ഒ.എം.ആർ ഷീറ്റിൽ അപാകം; കൈപൊള്ളി പി.എസ്.സി

തി​രു​വ​ന​ന്ത​പു​രം: വി​വി​ധ പ​രീ​ക്ഷ​ക​ൾ​ക്കാ​യി ഉ​ദ്യോ​ഗാ​ർ​ഥി​ക​ൾ​ക്ക് പി.​എ​സ്.​സി വി​ത​ര​ണം ചെ​യ്ത​ത് അ​പാ​കം നി​റ​ഞ്ഞ ഒ.​എം.​ആ​ർ ഷീ​റ്റു​ക​ൾ. മൂ​ല്യ​നി​ർ​ണ​യം ത​ല​വേ​ദ​ന​യാ​യ​തോ​ടെ, അ​ച്ച​ടി​ച്ചു​ന​ൽ​കി​യ 1.50 ല​ക്ഷം ഷീ​റ്റ്​ തി​രി​കെ​യെ​ടു​ക്ക​ണ​മെ​ന്നും ഇ​നി​യൊ​ര​റി​യി​പ്പു​ണ്ടാ​കു​ന്ന​തു വ​രെ അ​ച്ച​ടി നി​ർ​ത്തി​വെ​ക്കാ​നും അ​ച്ച​ടി വ​കു​പ്പ് ഡ‍യ​റ​ക്ട​ർ​ക്ക് പി.​എ​സ്.​സി സെ​ക്ര​ട്ട​റി നി​ർ​ദേ​ശം ന​ൽ​കി.

ര​ഹ​സ്യാ​ത്മ​ക സ്വ​ഭാ​വം നി​ല​നി​ർ​ത്താ​ൻ 2020 വ​രെ ഹൈ​ദ​രാ​ബാ​ദി​ലെ​യും ഡ​ൽ​ഹ‍ി​യി​ലെ​യും വി​വി​ധ ക​മ്പ​നി​ക​ളി​ൽ നി​ന്ന് ഒ.​എം.​ആ​ർ ഷീ​റ്റു​ക​ൾ റ​ണ്ണി​ങ് ടെ​ൻ​ഡ​ർ മു​ഖേ​ന​യാ​ണ് പി.​എ​സ്.​സി വാ​ങ്ങി​യി​രു​ന്ന​ത്. എ​ന്നാ​ൽ, ഗു​ണ​നി​ല​വാ​രം മോ​ശ​മാ​യ​തി​നെ തു​ട​ർ​ന്ന് 2019ൽ ​കെ.​എ.​എ​സ് പ്രാ​ഥ​മി​ക പ​രീ​ക്ഷ​യു​ടേ​ത​ട​ക്കം അ​ര ല​ക്ഷ​ത്തോ​ളം ഉ​ത്ത​ര​ക്ക​ട​ലാ​സ്​ സ്കാ​ൻ ചെ​യ്യാ​ൻ ക​ഴി​യാ​തെ, മെ​ഷീ​നു​ക​ൾ കൂ​ട്ട​ത്തോ​ടെ പു​റം​ത​ള്ളി​യി​രു​ന്നു.

ഇ​തോ​ടെ​യാ​ണ് ച​രി​ത്ര​ത്തി​ലാ​ദ്യ​മാ​യി ഒ.​എം.​ആ​ർ ഷീ​റ്റ്​ അ​ച്ച​ടി കേ​ര​ള​ത്തി​ലെ സ​ർ​ക്കാ​ർ പ്ര​സി​ലേ​ക്ക് മാ​റ്റാ​ൻ പി.​എ​സ്.​സി തീ​രു​മാ​നി​ച്ച​ത്. ഒ​ന്ന​ര മു​ത​ൽ ര​ണ്ടു രൂ​പ വ​രെ നി​ര​ക്കി​ൽ 75 ജി.​എ​സ്.​എം പേ​പ്പ​റി​ൽ 27 ല​ക്ഷ​ത്തോ​ളം ഒ.​എം.​ആ​ർ ഷീ​റ്റു​ക​ളാ​ണ് പ്ര​തി​വ​ർ​ഷം തി​രു​വ​ന​ന്ത​പു​ര​ത്തെ ഗ​വ. സെ​ൻ​ട്ര​ൽ പ്ര​സി​ൽ നി​ന്ന് അ​ച്ച​ടി​ച്ച് ന​ൽ​കി​യ​ത്.

