ക​ൾ പ​ല​രു​ടെ പേ​രി​ലും ഇ​തു​മാ​യി ബ​ന്ധ​പ്പെ​ട്ട് നി​ല​വി​ലു​ണ്ട് എ​ന്ന​തു കൊ​ണ്ടു മാ​ത്ര​മ​ല്ല, ഏ​തു സ്​​ത്രീ​യും സ്വ​യം അ​ഭി​സാ​രി​ക​യാ​വു​ന്നി​ല്ലെ​ന്ന് മ​ന​സ്സി​ലാ​ക്കാ​ൻ അ​തിെ​ൻ​റ പു​ല്ലിം​ഗ​പ​ദം കൂ​ടി അ​ന്വേ​ഷി​ക്കാം. ലിം​ഗ​സ​മ​ത്വം പ​ഠി​ക്കു​ന്ന​തിെ​ൻ​റ ആ​ദ്യ​പ​ടി​യാ​ണ് ഭാ​ഷ​യി​ലെ ലിം​ഗാ​ധി​പ​ത്യ​ത്തെ​പ്പ​റ്റി മ​ന​സ്സി​ലാ​ക്കു​ക എ​ന്ന​ത്. അ​പ്പോ​ൾ മ​ന​സ്സി​ലാ​വും ഭാ​ഷ​യി​ൽ പു​ല്ലിം​ഗ​മി​ല്ലാ​ത്ത ഇ​ത്ത​രം നി​ര​വ​ധി വാ​ക്കു​ക​ളു​ണ്ടെ​ന്ന്. പു​രു​ഷ​ന് സ​ദാ അ​നു​കൂ​ല​മാ​യി നി​ൽ​ക്കു​ന്ന സാ​മൂ​ഹി​ക, സാം​സ്​​കാ​രി​ക, സ​ദാ​ചാ​ര ആ​ണ​ധി​കാ​ര വ്യ​വ​സ്​​ഥ​യു​ടെ നി​ർ​മി​തി​യാ​ണ് ഈ ​ഭാ​ഷാ​പ്ര​യോ​ഗ​ങ്ങ​ൾ. ആ ​നി​ർ​മി​തി​ക​ളെ അ​തേ​പ​ടി, ഒ​രാ​ലോ​ച​ന​യും കൂ​ടാ​തെ പ​ര​സ്യ​മാ​യി മൈ​ക്കി​ലൂ​ടെ വി​ളി​ച്ചു​പ​റ​യാ​നും എ​ടു​ത്തു പ്ര​യോ​ഗി​ക്കാ​നും ര​ണ്ടാ​മ​തൊ​ന്നാ​ലോ​ചി​ക്കാ​ത്ത​വ​ർ തീ​ർ​ച്ച​യാ​യും സ്​​ത്രീ​വി​രു​ദ്ധ​ത​യു​ടെ നാ​യ​ക​രാ​യി വി​ല​യി​രു​ത്ത​പ്പെ​ടും.

