Top
Begin typing your search above and press return to search.
exit_to_app
exit_to_app
Homechevron_rightOpinionchevron_rightColumnschevron_rightആരോഗ്യപ്പച്ചchevron_rightകോ​വി​ഡ്...

കോ​വി​ഡ് മാ​റ്റി​മ​റി​ക്കു​ന്ന സ്ത്രീ​ജീ​വി​ത​ങ്ങ​ൾ

text_fields
bookmark_border
കോ​വി​ഡ് മാ​റ്റി​മ​റി​ക്കു​ന്ന സ്ത്രീ​ജീ​വി​ത​ങ്ങ​ൾ
cancel

കോ​വി​ഡ് ഇതു​വ​രെ ചി​ന്തിക്കാത്ത മാറ്റങ്ങളാണ്​ സ​മൂ​ഹ​ത്തി​ൽ ഉ​ണ്ടാ​ക്കുന്നത്. രോ​ഗം ബാ​ധി​ക്കാ​തെത്തന്നെ നി​ല​നി​ൽപ്​ വ​ലി​യ വെ​ല്ലു​വി​ളി​യാ​യി മാ​റു​ക​യും ദാ​രി​ദ്ര്യ​ത്തിനിരയാകുകയും ചെയ്യുന്ന പു​തി​യ ന്യൂ​ന​പ​ക്ഷ​ങ്ങ​ൾ രൂപംകൊള്ളുന്നു. ക​ഴി​ഞ്ഞ മാ​ർ​ച്ച് മു​ത​ൽ രാജ്യം ​ലോ​ക്ഡൗ​ണിലാണ്​. നി​യ​ന്ത്ര​ണ​ങ്ങ​ൾ ഇ​പ്പോ​ഴും പൂ​ർ​ണ​മാ​യി അ​വ​സാ​നി​ച്ചി​ട്ടി​ല്ല. അ​തി​നി​ട​യി​ൽ ദാ​രി​ദ്ര്യ​ത്തിലാ​ഴ്ത്ത​പ്പെ​ട്ട വി​ഭാ​ഗ​ങ്ങളിലൊന്നാ​ണ് ഇ​ന്ത്യ​യി​ൽ 15 ല​ക്ഷ​ത്തി​ല​ധി​കം വരുന്ന ലൈം​ഗി​ക​ത്തൊ​ഴി​ലാ​ളി​ക​ൾ. അ​വ​ർ​ക്ക് പ്ര​ത്യേ​ക തി​രി​ച്ച​റി​യ​ൽരേ​ഖ​ക​ളോ സ്വ​ന്ത​മാ​യി ബാ​ങ്ക് അ​ക്കൗ​ണ്ടു​ക​ളോ ഇ​ല്ല.

​േലാ​യേ​ഴ്‌​സ് കല​ക്​ടി​വ്, ദ​ർ​ബാ​ർ മ​ഹി​ള സ​മ​ന്വ​യ ക​മ്മി​റ്റി എ​ന്നി​ങ്ങ​നെ ചി​ല സ​ന്ന​ദ്ധപ്ര​വ​ർ​ത്ത​ക കൂ​ട്ടാ​യ്മ​ക​ൾ സു​പ്രീംകോ​ട​തി​യി​ൽ ന​ൽ​കി​യ പ​രാ​തി​യി​ലാ​ണ് ഒ​ക്ടോ​ബ​ർ അ​വ​സാ​ന നാ​ളി​ൽ ഇ​ക്കാ​ര്യ​ത്തി​ൽ പ​രി​ഹാ​ര​ത്തി​ന് വ​ഴി​ക​ണ്ട​ത്. അ​പ്പോ​ഴേ​ക്കും കോ​വി​ഡ് നി​യ​ന്ത്ര​ണ​ങ്ങ​ൾ വ​ന്ന്​ ഏ​ഴു മാ​സം ക​ഴി​ഞ്ഞി​രി​ക്കു​ന്നു. പാ​ർ​ശ്വവ​ത്ക​രി​ക്ക​പ്പെ​ട്ട​വ​ർ​ക്കാ​യി സ​ർ​ക്കാ​ർ പ്ര​ഖ്യാ​പി​ച്ച പ​ദ്ധ​തി​ക​ളി​ൽ ലൈം​ഗി​ക​ത്തൊ​ഴി​ലാ​ളി​ക​ൾ ഉ​ൾ​പ്പെ​ട്ടി​രു​ന്നി​ല്ല; വീ​ടു​ക​ളി​ലോ ര​ഹ​സ്യ​മാ​യോ താ​മ​സി​ക്കു​ന്ന​വ​രും പ​ദ്ധ​തി​ക​ൾ​ക്ക് പു​റ​ത്താ​ണ്. ആ​റു​മാ​സ​മാ​യി നി​യ​മവ​ഴി​ക​ൾ തേ​ടേ​ണ്ടി​വ​ന്ന​തും അ​തി​നാ​ൽത​ന്നെ.

