നീറ്റ്​ 2020; പരീക്ഷ ​സെപ്​റ്റംബർ 13ന്​, പരീക്ഷകേന്ദ്രം ഏതു നഗരത്തിലെന്ന്​ അറിയാം

ന്യൂഡൽഹി: നാഷനൽ ടെസ്​റ്റിങ്​ ഏജൻസി നടത്തുന്ന മെഡിക്കൽ കോഴ്​സുകളിലേക്കുള്ള പ്രവേശന പരീക്ഷയായ നാഷനൽ എലിജിബിലിറ്റി കം എൻട്രൻസ്​ ടെസ്​റ്റ്​​ (നീറ്റ്​) പരീക്ഷ കേന്ദ്രം ഏതു നഗരത്തിലാണെന്ന്​ അറിയാം. സെപ്​റ്റംബർ 13ന്​ ഉച്ച രണ്ടുമുതൽ വൈകിട്ട്​ അഞ്ചുവരെയാണ്​ പരീക്ഷ.

പരീക്ഷാർഥികൾക്ക്​ എൻ.ടി.എയുടെ ഔദ്യോഗിക വെബ്​സൈറ്റിലുടെ പരീക്ഷകേന്ദ്രം ഏതു നഗരത്തിലാണെന്ന്​ അറിയാനാകും. നീറ്റ്​ അഡ്​മിറ്റ്​ കാർഡുകൾ ഉടൻതന്നെ ലഭ്യമാകുമെന്നും അറിയിച്ചു. വിദ്യാർഥികൾക്ക്​ www.nta.ac.in, www.ntaneet.nic.in എന്നീ വെബ്​സൈറ്റുകളിലൂടെ നീറ്റ്​ സംബന്ധിച്ച വിവരങ്ങൾ ലഭ്യമാകും.