Top
Begin typing your search above and press return to search.
exit_to_app
exit_to_app
Homechevron_rightEducationchevron_rightപ്ലസ്​ വൺ...

പ്ലസ്​ വൺ പ്രവേശനത്തിന്​ 4.76 ലക്ഷം അപേക്ഷകൾ

text_fields
bookmark_border
പ്ലസ്​ വൺ പ്രവേശനത്തിന്​ 4.76 ലക്ഷം അപേക്ഷകൾ
cancel

തിരുവനന്തപുരം: ഇൗ വർഷത്തെ പ്ലസ്​ വൺ പ്രവേശനത്തിന്​ 4,76,390 അപേക്ഷകൾ. ഒാൺലൈൻ അപേക്ഷ സമർപ്പണം ചൊവ്വാഴ്​ച വൈകുന്നേരം അഞ്ചിന്​ പൂർത്തിയായി. കഴിഞ്ഞവർഷം 4.85 ലക്ഷം അപേക്ഷകരുണ്ടായിരുന്നു.

അപേക്ഷകരിൽ 4,20,139 പേരാണ്​ കാൻഡിഡേറ്റ്​ ലോഗിൻ സൃഷ്​ടിച്ചത്​. കാൻഡിഡേറ്റ്​ ലോഗിൻ സൃഷ്​ടിക്കാൻ അവശേഷിക്കുന്നത് 56,251 പേർ​​. കാൻഡിഡേറ്റ്​ ലോഗിൻ ചെയ്യാൻ സെപ്​റ്റംബർ നാലിന്​ വൈകുന്നേരം​ അഞ്ചുവരെ സമയമുണ്ട്​. അപേക്ഷയിൽ മാറ്റം വരുത്താനോ പുതിയ അപേക്ഷ സമർപ്പിക്കാനോ ഇൗ ഘട്ടത്തിൽ സാധിക്കില്ല.

കൂടുതൽ അപേക്ഷകർ മലപ്പുറം ജില്ലയിലാണ് -80,890 പേർ. ആകെയുള്ള 47,63,90 അപേക്ഷകരിൽ 4,21,895 പേർ എസ്​.എസ്​.എൽ.സിയും 39,335 പേർ സി.ബി.എസ്​.ഇ പത്താംതരം പരീക്ഷയും 3,887 പേർ ​െഎ.സി.എസ്​.ഇ പരീക്ഷയും വിജയിച്ചവരാണ്​. 11,273 പേർ മറ്റ്​ തത്തുല്യപരീക്ഷകൾ വിജയിച്ചവരാണ്​.

ട്രയൽ അലോട്ട്​മെൻറ്​ സെപ്​റ്റംബർ അഞ്ചിനാണ്​. ആദ്യ അലോട്ട്​മെൻറ്​ സെപ്​റ്റംബർ 14നും മുഖ്യ അലോട്ട്​മെൻറ്​ ഒക്​ടോബർ ആറിനും അവസാനിക്കും. ഒക്​ടോബർ ഒമ്പത്​ മുതൽ 31 വരെയാണ്​ സപ്ലിമെൻററി അലോട്ട്​മെൻറ്​. ഒക്​ടോബർ 31ന്​ പ്രവേശനം അവസാനിപ്പിക്കും.

Show Full Article
TAGS:plus one plus one admission school admission 
Next Story