നാ​ഷ​നൽ എ​യ്‌​ഡ്‌​സ്‌ കൺ​ട്രോൾ ഓർഗ​നൈ​സേ​ഷ​ൻ (നാ​കോ) വ​ഴി ലൈം​ഗി​ക​ത്തൊ​ഴി​ലാ​ളി​ക​ളെ ക​ണ്ടെ​ത്തി അ​വ​ർ​ക്ക് അ​ത്യാ​വ​ശ്യം വേ​ണ്ട സ​ഹാ​യ​ങ്ങ​ൾ എ​ത്തി​ക്കാൻ സുപ്രീംകോടതി തീ​രു​മാ​ന​മെ​ടു​ത്തു. റേ​ഷ​ൻ കാ​ർ​ഡു​ക​ൾ ന​ൽ​കാ​നും, ആ​വ​ശ്യ​ത്തി​ന് റേ​ഷനെ​ത്തി​ക്കാ​നും സം​സ്ഥാ​ന​ങ്ങ​ൾ​ക്ക് നി​ർ​ദേശം നൽകി. എ​ന്നാ​ൽ, സം​ഘ​ട​ന​ക​ൾ ആ​വ​ശ്യ​പ്പെ​ട്ട കാ​ഷ് ട്രാ​ൻ​സ്‌​ഫ​റിൽ തീ​രു​മാ​ന​മെ​ടുത്തില്ല. ഏ​റ്റ​വും ദ​രി​ദ്ര​ർ​ക്ക് റേ​ഷ​ൻ മാ​ത്രം പോ​രാ, അ​ടി​യ​ന്ത​ര​ഘ​ട്ട​ങ്ങ​ളി​ൽ പ​ണം കൈയി​ലെ​ത്ത​ണ​മെ​ന്ന കാ​ര്യ​ത്തി​ൽ സാ​മ്പ​ത്തി​കവി​ദ​ഗ്ധ​ർ​ക്ക് ഏ​കാ​ഭി​പ്രാ​യ​മു​ണ്ട്.

