പ്രിയരെ ഞങ്ങൾ വരുന്നു ചങ്ങാതിക്കൂട്ടം

പ്ര​വേ​ശ​നോ​ത്സ​വ ആ​ഘോ​ഷ​ത്തി​ലേ​ക്ക് പ്ര​ത്യേ​ക പ​രി​ഗ​ണ​ന​യ​ർ​ഹി​ക്കു​ന്ന കു​ട്ടി​ക​ളെ സ്വീ​ക​രി​ക്കാ​നും പി​ന്തു​ണ ന​ൽ​കാ​നും അ​ധ്യാ​പ​ക​ർ​ക്കൊ​പ്പം പ്ര​ത്യേ​ക പ​രി​ശീ​ല​നം കി​ട്ടി​യ സ്പെ​ഷ​ൽ എ​ജു​ക്കേ​റ്റ​ർ​മാ​രുമുണ്ടാകും

വീ​ണ്ടു​മൊ​രു സ്കൂ​ൾ പ്ര​വേ​ശ​നോ​ത്സ​വം. കു​ട്ടി​ക​ളും ര​ക്ഷി​താ​ക്ക​ളും അ​ധ്യാ​പ​ക​രും കാ​ത്തി​രു​ന്ന വേ​ള. കാ​ലം മാ​റി. പു​തി​യ കാ​ലം വ​ർ​ണാ​ഭ​മാ​യ പ്ര​വേ​ശ​നോ​ത്സ​വ​ത്തി​ന്റേ​താ​ണ്. ഒ​രി​ക്ക​ൽ​കൂ​ടി സ്കൂ​ൾ​കു​ട്ടി​യാ​യി​രു​ന്നെ​ങ്കി​ൽ എ​ന്ന് ആ​ഗ്ര​ഹി​ച്ചു​പോ​വു​ക​യാ​ണ് ഏ​വ​രും. അ​ത്ര​മേ​ൽ മ​നോ​ഹ​ര​മാ​യാ​ണ് കു​രു​ന്നു​ക​ളെ അ​റി​വി​ന്‍റെ ലോ​ക​ത്തേ​ക്ക് വ​ര​വേ​ൽ​ക്കു​ന്ന​ത്. ഇ​വി​ടെ, ഒ​രു വേ​ർ​തി​രി​വു​ക​ളും ഇ​ല്ല. ശാ​രീ​രി​ക- മാ​ന​സി​ക വെ​ല്ലു​വി​ളി​ക​ൾ നേ​രി​ടു​ന്ന കു​ട്ടി​ക​ൾ, ഗോ​ത്ര​വി​ഭാ​ഗ​ത്തി​ൽ​നി​ന്നു​ള്ള കു​ട്ടി​ക​ൾ, അ​തി​ഥി തൊ​ഴി​ലാ​ളി​ക​ളു​ടെ മ​ക്ക​ൾ എ​ന്നു​വേ​ണ്ട അ​റി​വി​ന്‍റെ ലോ​കം കൊ​തി​ക്കു​ന്ന ഏ​വ​രെ​യും ചേ​ർ​ത്തു​പി​ടി​ക്കു​ന്ന​താ​ണ് കേ​ര​ള സം​സ്ഥാ​ന​ത്തി​ന്‍റെ ന​യം.