ഒ​രി​ക്ക​ൽ ലൈം​ഗി​കാ​ക്ര​മ​ണം നേ​രി​ട്ട സ്​​ത്രീ ര​ണ്ടാ​മ​തൊ​രി​ക്ക​ൽ​കൂ​ടി അ​ത​നു​ഭ​വി​ക്കു​ക​യി​ല്ലെ​ന്നും അ​തി​നു​മു​മ്പ് അ​വ​ർ ആ​ത്മ​ഹ​ത്യ ചെ​യ്തി​രി​ക്കു​മെ​ന്നു​മു​ള്ള- അ​ല്ലെ​ങ്കി​ൽ അ​ഭി​മാ​ന​ത്തെ ക​രു​തി അ​വ​ൾ ആ​ത്മ​ഹ​ത്യ ചെ​യ്യ​ണം എ​ന്ന വി​ധ​മു​ള്ള- അ​ദ്ദേ​ഹ​ത്തിെ​ൻ​റ ധാ​ര​ണ​യും ആ​ഗ്ര​ഹ​വും എ​ത്ര​മാ​ത്രം യാ​ഥാ​ർ​ഥ്യ​ങ്ങ​ളെ നി​ഷേ​ധി​ക്കു​ന്ന​തും അ​ബ​ദ്ധ​ജ​ടി​ല​വും ലൈം​ഗി​കാ​ക്ര​മ​ണം നേ​രി​ട്ട മു​ഴു​വ​ൻ സ്​​ത്രീ​ക​ളു​ടേ​യും ജീ​വി​ത​ത്തി​നു​നേ​രെ മു​ൻ​വി​ധി​ക​ൾ നി​റ​ഞ്ഞ​തു​മാ​ണ്! ഇ​ത്ത​രം ആ​ഗ്ര​ഹ​പ്ര​ക​ട​ന​ങ്ങ​ളും മു​ൻ​വി​ധി​ക​ളും പു​രു​ഷ​നു​മാ​ത്രം അ​നു​കൂ​ല​മാ​യ ലൈം​ഗി​ക സ​ദാ​ചാ​ര നി​യ​മ​സം​ഹി​ത​ക​ളി​ൽ ആ​ഴ​ത്തി​ൽ വേ​രു​ക​ളു​ള്ള​താ​ണ് എ​ന്ന​താ​ണ് സ്​​ത്രീ​ക​ൾ ശ​ക്ത​മാ​യി ചൂ​ണ്ടി​ക്കാ​ണി​ക്കു​ന്ന​ത്.

സ്​​ത്രീ​ക​ളു​ടെ ശ​രീ​ര​ത്തെ​യും ലൈം​ഗി​ക​ത​യെയും ജീ​വി​ത​ത്തെ​യും സം​ബ​ന്ധി​ച്ച സ്വ​ന്തം ചി​ന്ത​ക​ളും കാ​ഴ്ച​പ്പാ​ടു​ക​ളും എ​ത്ര​യ​ധി​കം വി​കൃ​ത​വും പ്ര​തി​ലോ​മ​ക​ര​വും ആ​പ​ൽ​ക്ക​ര​വു​മാ​ണ് എ​ന്ന് വെ​ളി​പ്പെ​ടു​ത്തു​ന്ന പ​രാ​മ​ർ​ശ​ങ്ങ​ളും പ്ര​സ്​​താ​വ​ന​ക​ളും സം​ഭാ​ഷ​ണ​ങ്ങ​ളും പ​ല രാ​ഷ്​​ട്രീ​യ നേ​താ​ക്ക​ളി​ൽ​നി​ന്നും പു​റ​ത്തു​ചാ​ടു​ന്ന​ത് മു​മ്പും ക​ണ്ടി​ട്ടും കേ​ട്ടി​ട്ടു​മു​ണ്ട്. ഫ്യൂ​ഡ​ൽ ബ്രാ​ഹ്മ​ണ്യ പാ​ട്രി​യാ​ർ​ക്കി​യു​ടെ ശി​ക്ഷാ​ധി​കാ​ര സ്വ​ഭാ​വം പൂ​ണ്ട അ​ധീ​ശ​പു​രു​ഷ​ത്വ​ങ്ങ​ളു​ടെ പ്ര​തി​രൂ​പ​മാ​ണ് ഇ​വ​രു​ടെ​യെ​ല്ലാം ഭാ​വ​ത്തി​ലും ഭാ​ഷ​യി​ലും പ്ര​ക​ട​മാ​യി​ട്ടു​ള്ള​ത്. ആ​ഴ​ത്തി​ലു​ള്ള സ്​​ത്രീ​വി​രു​ദ്ധ​ത​യു​ടെ അ​ക്ര​മാ​സ​ക്ത​മാ​യ മ​നോ​ഭാ​വ​ങ്ങ​ൾ ലൈം​ഗി​ക സ​ദാ​ചാ​ര​ശാ​സ​ന​ങ്ങ​ളു​ടേ​യും അ​ശ്ലീ​ല​ത​യു​ടേ​യും രൂ​പ​ത്തി​ലാ​ണ് ഇ​വ​രി​ൽ​നി​ന്ന് എ​പ്പോ​ഴും പു​റ​ത്തു​വ​രു​ന്ന​ത്. അ​തി​ന് പ​ല​പ്പോ​ഴും ക​ക്ഷി​രാ​ഷ്​​ട്രീ​യ വ്യ​ത്യാ​സ​മൊ​ന്നും കാ​ണാ​റി​ല്ല.