പ്ര​സി​ദ്ധ​മാ​യ 'ലാ​ൻ​സെ​റ്റ്' മെ​ഡി​ക്ക​ൽ ജേ​ണ​ൽ ജൂ​ലൈ ആ​ദ്യ​വാ​രംത​ന്നെ ലൈം​ഗി​ക​ത്തൊ​ഴി​ലാ​ളി​ക​ളു​ടെ ആ​രോ​ഗ്യം, ദാ​രി​ദ്ര്യം എ​ന്നി​വ​യെ​ക്കു​റി​ച്ചു പ​ഠ​നം പ്ര​സി​ദ്ധീ​ക​രി​ച്ചു. പ​ലേ​ട​ത്തും പൊ​ലീ​സ് അ​തി​ക്ര​മം, പി​ഴ​ എ​ന്നി​വ അ​വ​രെ പ്ര​തി​കൂ​ല​മാ​യി ബാ​ധി​ക്കുന്നതായി കണ്ടെത്തി. ഇ​തോ​ടൊ​പ്പം രോ​ഗ​പ്ര​തി​രോ​ധ മാ​ർഗ​ങ്ങ​ൾ പി​ന്തു​ട​രാ​ൻ പ്ര​യാ​സപ്പെടുന്ന സാ​ഹ​ച​ര്യ​വും അ​വ​ർ​ക്കു​ണ്ട്. രോ​ഗം വ​ന്നാ​ലും ഇ​ന്ന​ത്തെ സാ​ഹ​ച​ര്യ​ത്തി​ൽ ചി​കി​ത്സ​യി​ലും അ​ദൃ​ശ്യ​മാ​യ വി​വേ​ച​നം അ​നു​ഭ​വി​ക്കു​ന്ന​വ​രാ​ണ് അ​വ​ർ. ലൈം​ഗി​കത്തൊഴി​ലി​ൽ എ​ത്തു​ന്ന​വ​ർ അ​വ​രു​ടെ വ്യ​ക്തി​ഗ​ത​മാ​യ കാ​ര​ണ​ങ്ങ​ളാ​ൽ മാ​ത്ര​മാ​ണെന്ന്​ കരുതുന്നവരാണ്​ കൂടുതലും. എന്നാൽ, ഇ​ന്ത്യ​യി​ൽ വ​ലി​യൊ​രു വി​ഭാ​ഗം സ്ത്രീ​ക​ൾ ആ​ചാ​ര​പ​ര​മാ​യ ലൈം​ഗി​കവൃ​ത്തി​യി​ൽ വ്യ​ാപൃ​ത​രാ​ണ്. ചി​ല ദൈ​വ​സ​ങ്കൽപ​വും ആ​ചാ​ര​ങ്ങ​ളും ഇ​തി​നു പി​ന്നി​ൽ പ്ര​വ​ർ​ത്തി​ക്കു​ന്നു. ത​ല​മു​റ​ക​ളാ​യി പി​ന്തു​ട​ർ​ന്നുവ​രു​ന്ന ജീ​വി​ത​രീ​തി​യാ​യ​തി​നാ​ൽ ഈ ​വി​ഭാ​ഗ​ത്തി​ൽ പെ​ട്ട​വ​രെ സാം​സ്കാ​രി​ക ന്യൂ​ന​പ​ക്ഷ​മാ​യി ക​രു​തേ​ണ്ടി​വ​രും.