താമര​ശ്ശേരിയിൽ പ്രവാസിയായ സ്കൂട്ടർ യാത്രക്കാരനെ തട്ടിക്കൊണ്ടുപോയി

കോഴിക്കോട്: താമരശ്ശേരിയിൽ കാറിലെത്തിയ സംഘം സ്കൂട്ടർ യാത്രക്കാരനെ തട്ടിക്കൊണ്ടുപോയി. താമരശ്ശേരി അവേലം സ്വദേശി അഷ്റഫിനെയാണ് തട്ടിക്കൊണ്ടുപോയത്. വിദേശത്ത് വ്യാപാരിയാണ് അഷ്റഫ്. ഗൾഫിലെ സാമ്പത്തിക ഇടപാടാണ് തട്ടിക്കൊണ്ട് പോകലിന് പിന്നിലെന്നാണ് പൊലീസ് പറയുന്നത്. കഴിഞ്ഞ ദിവസം രാത്രി ഒമ്പതുമണിയോടെയാണ് സംഭവം നടന്നത്.

രണ്ട് കാറുകളിലായാണ് സംഘം എത്തിയതെന്ന് ദൃക്സാക്ഷി പറയുന്നു. സ്കൂട്ടർ തടഞ്ഞുനിർത്തി യാത്രക്കാരനെ കാറിലേക്ക് വലിച്ചു കയറ്റുകയായിരുന്നു. കോഴിക്കോട്-താമരശ്ശേരി വെഴുപ്പൂർ സ്കൂളിന് സമീപമാണ് സംഭവം.