Begin typing your search above and press return to search.
exit_to_app
exit_to_app
Sukanya Samriddhi Yojana for your Daughter Eligibility, Interest Rates, Tax Benefits
cancel
Homechevron_rightCareer & Educationchevron_rightമകളുടെ...

മകളുടെ വിദ്യാഭ്യാസത്തിനായി സുകന്യ സമൃദ്ധി യോജന; യോഗ്യത, പലിശനിരക്ക്​, നികുതിയിളവ്​ അറിയാം

text_fields
bookmark_border

ന്യൂഡൽഹി: പെൺകുട്ടികളുടെ ഉന്നമനത്തിനായി കേന്ദ്രസർക്കാർ ഒരുക്കിയിരിക്കുന്ന ചെറു നിക്ഷേപ പദ്ധതിയാണ്​ സുകന്യ സമൃദ്ധി യോജന. ഏതു ബാങ്കിലും പോസ്റ്റ്​ ഓഫിസിലും ഈ അക്കൗണ്ട്​ തുറക്കാം.

ബാങ്ക്​ നിക്ഷേപ​ത്തേക്കാളും ഉയർന്ന പലിശ ലഭിക്കുമെന്നതാണ്​ ഈ നിക്ഷേപ പദ്ധതിയുടെ പ്രത്യേകത. സർക്കാർ പദ്ധതിയായതിനാൽ തന്നെ വിശ്വാസയോഗ്യമാകും.

പെൺമക്കളുള്ള മാതാപിതാക്കൾക്കാണ്​ അക്കൗണ്ട്​ തുറക്കാൻ യോഗ്യത. പെൺകുട്ടിക്ക്​ 10 വയസാകുന്നതിന്​ മുമ്പ്​ അക്കൗണ്ട്​ ആരംഭിക്കാം. കുട്ടി പ്രായപൂർത്തിയാകുന്നതോടെ അക്കൗണ്ട്​ അവള​ുടെ പേരിലാകും. 15 വർഷത്തേതാണ്​ നിക്ഷേപ പദ്ധതി. പെൺകുട്ടിക്ക്​ 21 വയസാകു​േമ്പാൾ കാലാവധി പൂർത്തിയാകും.

ഒരു കുടുംബത്തിന്​ രണ്ടു അക്കൗണ്ടുകൾ മാത്രമേ ആരംഭിക്കാനാകൂ. രണ്ടാമത്തേത്​ ഇരട്ടകളോ മൂന്നു കുട്ടികളോ ആണെങ്കിൽ മെഡിക്കൽ സർട്ടിഫിക്കറ്റോടെ അക്കൗണ്ട്​ ആരംഭിക്കാം.

ആദ്യഗഡുവായി 250 രൂപ മുടക്കിയാൽ സുകന്യ സമൃദ്ധി യോജനയിൽ അക്കൗണ്ട്​ തുടങ്ങാം. മിനിമം നിക്ഷേപമായി 250 രൂപ നിലനിർത്തണം. അല്ലെങ്കിൽ 50 രൂപ പിഴ ഇൗടാക്കും.

അക്കൗണ്ടിൽ 250 രൂപ നിക്ഷേപമില്ലെങ്കിൽ മരവിപ്പിക്കും. എന്നാൽ ഏതു നിമിഷവും പണമടച്ച്​ സാധാരണ നിലയിലാക്കാനും സാധിക്കും.

ഒന്നരലക്ഷം രൂപ വരെയാണ്​ പരമാവധി നിക്ഷേപം. ഒരു വർഷം എത്ര തവണ വേണമെങ്കിലും ഇതിൽ നിക്ഷേപിക്കാം. എന്നാൽ ഒന്നരലക്ഷം രൂപക്ക്​ മുകളിലെത്തിയാൽ ഉടൻ തന്നെ അധികമുള്ള പണം അക്കൗണ്ട്​ ഉടമക്ക്​ തിരിച്ചുനൽകും.

2021 സെപ്​റ്റംബറിൽ അവസാനിക്കുന്ന സാമ്പത്തിക പാദത്തിൽ പ്രതിവർഷം 7.6 ശതമാനം​ പലിശ ലഭിക്കും​. സാമ്പത്തിക വർഷം അവസാനിക്കു​േമ്പാൾ പലിശ അക്കൗണ്ടിൽ നിക്ഷേപിക്കും. കൂടാതെ ഈ അക്കൗണ്ട്​ നികുതി പരിധിക്ക്​ പുറത്തായിരിക്കും.

അക്കൗണ്ട്​ ആരംഭിച്ച്​ അഞ്ചുവർഷത്തിന്​ ശേഷം അക്കൗണ്ട്​ ഉടമയുടെ ഗുരുതര രോഗം, പെൺകുട്ടിയുടെ മാതാപിതാക്കളുടെ മരണം തുടങ്ങിയവ സംഭവിക്കുകയാണെങ്കിൽ പണം പിൻവലിക്കാം. ​കാലാവധി അവസാനിക്കാതെ പണം പിൻവലിക്കു​േമ്പാൾ മതിയായ രേഖകൾ ഹാജരാക്കാൻ അക്കൗണ്ട്​ ഉടമക്ക്​ സാധിക്കണം.

പെൺകുട്ടിക്ക്​ 18 വയസാകു​േമ്പാഴോ, 10 ാം ക്ലാസിന്​ ശേഷമോ അക്കൗണ്ടിൽനിന്ന്​ പണം പിൻവലിക്കാം. ഇതിൽ 50 ശതമാനം തുക മാത്രമേ പിൻവലിക്കാൻ സാധിക്കൂ. 21 വയസാകു​േമ്പാൾ മുഴുവൻ തുകയും അക്കൗണ്ടിൽനിന്ന്​ പിൻവലിക്കാം. പണം പിൻവലിച്ചില്ലെങ്കിൽ പലിശ തുടർന്നും ലഭിക്കും.

Show Full Article
TAGS:Sukanya Samriddhi Yojana Deposit Scheme Daughter 
News Summary - Sukanya Samriddhi Yojana for your Daughter Eligibility, Interest Rates, Tax Benefits
Next Story