കേ​ര​ളം ഇ​ന്ത്യ​യി​ലെ ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന് ഏ​റെ മാ​റി​നി​ൽ​ക്കു​ക​യാ​ണ്. ഇ​ക്ക​ഴി​ഞ്ഞ ദി​വ​സ​മാ​ണ് മി​സോ​റ​മി​ൽ​നി​ന്നൊ​രു വാ​ർ​ത്ത വ​ന്ന​ത്. രാ​ജ്യ​ത്തെ ആ​ദ്യ​ത്തെ സ​മ്പൂ​ർ​ണ സാ​ക്ഷ​ര​ത നേ​ടി​യ സം​സ്ഥാ​ന​മാ​ണ് മി​സോ​റ​മെ​ന്നാ​യി​രു​ന്നു അ​ത്. 1991 ഏ​പ്രി​ൽ 18ന് ​കേ​ര​ളം സ​മ്പൂ​ർ​ണ സാ​ക്ഷ​ര സം​സ്ഥാ​ന​മാ​യി പ്ര​ഖ്യാ​പി​ച്ച​ത്, കോ​ഴി​ക്കോ​ട് മാ​നാ​ഞ്ചി​റ​യി​ൽ ന​ട​ന്ന ച​ട​ങ്ങി​ൽ ന​വ​സാ​ക്ഷ​ര​യാ​യ മ​ല​പ്പു​റ​ത്തെ ചേ​ല​ക്കാ​ട​ൻ ആ​യി​ഷ​യാ​ണ്. അ​ന്ന് ഇ.​കെ. നാ​യ​നാ​രാ​യി​രു​ന്നു മു​ഖ്യ​മ​ന്ത്രി. മി​സോ​റ​മി​ന് തെ​റ്റു​പ​റ്റി​യെ​ന്ന് മാ​ത്ര​മ​ല്ല. പ​തി​റ്റാ​ണ്ടു​ക​ൾ​ക്ക് മു​മ്പ് നാം ​ആ​ർ​ജി​ച്ച​താ​ണ് ഇ​പ്പോ​ൾ അ​വ​ർ നേ​ടി​യെ​ടു​ക്കു​ന്ന​തെ​ന്ന് മ​റ​ക്ക​രു​ത്. എ​ക്കാ​ല​ത്തും അ​റി​വി​ന് നാം ​കൊ​ടു​ക്കു​ന്ന പ്രാ​ധാ​ന്യ​മാ​ണി​വി​ടെ വ്യ​ക്ത​മാ​കു​ന്ന​ത്.

സ്കൂ​ൾ പ്രാ​യ​ത്തി​ലു​ള്ള മു​ഴു​വ​ൻ കു​ട്ടി​ക​ളെ​യും സ്കൂ​ളു​ക​ളി​ൽ എ​ൻ​റോ​ൾ ചെ​യ്യി​ക്കാ​ൻ സം​സ്ഥാ​ന സ​ർ​ക്കാ​ർ സൗ​ക​ര്യം ഒ​രു​ക്കു​ന്നു​ണ്ട്. പ്ല​സ്ടു പ​ഠ​നം പൂ​ർ​ത്തി​യാ​ക്കു​ന്ന​തു​വ​രെ കൊ​ഴി​ഞ്ഞു​പോ​ക്കി​ല്ലാ​തെ കു​ട്ടി​ക​ളു​ടെ അ​ക്കാ​ദ​മി​ക തു​ട​ർ​ച്ച ഉ​റ​പ്പാ​ക്കാ​ൻ ക​ഴി​യു​ന്ന ഏ​ക സം​സ്ഥാ​ന​മാ​ണി​ന്ന് കേ​ര​ളം. അ​ങ്ങ​നെ അ​ഭി​മാ​നി​ക്കാ​ൻ ഏ​റെ​യു​ള്ള ഈ ​മ​ണ്ണി​ൽ​നി​ന്ന് പ്ര​വേ​ശ​നോ​ത്സ​വ​ത്തെ കു​റി​ച്ച് പ​റ​യാ​നേ​റെ​യു​ണ്ട്.

ചേ​ർ​ത്തു​പി​ടി​ച്ചൊ​രു യാ​ത്ര

അ​റി​വി​ന്‍റെ ലോ​ക​ത്തേ​ക്ക് തെ​ളി​ഞ്ഞ മ​ന​സ്സോ​ടെ ചേ​ർ​ത്തു​പി​ടി​ച്ചൊ​രു യാ​ത്ര ന​ട​ത്തു​ക​യാ​ണ് വി​ദ്യാ​ഭ്യാ​സ വ​കു​പ്പ്. കേ​ര​ളം എ​ന്നും സ​മാ​ന​ത​ക​ളി​ല്ലാ​ത്ത മാ​തൃ​ക​യാ​ണ്. രാ​ജ്യ​ത്തി​ന്‍റെ​യാ​കെ ക​ണ​ക്കെ​ടു​ക്കു​മ്പോ​ൾ കോ​ടി​ക്ക​ണ​ക്കി​ന് കു​ട്ടി​ക​ൾ വി​ദ്യാ​ല​യ​ത്തി​നു പു​റ​ത്തു നി​ൽ​ക്കു​ക​യാ​ണ്. അ​പ്പോ​ഴാ​ണ്, നാം ​ഉ​ൾ​ച്ചേ​ർ​ന്ന വി​ദ്യാ​ഭ്യാ​സ ന​യ​ത്തി​ന്‍റെ ഭാ​ഗ​മാ​യി ശാ​രീ​രി​ക- മാ​ന​സി​ക വെ​ല്ലു​വി​ളി​ക​ൾ നേ​രി​ടു​ന്ന കു​ട്ടി​ക​ൾ, ഗോ​ത്ര​വി​ഭാ​ഗ​ത്തി​ൽ​നി​ന്നു​ള്ള കു​ട്ടി​ക​ൾ , അ​തി​ഥി തൊ​ഴി​ലാ​ളി​ക​ളു​ടെ മ​ക്ക​ൾ തു​ട​ങ്ങി മു​ഴു​വ​ൻ കു​ട്ടി​ക​ളെ​യും വി​ദ്യാ​ല​യ​ങ്ങ​ളി​ലെ​ത്തി​ക്കാ​നും ഗു​ണ​മേ​ന്മ​യു​ള്ള വി​ദ്യാ​ഭ്യാ​സം ഉ​റ​പ്പു​വ​രു​ത്താ​നും അ​ക്ഷീ​ണം പ്ര​വ​ർ​ത്തി​ക്കു​ന്ന​ത്. ഇ​ക്ക​ഴി​ഞ്ഞ കാ​ല​ങ്ങ​ളി​ൽ രാ​ജ്യ​ത്തി​ന് മാ​തൃ​ക​യാ​യി നാം ​ന​ട​പ്പാ​ക്കി പോ​ന്ന​തും ഇ​തു​ത​ന്നെ​യാ​ണ്.