ഇ​ത്ത​വ​ണ ന​ൽ​കി​യ 317 A, 318 A കോ​ഡി​ലു​ള്ള ഒ.​എം.​ആ​ർ ഷീ​റ്റു​ക​ളി​ലാ​ണ് അ​പാ​കം ക​ണ്ടെ​ത്തി​യ​ത്. ഈ ​ര​ണ്ട് കോ​ഡി​ലു​ള്ള ഷീ​റ്റു​ക​ളും മൂ​ല്യ​നി​ർ​ണ​യ സ​മ​യ​ത്തും മെ​ഷീ​നി​ൽ ട്ര​യ​ൽ റ​ൺ ന​ട​ത്തി​യ​പ്പോ​ഴും പ​രീ​ക്ഷ​ക​ൾ​ക്ക് ഉ​പ​യോ​ഗി​ക്കാ​ൻ ക​ഴി​യാ​ത്ത ത​ര​ത്തി​ലാ​യി​രു​ന്നെ​ന്ന് പി.​എ​സ്.​സി അ​ധി​കൃ​ത​ർ ‘മാ​ധ്യ​മ’​ത്തോ​ട് പ​റ​ഞ്ഞു. ഫെ​ബ്രു​വ​രി 21ന് ​പി.​എ​സ്.​സി​ക്ക് കൈ​മാ​റി​യ 318 A കോ​ഡി​ലു​ള്ള ഒന്നര ല​ക്ഷം ഷീ​റ്റ്​ തി​രി​കെ​യെ​ടു​ക്ക​ണ​മെ​ന്നും ഇ​നി​യൊ​ര​റി​യി​പ്പു​ണ്ടാ​കു​ന്ന​തു വ​രെ ഒ.​എം.​ആ​ർ ഷീ​റ്റ്​ അ​ച്ച​ടി നി​ർ​ത്തി​വെ​ക്ക​ണ​മെ​ന്നു​മാ​ണ് നി​ർ​ദേ​ശം.

സ്കാ​ൻ ചെ​യ്യാ​ൻ ക​ഴി​യാ​ത്ത ഉ​ത്ത​ര​ക്ക​ട​ലാ​സു​ക​ൾ പി.​എ​സ്.​സി​യി​ലെ ജീ​വ​ന​ക്കാ​രെ​ക്കൊ​ണ്ട് മൂ​ല്യ​നി​ർ​ണ​യം ന​ട​ത്തു​ക​യാ​ണ് പ​തി​വ്. കെ.​എ.​എ​സി​ൽ ഇ​ത്ത​ര​ത്തി​ൽ ഒ.​എം.​ആ​ർ ഷീ​റ്റു​ക​ൾ ഉ​ദ്യോ​ഗ​സ്ഥ​രെ​ക്കൊ​ണ്ട് നേ​രി​ട്ട് പ​രി​ശോ​ധി​പ്പി​ച്ച​ത്​ വി​വാ​ദ​മാ​യി​രു​ന്നു. അ​തു​കൊ​ണ്ട് ഇ​ത്ത​വ​ണ ഏ​തൊ​ക്കെ പ​രീ​ക്ഷ​ക്കാ​ണ് അ​പാ​കം നി​റ​ഞ്ഞ ഒ.​എം.​ആ​ർ ഷീ​റ്റ്​ വി​ത​ര​ണം ചെ​യ്ത​തെ​ന്ന വി​വ​രം പി.​എ​സ്.​സി അ​തി ര​ഹ​സ്യ​മാ​യി സൂ​ക്ഷി​ക്കു​ക​യാ​ണ്.