​ നാ​റ്റ്, ബീ​ഡി​യ, ബ​ഞ്ച​ഡ, ക​ഞ്ചാ​ർ എ​ന്നീ വി​ഭാ​ഗ​ങ്ങ​ളി​ൽ പെ​ട്ട സ്ത്രീ​ക​ളാ​ണ് വി​ശ്വാ​സ​ത്തി​​െൻറ പേരിൽ ഇ​ത്ത​ര​ത്തി​ൽ ജീ​വി​ക്കേ​ണ്ടി​വ​രുക. കോ​വി​ഡ് ഇ​വ​രെ നി​ർ​ധ​ന​രും രോ​ഗി​ക​ളും ദ​രി​ദ്ര​രു​മാ​ക്കി. ബി​ഹാ​ർ, മ​ധ്യ​പ്ര​ദേ​ശ്, രാ​ജ​സ്ഥാ​ൻ സം​സ്ഥാ​ന​ങ്ങ​ളി​ൽ വ​സി​ക്കു​ന്ന​വ​രാ​ണി​വ​ർ. സ​ന്ന​ദ്ധ​സം​ഘ​ട​ന​ക​ൾ കോ​വി​ഡ് കാ​ല​ത്ത് അ​വ​രു​ടെ ജീ​വി​ത​ത്തെക്കുറി​ച്ച് ഒ​രു സ​ർ​വേ ന​ട​ത്തി. റി​പ്പോ​ർ​ട്ട്​ അ​നു​സ​രി​ച്ച്​ കോ​വി​ഡ് മൂ​ലം ദ​രി​ദ്ര​രാ​യ സ്ത്രീ​ക​ളി​ൽ 65 ശതമാനത്തിനും തി​രി​കെ ലൈം​ഗി​കവൃ​ത്തി​യി​ലേ​ക്ക് മ​ട​ങ്ങാ​നാ​ണ് താ​ൽ​പ​ര്യം. ആ​ചാ​ര​വും സം​സ്കാ​ര​വു​മാ​ണ് ഈ ​വി​ഭാ​ഗ​ത്തി​ലെ സ്ത്രീ​ക​ൾ​ക്ക് കു​ടും​ബ​ജീ​വി​തം വി​ല​ക്കി​യി​രി​ക്കു​ന്ന​തെ​ങ്കി​ലും തൊഴിലി​െൻറ പേരിൽ വന്നുചേരുന്ന മുദ്രയുടെ പ്രയാസവും അവർ നേരിടുന്നു. ഇതുമൂ​ലം പെ​ൺ​കു​ട്ടി​ക​ളി​ൽ മൂ​ന്നി​ലൊ​ന്ന് മാ​ത്ര​മാ​ണ് ഹൈ​സ്‌​കൂ​ൾ ക്ലാസി​ൽ എ​ത്തു​ന്ന​ത്.