കോ​ഴി​ക്കോ​ട് ജി​ല്ല​യു​ടെ മാ​ത്രം ക​ണ​ക്കെ​ടു​ത്താ​ൽ ഒ​ന്ന് മു​ത​ൽ 12 വ​രെ ക്ലാ​സു​ക​ളി​ലാ​യി പ​തി​മൂ​വാ​യി​ര​ത്തി​ല​ധി​കം കു​ട്ടി​ക​ൾ ശാ​രീ​രി​ക-​മാ​ന​സി​ക പ​രി​മി​തി​ക​ളാ​ൽ പ്ര​ത്യേ​ക പ​രി​ഗ​ണ​ന ആ​വ​ശ്യ​മു​ള്ള​വ​രാ​ണ്. കാ​ഴ്ച​പ​രി​മി​ത​രാ​യ കു​ട്ടി​ക​ളു​ടെ എ​ണ്ണം ഇ​തി​ന് പു​റ​ത്താ​ണ്. 2016ലെ ​ഭി​ന്ന​ശേ​ഷി അ​വ​കാ​ശ നി​യ​മ​ത്തി​ൽ ഉ​ൾ​പ്പെ​ടു​ന്ന 21 ഭി​ന്ന​ശേ​ഷി വി​ഭാ​ഗ​ങ്ങ​ളി​ൽ 19 കാ​റ്റ​ഗ​റി​ക​ളി​ൽ​പെ​ടു​ന്ന കു​ട്ടി​ക​ൾ ജി​ല്ല​യി​ലെ സ്കൂ​ളു​ക​ളി​ൽ പ​ഠി​ക്കു​ന്നു​ണ്ട്.

ഇ​വ​ർ​ക്ക് അ​ക്കാ​ദ​മി​ക പി​ന്തു​ണ ഉ​റ​പ്പാ​ക്കു​ന്ന​തി​നാ​യി സ​മ​ഗ്ര ശി​ക്ഷ കേ​ര​ള വ​ഴി അ​നു​വ​ദി​ക്ക​പ്പെ​ട്ട 303 സ്പെ​ഷ​ൽ എ​ജു​ക്കേ​റ്റ​ർ​മാ​രി​ൽ 287 സ്പെ​ഷ​ൽ എ​ജു​ക്കേ​റ്റ​ർ​മാ​രെ പ്ര​ത്യേ​ക പ​രി​ഗ​ണ​ന ആ​വ​ശ്യ​മു​ള്ള കു​ട്ടി​ക​ളു​ടെ എ​ണ്ണം ക​ണ​ക്കി​ലെ​ടു​ത്ത് വി​വി​ധ വി​ദ്യാ​ല​യ​ങ്ങ​ളി​ലാ​യി വി​ന്യ​സി​ച്ചി​ട്ടു​ണ്ട്. ജൂ​ൺ ര​ണ്ടി​ന് പ്ര​വേ​ശ​നോ​ത്സ​വാ​ഘോ​ഷ​ത്തി​ലേ​ക്ക് പൊ​തു വി​ദ്യാ​ല​യ​ങ്ങ​ളി​ലെ​ത്തു​ന്ന പ്ര​ത്യേ​ക പ​രി​ഗ​ണ​ന​യ​ർ​ഹി​ക്കു​ന്ന കു​ട്ടി​ക​ളെ സ്വീ​ക​രി​ക്കാ​നും ആ​വ​ശ്യ​മാ​യ പി​ന്തു​ണ ന​ൽ​കാ​നും അ​ധ്യാ​പ​ക​ർ​ക്കൊ​പ്പം പ്ര​ത്യേ​ക പ​രി​ശീ​ല​നം കി​ട്ടി​യ സ്പെ​ഷ​ൽ എ​ജു​ക്കേ​റ്റ​ർ​മാ​ർ സ്കൂ​ളു​ക​ളി​ലു​ണ്ട്. കു​ട്ടി​ക​ൾ​ക്ക് അ​ധി​ക പി​ന്തു​ണ ന​ൽ​കു​ന്ന​തി​നാ​യി സ്കൂ​ളു​ക​ളി​ൽ സ്പെ​ഷ​ൽ കെ​യ​ർ സെ​ന്റ​റു​ക​ളും ഒ​രു​ക്കി​യി​ട്ടു​ണ്ട്.