രാ​ജ്യ​ത്തെ സ്​​ത്രീ​ക​ളു​ടെ ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ളും ആ​ത്മാ​ഭി​മാ​ന​വും സ്വ​ത​ന്ത്ര​ജീ​വി​ത​വും സു​ര​ക്ഷ​യും ഉ​റ​പ്പാ​ക്കാ​ൻ ജ​ന​സം​ഖ്യ​യി​ലെ പാ​തി ഭാ​ഗ​മാ​യ സ്​​ത്രീ​ക​ളി​ൽ​നി​ന്നു​കൂ​ടി വോ​ട്ടു​വാ​ങ്ങി​യാ​ണ് ഈ ​നേ​താ​ക്ക​ൾ ഭ​ര​ണ​ഘ​ട​നാ പ​ദ​വി​ക​ളി​ലെ​ത്തു​ന്ന​ത്. അ​തി​നാ​ൽ പു​രു​ഷ​ന്മാ​രും സ്​​ത്രീ​ക​ളു​മാ​യ മു​ഴു​വ​ൻ രാ​ഷ്​​ട്രീ​യ നേ​താ​ക്ക​ളും സ്​​ത്രീ​നീ​തി​യെ​പ്പ​റ്റി​യും ലിം​ഗ​സ​മ​ത്വ​ത്തെ​പ്പ​റ്റി​യും സ​മൂ​ഹ​ത്തെ​പ്പ​റ്റി​യും സം​സ്കാ​ര​ത്തെ​പ്പ​റ്റി​യും വ്യ​ക്ത​മാ​യി പ​ഠി​ക്കാ​നും അ​റി​യാ​നും പ​റ​യാ​നും ചു​മ​ത​ല​യു​ള്ള​വ​രാ​ണ്. അ​വ​ർ ആ ​ചു​മ​ത​ല നി​ർ​വ​ഹി​ക്കേ​ണ്ട​ത് സ​മൂ​ഹ​ത്തി​ൽ സ്​​ത്രീ​ക​ളു​ടെ വി​ക​സ​ന​ത്തി​നും സു​ര​ക്ഷി​ത​മാ​യ ജീ​വി​ത​ത്തി​നും അ​ത്യാ​വ​ശ്യ​മാ​ണ്. അ​തി​നു​പ​ക​രം സ്​​ത്രീ​ക​ളെ കൂ​ടു​ത​ൽ അ​ര​ക്ഷി​ത​മാ​ക്കു​ക​യും ആ​ക്ര​മി​ക്കു​ക​യും ചെ​യ്യു​ന്ന നി​ല​പാ​ടു​ക​ൾ ഉ​ണ്ടാ​കു​ന്ന​ത് ദുഃ​ഖ​ക​ര​വും പ്ര​തി​ഷേ​ധാ​ർ​ഹ​വു​മാ​ണ്.

