ഒാണപ്പരീക്ഷയില്ല; ഒക്​ടോബറിൽ ക്ലാസ്​ പരീക്ഷ

തിരുവനന്തപുരം: പ്രളയത്തി​​െൻറ പശ്​ചാതലത്തിൽ സ്​കൂളുകളിൽ ഇത്തവണ പാദവാർഷിക പരീക്ഷ (ഒാണപ്പരീക്ഷ) വേണ്ടതില്ലെന്ന്​ ക്യു.​െഎ.പി യോഗം ശിപാർശ ചെയ്​തു. പകരം ഡിസംബർ 13 മുതൽ 20വരെ അർധവാർഷിക പരീക്ഷ (ക്രിസ്​മസ്​ പരീക്ഷ) നടത്തും. എന്നാൽ ഒക്​ടോബർ 15നകം സ്​കൂളുകളിൽ ക്ലാസ്​ പരീക്ഷ നടത്താൻ തീരുമാനിച്ചു. പാദവാർഷിക പരീക്ഷക്കായി അച്ചടിച്ച ചോദ്യപേപ്പറുകൾ ഇതിനായി ഉപയോഗിക്കേണ്ടതില്ലെന്നും തീരുമാനിച്ചു.

എന്നാൽ ഇവ പഠനാവശ്യാർഥം വിശകലനത്തിന്​ വിധേയമാക്കാം. പകരം സ്​കൂൾതലത്തിൽ ചോദ്യപേപ്പർ തയാറാക്കിയായിരിക്കും ക്ലാസ്​ പരീക്ഷ നടത്തുക. എട്ട്​ കോടിയോളം രൂപ ചെലവഴിച്ച്​ പാദവാർഷിക പരീക്ഷക്കായി തയറാക്കിയ ചോദ്യപേപ്പറുകൾ ഇതോടെ പാഴാകും. അച്ചടിച്ച ചോദ്യപേപ്പറുകൾ ഉപയോഗിച്ച്​ ക്ലാസ്​ പരീക്ഷ നടത്തണമെന്ന്​ കെ.പി.എസ്​.ടി.എ പ്രസിഡൻറ്​ പി. ഹരിഗോവിന്ദനും കെ.എസ്​.ടി.യു പ്രസിഡൻറ്​ എ.കെ സൈനുദ്ധീനും ക്യു.​െഎ.പി യോഗത്തിൽ ആവശ്യപ്പെട്ടു. എസ്​.എസ്​.എൽ.സി, ഹയർസെക്കൻഡറി, വി.എച്ച്​.എസ്​.സി പരീക്ഷാതിയതികളിൽ മാറ്റമില്ല.

പരീക്ഷകൾ മാർച്ച്​ 13 മുതൽ 27വരെയായി നടത്തും. സ്​കൂൾ വാർഷിക പരീക്ഷകൾ മുൻനിശ്​ചയപ്രകാരം മാർച്ച്​ 15, 16, 22, 23, 28, 29 തീയതികളിലായിരിക്കും. യോഗത്തിൽ പൊതുവിദ്യാഭ്യാസ സെക്രട്ടറി എ. ഷാജഹാൻ, ഡയറക്​ടർ കെ.വി മോഹൻകുമാർ, ഹയർസെക്കൻഡറി ഡയറക്​ടർ പി.കെ സുധീർബാബു, വി.എച്ച്​.എസ്​.ഇ ഡയറക്​ടർ ഡോ. ഫാറൂഖ്​, എസ്​.സി.ഇ.ആർ.ടി ഡയറക്​ടർ ഡോ. ജെ. പ്രസാദ്​, കൈറ്റ്​സ്​ എക്​സി. ഡയറക്​ടർ അൻവർസാദത്ത്​, എസ്​.​െഎ.ഇ.ടി ഡയറക്​ടർ അബുരാജ്​, അധ്യാപക സംഘടനാ പ്രതിനിധികളായ കെ.സി ഹരികൃഷ്​ണൻ, എൻ. ശ്രീകുമാർ, പി.എസ്​. ഗോപകുമാർ, എം. തമീമുദ്ധീൻ, റോയ്​ ജോസഫ്​ തുടങ്ങിയവരും പ​െങ്കടുത്തു.