ആ​രും ത​നി​ച്ചാ​കു​ന്നി​ല്ല

ഒ​രു വി​ദ്യാ​ർ​ഥി​യും ഇ​വി​ടെ ത​നി​ച്ചാ​കു​ന്നി​ല്ല. കൂ​ടെ​യു​ണ്ട് എ​ല്ലാ​വ​രു​മെ​ന്ന വ​ലി​യ പാ​ഠം പ​ക​ർ​ന്നു ന​ൽ​കു​ക​യാ​ണ് വി​ദ്യാ​ഭ്യാ​സ വ​കു​പ്പ്. ച​ല​ന​പ​രി​മി​തി ഉ​ൾ​പ്പെ​ടെ​യു​ള്ള കാ​ര​ണ​ങ്ങ​ളാ​ൽ വി​ദ്യാ​ല​യ​ങ്ങ​ളി​ലെ​ത്താ​ൻ ക​ഴി​യാ​തെ കി​ട​പ്പി​ലാ​യ കു​ട്ടി​ക​ൾ​ക്ക് ഗൃ​ഹാ​ധി​ഷ്ഠി​ത വി​ദ്യാ​ഭ്യാ​സം ന​ൽ​കി​വ​രു​ന്നു​ണ്ട്. സ​മ​പ്രാ​യ​ക്കാ​രാ​യ കു​ട്ടി​ക​ൾ വീ​ടു​ക​ളി​ലെ​ത്തി വി​ദ്യാ​ല​യാ​നു​ഭ​വ​ങ്ങ​ൾ പ​ങ്കി​ടു​ന്ന ‘ച​ങ്ങാ​തി​ക്കൂ​ട്ടം’ പ​രി​പാ​ടി​യും പ്ര​വേ​ശ​നോ​ത്സ​വ ദി​വ​സം ന​ട​ക്കും.

