നാലുവര്‍ഷ ബിരുദ പ്രോഗ്രാം: അധ്യാപക പരിശീലന പരിപാടി ആരംഭിച്ചു

തിരുവനന്തപുരം: സംസ്ഥാനത്തെ സർവകലാശാലകളില്‍ 2023-24 അധ്യയന വര്‍ഷം മുതല്‍ നടപ്പാക്കുന്ന നാലുവര്‍ഷ ബിരുദ പ്രോഗ്രാമുമായി ബന്ധപ്പെട്ട് സംസ്ഥാന ഉന്നത വിദ്യാഭ്യാസ കൗണ്‍സില്‍ ജില്ലാതല അധ്യാപക പരിശീലന പരിപാടികള്‍ക്ക് തുടക്കം കുറിച്ചു. കളമശ്ശേരി രാജഗിരി കോളജ് ഓഫ് സോഷ്യല്‍ സയന്‍സസില്‍ നടന്ന എറണാകുളം ജില്ലയിലെ വിവിധ കോളജുകള്‍ക്കുള്ള അധ്യാപക പരിശീലന പരിപാടി ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാന്‍ പ്രഫ. രാജന്‍ ഗുരുക്കള്‍ ഉദ്ഘാടനം ചെയ്തു.

കോളജ് പ്രിന്‍സിപ്പല്‍ റവ. എം.ഡി സാജു അധ്യക്ഷത വഹിച്ചു. കൗണ്‍സില്‍ മെമ്പര്‍ സെക്രട്ടറി ഡോ. രാജന്‍ വർഗീസ് മുഖ്യപ്രഭാഷണം നടത്തി. വിവിധ സെഷനുകള്‍ക്ക് റിസര്‍ച്ച് ഓഫിസര്‍മാരായ ഡോ. മനുലാല്‍ പി. റാം, ഡോ. ഉത്തര സോമന്‍, ശ്രീമതി, ടിഞ്ചു പി. ജെയിംസ്, ഡോ. വി. ഷഫീക്ക്, ഡോ. കെ. സുധീന്ദ്രന്‍ എന്നിവര്‍ നേതൃത്വം നല്‍കി.