ഹി​ന്ദു​ത്വ ഫാ​ഷി​സ്​​റ്റ്​ ഭ​ര​ണാ​ധി​കാ​രി​ക​ൾ പൂ​ർ​വാ​ധി​കം ശ​ക്തി​പ്പെ​ടു​ത്തു​ന്ന മ​നു​വാ​ദ​ത്തിെ​ൻ​റ പി​ൻ​ബ​ല​മു​ള്ള സ്​​ത്രീ​വി​രു​ദ്ധ​ത​യി​ൽ പു​രു​ഷാ​ധി​പ​ത്യ വാ​ഹ​ക​രാ​യ മ​തേ​ത​ര പാ​ർ​ട്ടി നേ​താ​ക്ക​ള​ട​ക്ക​മു​ള്ള പൊ​തു പു​രു​ഷ​ന്മാ​ർ ഗു​ണ​ഭോ​ക്താ​ക്ക​ളാ​കു​ന്ന​ത്​ അ​ത്ഭു​ത​ക​ര​മ​ല്ല. പ​ഴ​യ​കാ​ല​ത്തും പു​തി​യ കാ​ല​ത്തും സ്​​ത്രീ​ക​ളു​ടെ നേ​ർ​ക്കു​ള്ള പു​രു​ഷാ​ധി​പ​ത്യ​ത്തിെ​ൻ​റ പ്ര​യോ​ഗം അ​ങ്ങ​നെ​യാ​ണ്. കു​ടും​ബ​ത്തി​ലൂ​ടെ, ജാ​തി​യി​ലൂ​ടെ, മ​ത​ത്തി​ലൂ​ടെ, സം​ഘ​ട​ന​ക​ളി​ലൂ​ടെ, സ്​​ഥാ​പ​ന​ങ്ങ​ളി​ലൂ​ടെ പു​രു​ഷ​ന് കീ​ഴ​ട​ങ്ങി ജീ​വി​ക്കു​ക​യാ​ണ് സ്​​ത്രീ​ക​ൾ​ക്ക് നി​ർ​ണ​യി​ക്ക​പ്പെ​ട്ടി​രി​ക്കു​ന്ന ജീ​വി​തം. ഈ ​ക​ടു​ത്ത സ​ർ​വ സ​ഖ്യ​ത്തേ​യും അ​തു​യ​ർ​ത്തു​ന്ന വെ​ല്ലു​വി​ളി​ക​ളേ​യും നേ​രി​ടു​ക സ്​​ത്രീ സ​മൂ​ഹ​ത്തി​ന് വി​ശേ​ഷി​ച്ച് ഒ​റ്റ​ക്കൊ​റ്റ​ക്ക് തീ​രെ എ​ളു​പ്പ​മ​ല്ല.

പാ​ർ​ല​മെ​ൻ​റി​ലും നി​യ​മ​സ​ഭ​യി​ലും അ​മ്പ​തു ശ​ത​മാ​നം സ്​​ത്രീ​സം​വ​ര​ണ​ത്തെ എ​തി​ർ​ക്കു​ന്ന​ത് ഈ ​സ​ർ​വ​സ​ഖ്യ​മാ​ണ്. അ​തി​നാ​ൽ സ്​​ത്രീ​ക​ൾ​ക്ക് ആ​കെ സ​ഹാ​യ​ക​മാ​യി നി​ൽ​ക്കു​ന്ന​ത് ലിം​ഗ​നീ​തി ഉ​യ​ർ​ത്തി​പ്പി​ടി​ക്കു​ന്ന ഇ​ന്ത്യ​ൻ ഭ​ര​ണ​ഘ​ട​ന​യും സ്​​ത്രീ​ക​ളു​ടെ നി​ര​ന്ത​ര​മാ​യ സ​മ​ര​ങ്ങ​ളു​ടേ​യും പ്ര​വ​ർ​ത്ത​ന​ങ്ങ​ളു​ടേ​യും ഭാ​ഗ​മാ​യി ഉ​ണ്ടാ​യി വ​ന്ന അ​വ​കാ​ശ​നി​യ​മ​ങ്ങ​ളും മാ​ത്ര​മാ​ണ്. എ​ങ്കി​ലും പു​രു​ഷ​ന്​ അ​നു​കൂ​ല​മാ​യി പ്ര​ബ​ല​പ്പെ​ടു​ത്തി​യ അ​ലി​ഖി​ത സ​ദാ​ചാ​രം എ​ന്ന ലൈം​ഗി​ക​ചു​വ​യും ദു​ർ​ഗ​ന്ധ​വു​മു​ള്ള വ​ല വീ​ശി​യെ​റി​ഞ്ഞ് അ​തി​നു​ള്ളി​ൽ പെ​ടു​ത്തി സ്​​ത്രീ​ക​ളെ നി​ശ്ശ​ബ്​​ദ​രും അ​പ​മാ​നി​ത​രും അ​ടി​മ​ക​ളു​മാ​ക്കി നി​ല​നി​ർ​ത്തു​ക​യെ​ന്ന ത​ന്ത്രം സ​ദാ ജാ​ഗ​രൂ​ക​വും സ​ജീ​വ​വു​മാ​ണ്.