ആഗോളതലത്തിൽ യു​.എ​ൻ എ​യ്‌​ഡ്‌​സ്‌ സ​ർ​വേ​യും സ​മാ​നകാ​ര്യ​ങ്ങ​ൾ ക​ണ്ടെ​ത്തി. കോ​വി​ഡ് ബാ​ധി​ക്കു​ക​യും ദാ​രി​ദ്ര്യ​ത്തി​ലേ​ക്ക് വീ​ഴു​ക​യും മാ​ത്ര​മ​ല്ല, വ​ള​രെ​യ​ധി​കം പേ​ർ​ക്ക് മാ​ന​സി​കസം​ഘ​ർ​ഷം കൂ​ടി​യു​ണ്ടാ​കു​ന്നു. പൊ​തു​സ​മൂ​ഹ​ത്തി​ൽ കാ​ണു​ന്ന​തി​ലു​മ​ധി​കം മാ​ന​സി​ക​രോ​ഗ ഭാ​രം ഇ​വ​രി​ൽ കാ​ണ​പ്പെ​ടു​ന്നു. സ്ഥി​രം ആ​രോ​ഗ്യസം​വി​ധാ​ന​ങ്ങ​ൾ പ്രാ​പ്യ​മ​ല്ലാ​ത്ത ഇ​വ​ർ​ക്ക് ഡി​ജി​റ്റ​ൽ ടെ​ക്​നോ​ള​ജി​യു​ടെ സ​ഹാ​യ​ത്തി​ൽ സേ​വ​നമെത്തി​ക്കാ​ൻ സ​ന്ന​ദ്ധസം​ഘ​ട​ന​ക​ൾ ശ്ര​മ​മാ​രം​ഭി​ച്ചു തു​ട​ങ്ങി. സ​ത്യ​ത്തി​ൽ മ​റ്റ​നേ​കം വി​ഭാ​ഗ​ങ്ങ​ൾ കോ​വി​ഡ് മൂ​ലം പാ​ർ​ശ്വ​വ​ത്ക​രി​ക്ക​പ്പെ​ടു​ന്നു​ണ്ട്, ഐ​ക്യരാ​ഷ്​ട്രസ​ഭ​യു​ടെ വി​ക​സ​ന പ്രോ​ഗ്രാം (UNDP) ഏ​താ​നും നാ​ളു​ക​ൾ​ക്ക് മു​മ്പു​മാ​ത്രം പു​റ​ത്തു​വി​ട്ട റി​പ്പോ​ർ​ട്ട് അ​നു​സ​രി​ച്ച് ദാ​രി​ദ്ര്യ​വ​ത്​ക​ര​ണം ക്ര​മ​മാ​യി വ​ർ​ധി​ച്ചുവ​രു​ന്നു. തീ​വ്ര ദാ​രി​ദ്ര്യം 2030 ആ​കു​മ്പോ​ഴേക്കും 21 കോ​ടി ജ​ന​ങ്ങ​ളെ അ​ധി​ക​മാ​യി ബാ​ധി​ക്കും. അ​താ​യ​ത്, കോ​വി​ഡ് മാ​റി​ക്ക​ഴി​ഞ്ഞാ​ലും സാ​മൂ​ഹി​കാ​ഘാ​തം വ​ർ​ധി​ച്ചുകൊ​ണ്ടി​രി​ക്കും. ഏ​താ​ണ്ട് നൂ​റുകോ​ടി ജ​ന​ങ്ങ​ൾ രൂക്ഷ ദാ​രി​ദ്ര്യ​ത്തി​ലേ​ക്ക് ത​ള്ളി​വി​ട​പ്പെ​ടും. കോ​വി​ഡ് സ​മ്മ​ർ​ദ​ത്തി​ലാ​ക്കി​യ സാ​മ്പ​ത്തി​ക ക്ര​യ​വി​ക്ര​യ​ങ്ങ​ൾ ഉ​ൽ​പാ​ദ​ന​ത്തെ ബാ​ധി​ക്കു​ക വ​ഴി അ​ടു​ത്ത 10 കൊ​ല്ല​ത്തേ​ക്ക് സാ​മ്പ​ത്തി​ക മാ​ന്ദ്യം പ്ര​തീ​ക്ഷി​ക്കാം. ഇ​തു സ്ത്രീ​ക​ളു​ടെ സാ​മ്പ​ത്തി​കനി​ല​യെ​യും ആ​രോ​ഗ്യ​ത്തെ​യും പ്ര​തി​കൂ​ല​മാ​യി ബാ​ധി​ക്കും. 10 കോ​ടി​യി​ല​ധി​കം സ്ത്രീ​ക​ൾ ദാ​രി​ദ്ര്യ​ത്തി​ലേ​ക്ക് ത​ള്ള​പ്പെ​ടും.