2022- 23 , 23- 24 വ​ർ​ഷം സ​ർ​ക്കാ​ർ പൊ​തു വി​ദ്യാ​ഭ്യാ​സ വ​കു​പ്പ് വ​ഴി 12 വി​ദ്യാ​ല​യ​ങ്ങ​ളെ മോ​ഡ​ൽ ഇ​ൻ​ക്ലൂ​സി​വ് സ്കൂ​ൾ പ​ദ്ധ​തി​യി​ലു​ൾ​പ്പെ​ടു​ത്തി ആ​വ​ശ്യ​മാ​യ പ​ഠ​നോ​പ​ക​ര​ണ​ങ്ങ​ൾ, എ.​ടി.​എ​ൽ ഉ​പ​ക​ര​ണ​ങ്ങ​ൾ, സ്പോ​ർ​ട്സ് കി​റ്റു​ക​ൾ തു​ട​ങ്ങി​യ​വ ഒ​രു​ക്കി​യി​രി​ക്ക​യാ​ണ്. ഏ​പ്രി​ൽ, മേ​യ് മാ​സ​ങ്ങ​ളി​ൽ ന​ട​ന്ന സ​ർ​വേ​യി​ലൂ​ടെ ഭി​ന്ന​ശേ​ഷി സം​ശ​യി​ക്കു​ന്ന മു​ഴു​വ​ൻ കു​ട്ടി​ക​ളു​ടെ​യും ലി​സ്റ്റ് ത​യാ​റാ​ക്കി. അ​തു​കൊ​ണ്ട് ത​ന്നെ, ജൂ​ണി​ൽ വി​ദ്യാ​ല​യ​ങ്ങ​ളി​ലേ​ക്ക് എ​ത്തു​ന്ന കു​ട്ടി​ക​ളെ കു​റി​ച്ച് എ​സ്.​എ​സ്.​കെ​ക്ക് കൃ​ത്യ​മാ​യ ധാ​ര​ണ​യു​ണ്ട്. ഇ​തു​വ​ഴി ആ​വ​ശ്യ​മാ​യ സ​ജ്ജീ​ക​ര​ണ​ങ്ങ​ൾ നേ​ര​ത്തേ ത​ന്നെ ഒ​രു​ക്കാ​ൻ വി​ദ്യാ​ല​യ​ങ്ങ​ൾ​ക്ക് ക​ഴി​യു​ന്നു​ണ്ട്. ഗൃ​ഹാ​ധി​ഷ്ഠി​ത വി​ദ്യാ​ഭ്യാ​സം നേ​ടു​ന്ന കു​ട്ടി​ക​ൾ​ക്കാ​യി എ​സ്.​എ​സ്.​കെ​യു​ടെ നേ​തൃ​ത്വ​ത്തി​ൽ വെ​ർ​ച്വ​ൽ ക്ലാ​സ് റൂ​മു​ക​ളും ഒ​രു​ക്കി​യി​ട്ടു​ണ്ട്.

2025-26 സ​മ​ഗ്ര ഗു​ണ​മേ​ന്മാ വി​ദ്യാ​ഭ്യാ​സ വ​ർ​ഷ​ത്തി​ൽ ഓ​രോ കു​ട്ടി​യെ​യും ഓ​രോ യൂ​നി​റ്റാ​യി ക​ണ്ടു കൊ​ണ്ട്, അ​വ​സ​ര​തു​ല്യ​ത​യി​ലൂ​ന്നി​ക്കൊ​ണ്ടു​ള്ള പ​ഠ​നാ​ന്ത​രീ​ക്ഷം വി​ദ്യാ​ല​യ​ങ്ങ​ളി​ൽ സൃ​ഷ്ടി​ക്കാ​ൻ ന​മ്മു​ടെ പൊ​തു വി​ദ്യാ​ല​യ​ങ്ങ​ൾ​ക്ക് ക​ഴി​യും. കി​ട​പ്പി​ലാ​യ കു​ട്ടി​ക​ൾ​ക്ക് വി​ദ്യാ​ല​യാ​നു​ഭ​വ​ങ്ങ​ൾ ല​ഭ്യ​മാ​ക്കു​ക എ​ന്ന ല​ക്ഷ്യ​ത്തോ​ടെ കോ​ഴി​ക്കോ​ട് കാ​ര​പ്പ​റ​മ്പ് ഗ​വ. ഹ​യ​ർ​സെ​ക്ക​ൻ​ഡ​റി സ്കൂ​ളി​ലും പ​ന്നൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലും സ​മ​ഗ്ര ശി​ക്ഷ ആ​രം​ഭി​ച്ച സ്​​പെ​യ്സ് (SPACE) സെ​ന്റ​ർ പ്ര​വേ​ശ​നോ​ത്സ​വ ദി​ന​ത്തി​ൽ മ​നോ​ഹ​ര കാ​ഴ്ച​യാ​കും.