ലൈം​ഗി​ക​പീ​ഡ​ന കേ​സു​ക​ളി​ൽ ശ​രി​യാ​യ വി​ധി ന​ട​ത്ത​ണ​മെ​ങ്കി​ൽ ജ​ഡ്ജി​മാ​രെ ലിം​ഗ​സ​മ​ത്വ​ത്തെ​ക്കു​റി​ച്ച് പ​ഠി​പ്പി​ക്ക​ണ​മെ​ന്ന് അ​റ്റോ​ണി ജ​ന​റ​ൽ കെ.​കെ. വേ​ണു​ഗോ​പാ​ൽ ക​ഴി​ഞ്ഞ ദി​വ​സം പ​റ​ഞ്ഞ​ത് കേ​ര​ള​ത്തി​ലേ​യും എ​ല്ലാ രാ​ഷ്​​ട്രീ​യ നേ​താ​ക്ക​ളും ശ്ര​ദ്ധി​ക്ക​ണ​മെ​ന്ന് അ​ഭ്യ​ർ​ഥി​ക്കു​ന്നു. ബ​ലാ​ത്സം​ഗ കേ​സി​ൽ പ്ര​തി​യാ​യ വ്യ​ക്തി​ക്ക് ജാ​മ്യം ന​ൽ​കി​യ​ു​ള്ള വി​ധി​യി​ൽ പ്ര​തി​യു​ടെ ​ൈക​യി​ൽ ഇ​ര രാ​ഖി കെ​ട്ട​ണ​മെ​ന്ന് മ​ധ്യ​പ്ര​ദേ​ശ് ഹൈ​കോ​ട​തി വ്യ​വ​സ്​​ഥ വി​ധി​ച്ച​തിെ​ൻ​റ പ​ശ്ചാ​ത്ത​ല​ത്തി​ലാ​ണ് അ​റ്റോ​ണി ജ​ന​റ​ൽ ഇ​ക്കാ​ര്യം വ​ലി​യ ഗൗ​ര​വ​ത്തോ​ടെ പ​റ​ഞ്ഞ​ത്. മ​ധ്യ​പ്ര​ദേ​ശ് ഹൈ​കോ​ട​തി വ്യ​വ​സ്​​ഥ​ക്കെ​തി​രെ ഒ​മ്പ​ത് വ​നി​ത അ​ഭി​ഭാ​ഷ​ക​ർ രം​ഗ​ത്തു​വ​ന്നു. ലിം​ഗ​സ​മ​ത്വ​ത്തിെ​ൻ​റ ആ​വ​ശ്യ​ക​ത​യെ​ക്കു​റി​ച്ച് ജ​ഡ്ജി​മാ​രെ ബോ​ധ​വ​ത്​​ക​രി​ക്ക​ണം. ജ​ഡ്ജി നി​യ​മ​ന പ​രീ​ക്ഷ​ക​ളി​ൽ ലിം​ഗ​സ​മ​ത്വ ബോ​ധ​വ​ത്​​ക​ര​ണം വി​ഷ​യ​മാ​ക​ണം, ജു​ഡീ​ഷ്യ​ൽ അ​ക്കാ​ദ​മി​ക​ൾ ഇ​തേ​ക്കു​റി​ച്ച് പ​ഠി​പ്പി​ക്ക​ണം എ​ന്നാ​ണ് അ​റ്റോ​ണി ജ​ന​റ​ൽ പ​റ​ഞ്ഞ​ത്.