ഐ​ക്യരാ​ഷ്​ട്ര​ സ​ഭ​യു​ടെ വ​നി​ത റി​പ്പോ​ർ​ട്ട് അ​നു​സ​രി​ച്ച് സ്ത്രീ​ക​ളെ കോ​വി​ഡ് പ്ര​തി​കൂ​ല​മാ​യി ബാ​ധി​ക്കു​ന്ന​തി​​െൻറ തെ​ളി​വു​ക​ൾ ധാ​രാ​ള​മു​ണ്ട്. വെ​ള്ള​ക്കാ​രാ​യ സ്ത്രീ​ക​ളു​മാ​യി താ​ര​ത​മ്യ​പ്പെ​ടു​ത്തി​യാ​ൽ കോ​വി​ഡ് മൂ​ലം ഇ​ന്ത്യ​ൻ സ്ത്രീ​ക​ളു​ടെ മ​ര​ണ​നി​ര​ക്ക് 2.7 ഇ​ര​ട്ടി അ​ധി​ക​മാ​ണ്. ബം​ഗ്ലാ​ദേ​ശി, പാ​കി​സ്താ​നി സ്ത്രീ​ക​ൾ, 4.3 ഇ​ര​ട്ടി അ​ധി​ക​വും.

വി​ക​സ്വ​രസ​മൂ​ഹ​ങ്ങ​ളി​ൽ താ​മ​സി​ക്കു​ന്ന​വ​രി​ൽ ന​ട​ത്തി​യ പ​ഠ​നം ഇ​ന്ത്യ​ൻ പോ​പു​ലേ​ഷ​ൻ ഫൗ​ണ്ടേ​ഷ​ൻ പു​റ​ത്തു​വി​ട്ടു. അ​വ​ർ പ​റ​യു​ന്ന​ത്, ഗ​ർ​ഭ​നി​രോ​ധ​നോ​പാ​ധി​ക​ളു​ടെ ല​ഭ്യ​ത​ക്കു​റ​വ് 10 ശതമാനം വ​രെ​യു​ണ്ട്. ഉ​ദ്ദേ​ശം അ​ഞ്ചുകോ​ടി സ്ത്രീ​ക​ളു​ടെ ഗ​ർ​ഭ​നി​രോ​ധ​നാ​വ​കാ​ശ​ത്തെ ഇത്​ ബാ​ധി​ക്കു​ക​യും അ​ടു​ത്ത ഒ​രു വ​ർ​ഷ​ത്തി​ൽ ഒ​ന്ന​ര കോ​ടി ആ​സൂ​ത്രി​ത​മ​ല്ലാ​ത്ത ഗ​ർഭധാ​ര​ണം ഉ​ണ്ടാ​കു​ക​യും ചെ​യ്യും. ഗ​ർ​ഭ​കാ​ല​ത്തെ ആ​രോ​ഗ്യ​പ​രി​പാ​ല​നം ദു​ർ​ബ​ല​പ്പെ​ടു​ന്ന​തി​നാ​ൽ 17 ല​ക്ഷം സ്ത്രീ​ക​ളു​ടെ ആ​രോ​ഗ്യത്തെ ബാ​ധി​ക്കാ​നി​ട​യു​ണ്ട്. ഏ​താ​ണ്ട് 25 ല​ക്ഷം ന​വ​ജാ​ത ശി​ശു​ക്ക​ൾ​ക്കും ആ​രോ​ഗ്യസു​ര​ക്ഷ വേ​ണ്ട​ത്ര ല​ഭി​ക്കാ​തെ​പോ​കും. അ​ബോ​ർ​ഷ​ൻ അ​വ​ശ്യസേ​വ​ന​മ​ല്ലാ​ത്ത നാ​ടു​ക​ളി​ൽ ഗ​ർ​ഭച്ഛി​ദ്രസേ​വ​ന​ങ്ങ​ൾ ല​ഭി​ക്കാ​ത്ത​തി​നാ​ൽ 30 ല​ക്ഷ​ത്തി​ല​ധി​കം സു​ര​ക്ഷി​ത​മ​ല്ലാ​ത്ത അ​ബോ​ർ​ഷ​നു​ക​ൾ ന​ട​ക്കും.

സ്ത്രീ​ക​ളു​ടെ ന്യൂ​ന​പ​ക്ഷജീ​വി​തം, അ​ധി​കാ​രം, ദാ​രി​ദ്ര്യം, പാ​ർ​ശ്വ​വത്​ക​ര​ണം എ​ന്നി​വ ശ്ര​ദ്ധാ​പൂ​ർ​വം പ​രി​ഗ​ണിക്കപ്പെടണം. ഇ​പ്പ​റ​ഞ്ഞ പ​ല ​കാ​ര്യ​ങ്ങ​ളും വ്യ​ത്യ​സ്ത​മാ​യ അ​ള​വു​ക​ളി​ൽ കേ​ര​ളസ​മൂ​ഹ​ത്തി​ലും കാ​ണാം. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ൽ പു​തി​യ ജ​ന​പ്ര​തി​നി​ധി​ക​ൾ അ​ടു​ത്തു​ത​ന്നെ അ​ധി​കാ​ര​മേ​ൽ​ക്കും. ഇ​ക്കു​റി 50 ശ​ത​മാ​ന​ത്തി​ല​ധി​കം പേ​രും സ്ത്രീ​ക​ളാ​യി​രി​ക്കും. അതിനാൽ, തൃണമൂലതലത്തിൽ കോ​വി​ഡാ​ന​ന്ത​ര ജീ​വി​ത​ത്തി​ൽ സ്ത്രീ​ക​ൾ​ക്കു​ണ്ടാ​കു​ന്ന പ്ര​ശ്ന​ങ്ങ​ൾ ഗൗ​ര​വ​മാ​യി ച​ർ​ച്ച​ചെ​യ്യ​പ്പെ​ടും എ​ന്നാ​ശി​ക്കാം.

Show Full Article
TAGS:Women's lives covid 19 
News Summary - Women's lives that change by the covid
Next Story