ഭി​ന്ന​ശേ​ഷി സൗ​ഹൃ​ദ വി​ദ്യാ​ല​യം

കോ​ഴി​ക്കോ​ട് ജി​ല്ല​യി​ലെ മു​ഴു​വ​ൻ വി​ദ്യാ​ല​യ​ങ്ങ​ളി​ലെ​യും തി​ര​ഞ്ഞെ​ടു​ക്ക​പ്പെ​ട്ട അ​ധ്യാ​പ​ക​രെ വി​ദ്യാ​ല​യ​ത്തി​ലെ നോ​ഡ​ൽ ടീ​ച്ച​റാ​ക്കി പ​രി​ശീ​ല​നം ന​ൽ​കി​ക്ക​ഴി​ഞ്ഞു. ഇ​താ​ക​ട്ടെ, ഭി​ന്ന​ശേ​ഷി സൗ​ഹൃ​ദ​മാ​യ വി​ദ്യാ​ല​യാ​ന്ത​രീ​ക്ഷം ഒ​രു​ക്കു​ന്ന​തി​ന്‍റെ ഭാ​ഗ​മാ​ണ്. ജി​ല്ല​യി​ൽ 15 ബി.​ആ​ർ.​സി​ക​ൾ​ക്കു കീ​ഴി​ലാ​യി പ്ര​വ​ർ​ത്തി​ക്കു​ന്ന 16 ഓ​ട്ടി​സം സെ​ന്‍റ​റു​ക​ളി​ൽ ഓ​ട്ടി​സം സ്പെ​ക്ട്രം ഡി​സോ​ഡ​റി​ൽ സ്പെ​ഷ​ലൈ​സേ​ഷ​നു​ള്ള സ്പെ​ഷ​ൽ എ​ജു​ക്കേ​റ്റ​ർ​മാ​രു​ണ്ട്. കു​ട്ടി​ക​ൾ​ക്കാ​വ​ശ്യ​മു​ള്ള ഫി​സി​യോ​തെ​റ​പ്പി, സ്പീ​ച്ച് തെ​റ​പ്പി, വ്യ​ക്തി​ഗ​ത പ​രി​ശീ​ല​നം, ഗ്രൂ​പ്പ് പ​രി​ശീ​ല​നം എ​ന്നി​വ ന​ൽ​കി​വ​രു​ന്നു. കൂ​ടാ​തെ ഒ​ക്യു​പേ​ഷ​ന​ൽ തെ​റ​പ്പി​യും പ​ല സെ​ന്റ​റു​ക​ളി​ലും ആ​രം​ഭി​ച്ചു​ക​ഴി​ഞ്ഞു.

ഓ​ട്ടി​സ​മു​ള്ള കു​ട്ടി​ക​ളു​ടെ പ്ര​ത്യേ​ക ക​ഴി​വു​ക​ൾ ക​ണ്ടെ​ത്താ​നും പ്രോ​ത്സാ​ഹി​പ്പി​ക്കാ​നും സെ​ന്റ​റു​ക​ൾ വ​ഴി ഒ​രു​ക്കു​ക​യാ​ണ്. ഇ​തി​നാ​യി ഓ​ട്ടി​സം സെ​ന്റ​ർ സ​പ്പോ​ർ​ട്ടി​ങ് ക​മ്മി​റ്റി​യും രൂ​പ​വ​ത്ക​രി​ച്ചു​ക​ഴി​ഞ്ഞു. ഇ​ത്, കോ​ഴി​ക്കോ​ട് ജി​ല്ല​യി​ൽ മാ​ത്ര​മ​ല്ല, സം​സ്ഥാ​ന​ത്തെ 14 ജി​ല്ല​ക​ളി​ലും ഏ​റെ ജാ​ഗ്ര​ത​യോ​ടെ ന​ട​ത്തി​വ​രു​ന്ന പ്ര​വ​ർ​ത്ത​ന​മാ​ണ്. ഇ​ത്ത​രം പ്ര​വ​ർ​ത്ത​നം വ​ഴി പൊ​തു വി​ദ്യാ​ല​യ​ത്തി​ലെ​ത്തു​ന്ന കു​ട്ടി​ക​ൾ​ക്ക് അ​വ​ർ, അ​റി​യാ​തെ ല​ഭി​ക്കു​ന്ന സാ​മൂ​ഹി​ക​പാ​ഠം വ​ള​രെ വ​ലു​താ​ണ്. അ​ക്ഷ​രാ​ർ​ഥ​ത്തി​ൽ എ​ല്ലാ​വ​രെ​യും ചേ​ർ​ത്തു​പി​ടി​ക്കാ​നും ഉ​ൾ​ക്കൊ​ള്ളാ​നു​മു​ള്ള ക​ഴി​വ് ആ​ർ​ജി​ക്കു​ക​യാ​ണി​വി​ടെ.

(ലേഖിക- ​ഇൻ​ക്ലൂ​സി​വ് എ​ജു​ക്കേ​ഷ​ൻ വി​ഭാ​ഗം ജി​ല്ല പ്രോ​ഗ്രാം ഓ​ഫി​സ​ർ, എ​സ്.​എ​സ്.​കെ കോ​ഴി​ക്കോ​ട്)

ത​യാ​റാ​ക്കി​യ​ത്: അ​നൂ​പ് അ​ന​ന്ത​ൻ