കേ​ര​ള​ത്തി​ൽ സി​നി​മാ​ന​ടി നേ​രി​ട്ട ആ​സൂ​ത്രി​ത ലൈം​ഗി​കാ​ക്ര​മ​ണ കേ​സി​ൽ വി​ചാ​ര​ണ കോ​ട​തി​യി​ൽ ഇ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന വി​ചാ​ര​ണ​യു​ടെ, പു​റ​ത്തു വ​രു​ന്ന വി​വ​ര​ങ്ങ​ൾ കേ​ൾ​ക്കു​മ്പോ​ഴും ഇ​തേ കാ​ര്യം ഗൗ​ര​വ​ത്തോ​ടെ അ​തി​വേ​ഗം ആ​ലോ​ചി​ച്ച് ന​ട​പ്പാ​ക്ക​ണ​മെ​ന്നാ​ണ് പ​റ​യാ​നു​ള്ള​ത്. ന​ടി​യു​ടെ സ്വ​ഭാ​വ​ത്തെ ചോ​ദ്യം ചെ​യ്യു​ന്ന സ​മീ​പ​ന​മാ​ണ് വി​ചാ​ര​ണ കോ​ട​തി​യു​ടെ ഭാ​ഗ​ത്തു​നി​ന്നു​ണ്ടാ​യ​തെ​ന്ന് ഹ​ര​ജി​ക്കാ​രി​ക്കാ​യി ഹാ​ജ​രാ​യ സീ​നി​യ​ർ അ​ഭി​ഭാ​ഷ​ക​ൻ ഹൈ​കോ​ട​തി​യി​ൽ ബോ​ധി​പ്പി​ച്ചി​രി​ക്കു​ന്നു. വി​ചാ​ര​ണ മ​റ്റൊ​രു കോ​ട​തി​യി​ലേ​ക്ക് മാ​റ്റ​ണ​മെ​ന്നാ​ണ് ന​ടി​യു​ടെ ആ​വ​ശ്യം. സ​ർ​ക്കാ​റും ഇ​ക്കാ​ര്യ​ത്തി​ൽ ന​ടി​ക്കൊ​പ്പ​മാ​ണ് എ​ന്ന​ത് വ​ലി​യ ആ​ശ്വാ​സം ത​ന്നെ. പ​ക്ഷേ, അ​ടി​മു​ടി അ​വ​ബോ​ധ​ത്തി​ൽ വ്യ​ത്യാ​സം വ​രു​ത്താ​നു​ള്ള പ​രി​ശ്ര​മ​ങ്ങ​ൾ ലിം​ഗ​സ​മ​ത്വം പ​ഠി​പ്പി​ച്ചു​കൊ​ണ്ടു​ത​ന്നെ ന​ട​ത്ത​ണം.

ജ​ഡ്ജി​യാ​യാ​ലും രാ​ഷ്​​ട്രീ​യ​നേ​താ​വാ​യാ​ലും വ്യ​ക്തി​ക​ൾ എ​ന്ന നി​ല​യി​ൽ അ​വ​രു​ടെ സ്​​ത്രീ​വി​രു​ദ്ധ ലൈം​ഗി​ക​സ​ദാ​ചാ​ര ധാ​ര​ണ​ക​ൾ​ക്ക​നു​സ​രി​ച്ച​ല്ല ലൈം​ഗി​കാ​ക്ര​മ​ണ​ങ്ങ​ളേ​യും സ്​​ത്രീ​ക​ളു​ടെ ജീ​വി​ത​ത്തേ​യും സ​മീ​പി​ക്കേ​ണ്ട​തും വി​ധി​ക്കേ​ണ്ട​തും. അ​തി​ന് നി​യ​ത​മാ​യ ലിം​ഗ​നീ​തി വ്യ​വ​സ്​​ഥ അ​ടി​സ്​​ഥാ​ന​മാ​ക്കി​യു​ള്ള വാ​ദ​ങ്ങ​ളും വി​ശ​ക​ല​ന പ​ദ്ധ​തി​ക​ളു​മു​ണ്ട്. അ​ത് പ​ഠി​ക്കാ​നും പ്ര​യോ​ഗി​ക്കാ​നും നി​യ​മ​പ​ര​മാ​യി അ​വ​ർ ഉ​ത്ത​ര​വാ​ദ​പ്പെ​ട്ട​വ​രാ​യി​രി​ക്ക​ണം. ന​മ്മു​ടെ നി​യ​മ​സ​ഭ സാ​മാ​ജി​ക​ര​ട​ക്ക​മു​ള്ള രാ​ഷ്​​ട്രീ​യ നേ​താ​ക്ക​ൾ​ക്കും അ​ടി​യ​ന്ത​ര​മാ​യി ലിം​ഗ​സ​മ​ത്വ വി​ദ്യാ​ഭ്യാ​സം ന​ൽ​കു​ന്ന​തി​നു​ള്ള ന​ട​പ​ടി​ക​ൾ ഉ​ണ്ടാ​കേ​ണ്ട​താ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:mullappallygender equalityPolitical LeadersKK Venugopal
News Summary - Gender equality should be taught to political leaders
Next Story