നാഷനൽ എക്സിറ്റ് പരീക്ഷ (നെക്സ്റ്റ്) അടുത്ത വർഷം

ന്യൂ​ഡ​ൽ​ഹി: നാ​ഷ​ന​ൽ എ​ക്സി​റ്റ് പ​രീ​ക്ഷ (നെ​ക്സ്റ്റ്) 2024ൽ ​ന​ട​ക്കു​മെ​ന്ന് ഔ​ദ്യോ​ഗി​ക വൃ​ത്ത​ങ്ങ​ൾ അ​റി​യി​ച്ചു. അ​വ​സാ​ന വ​ർ​ഷ എം.​ബി.​ബി.​എ​സ് പ​രീ​ക്ഷ​ക്കും പോ​സ്റ്റ് ഗ്രാ​ജ്വേ​റ്റ് കോ​ഴ്സു​ക​ൾ​ക്കു​ള്ള പ്ര​വേ​ശ​ന പ​രീ​ക്ഷ​ക്കും ഡോ​ക്ട​ർ​മാ​ർ​ക്കു​ള്ള ലൈ​സ​ൻ​സി​നും ഇ​ന്ത്യ​യി​ൽ പ്രാ​ക്ടീ​സ് ചെ​യ്യാ​ൻ ആ​ഗ്ര​ഹി​ക്കു​ന്ന വി​ദേ​ശ മെ​ഡി​ക്ക​ൽ ബി​രു​ദ വി​ദ്യാ​ർ​ഥി​ക​ൾ​ക്കു​ള്ള സ്ക്രീ​നി​ങ് ടെ​സ്റ്റി​നും പ​ക​ര​മാ​യു​ള്ള പൊ​തു പ​രീ​ക്ഷ​യാ​ണ് നെ​ക്സ്റ്റ്.

നാ​ഷ​ന​ൽ ബോ​ർ​ഡ് ഓ​ഫ് എ​ക്സാ​മി​നേ​ഷ​ൻ​സ് ഇ​ൻ മെ​ഡി​ക്ക​ൽ സ​യ​ൻ​സ​സി​ന് (എ​ൻ.​ബി.​ഇ.​എം.​എ​സ്) പ​ക​രം ന്യൂ​ഡ​ൽ​ഹി​യി​ലെ ‘എ​യിം​സ്’ ആ​യി​രി​ക്കും പ​രീ​ക്ഷ ന​ട​ത്തു​ക. എ​ന്നാ​ൽ, ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മാ​യി​ട്ടി​ല്ല. ഇ​ന്ത്യ​യി​ലു​ള്ള​വ​ർ​ക്കും വി​ദേ​ശ​ത്ത് പ​ഠി​ച്ച​വ​ർ​ക്കും പൊ​തു​വാ​യു​ള്ള പ​രീ​ക്ഷ​യാ​യ​തി​നാ​ൽ അം​ഗീ​കാ​രം സം​ബ​ന്ധി​ച്ച പ്ര​ശ്ന​ങ്ങ​ൾ​ക്ക് ഇ​തോ​ടെ പ​രി​ഹാ​ര​മാ​കും. നി​ല​വി​ൽ, അ​വ​സാ​ന വ​ർ​ഷ എം.​ബി.​ബി.​എ​സ് പ​രീ​ക്ഷ​ക​ൾ അ​ത​ത് കോ​ള​ജു​ക​ളാ​ണ് ന​ട​ത്തു​ന്ന​ത്.

നീ​റ്റ് പി.​ജി, എ​ഫ്.​എം.​ജി.​ഇ എ​ന്നി​വ എ​ൻ.​ബി.​ഇ ആ​ണ് ന​ട​ത്തു​ന്ന​ത്. 2020ലാ​ണ് നെ​ക്സ്റ്റ് പ​രീ​ക്ഷ സം​ബ​ന്ധി​ച്ച നി​യ​മം വ​ന്ന​ത്. നി​യ​മം നി​ല​വി​ൽ​വ​ന്ന് മൂ​ന്നു​വ​ർ​ഷ​ത്തി​ന​കം നെ​ക്സ്റ്റ് ന​ട​പ്പാ​ക്കേ​ണ്ട​താ​യി​രു​ന്നു. എ​ന്നാ​ൽ, ക​ഴി​ഞ്ഞ വ​ർ​ഷം സ​ർ​ക്കാ​ർ സ​മ​യ​പ​രി​ധി നീ​ട്ടി ന​ൽ​കു​ക​യാ​യി​രു​ന്നു. പ​രീ​ക്ഷ​യു​ടെ സി​ല​ബ​സ്, രീ​തി തു​ട​ങ്ങി​യ കാ​ര്യ​ങ്ങ​ൾ തീ​രു​മാ​നി​ക്കേ​ണ്ട​തു​ണ്ട്.