കുട്ടികൾക്ക്​ ആത്മവിശ്വാസം പകരുക; രക്ഷാകർത്താക്കളോട് അഭ്യർഥനയുമായി പൊതുവിദ്യാഭ്യാസ​ ഡയറക്​ടർ - video

തിരുവനന്തപുരം: പരീക്ഷ എഴുതുന്ന വിദ്യാർഥികൾക്ക്​ പിന്തുണയും ആത്മവിശ്വാസവും പകരാൻ രക്ഷാകർത്താക്കളോട്​ അഭ്യർഥിച്ച്​ പൊതുവിദ്യാഭ്യാസ ഡയറക്​ടർ. രക്ഷാകർത്താക്കളോട്​ എന്ന പേരിൽ പ്രത്യേകം സർക്കുലർ ഇറക്കിയാണ്​ അഭ്യർഥന. സർക്കുലറിലെ പ്രധാന നിർദേശങ്ങൾ:

* പരീക്ഷ എഴുതുന്ന കുട്ടികളുടെ എല്ലാ സുരക്ഷിതത്വവും വിദ്യാഭ്യാസ വകുപ്പ്​ ഉറപ്പാക്കിയിട്ടുണ്ട്​
* കുട്ടികളിൽ ആശങ്കയുണ്ടാക്കി ആത്മവിശ്വാസം നഷ്​​ടപ്പെടുത്തരുത്​
* പഠനത്തിലും പരീക്ഷയിലും ശ്രദ്ധകേന്ദ്രീകരിക്കാൻ അവർക്ക്​ ആത്മവിശ്വാസം പകരണം

* നിർദേശങ്ങൾ കൃത്യമായി പാലിക്കേണ്ടതി​​​െൻറ പ്രാധാന്യം അവരെ ബോധ്യപ്പെടുത്തണം
* ഇടവേളക്കുശേഷം കൂട്ടുകാരെ കാണുന്ന ആഹ്ലാദത്തിൽ അവരുമായി അടുത്തിടപഴകുന്നത്​ ഒഴിവാക്കാൻ പറയണം
* മാസ്​ക്​ ധരിക്കാൻ പരിശീലിപ്പിക്കുക, പരീക്ഷ കഴിഞ്ഞ്​ വീട്ടിലെത്തും വരെ മാസ്​ക്​ ധരിക്കണമെന്ന്​ നിർദേശം നൽകുക

* അധ്യാപകരുടെ നിർദേശം പാലിക്കണമെന്ന്​ പറയുക
* പരീക്ഷ തുടങ്ങുന്നതിന്​ അരമണിക്കൂർ മുമ്പ്​ കുട്ടികളെ സ്​കൂളിലെത്തിക്കുക
* പരീക്ഷ കഴിഞ്ഞാൽ ഒരിടത്തും ചുറ്റിത്തിരിയാതെ അവർ വീട്ടിലെത്തുന്നെന്ന്​ ഉറപ്പാക്കുക
*  കൂടെച്ചെല്ലുന്ന രക്ഷാകർത്താക്കൾ മറ്റുള്ളവരിൽനിന്ന്​ ശാരീരിക അകലം പാലിക്കുക

* സ്​കൂളിൽ ലഭ്യമാണെങ്കിലും കുടിവെള്ളം കൊടുത്തയക്കുന്നതാണ്​ ഉചിതം
* പരീക്ഷ എഴുതാനാവശ്യമായ എല്ലാ സാമഗ്രികളും കൊണ്ടുപോകുന്നെന്ന്​ ഉറപ്പാക്കണം
* വീട്ടിൽ തിരിച്ചെത്തിയാൽ ​ഉടൻ സോപ്പ്​ ഉപയോഗിച്ച്​ കുളിച്ചശേഷം മാത്രം കുടുംബവുമായി ഇടപഴകാൻ അനുവദിക്കുക

* സ്വന്തം സുരക്ഷിതത്വവുമായി ബന്ധപ്പെട്ട്​ പാലിക്കേണ്ട കാര്യങ്ങളാണ്​ ഇവയെന്ന്​ കുട്ടികളെ ബോധ്യപ്പെടുത്തുക
* കുട്ടികളിൽ സംഭവിക്കുന്ന ചെറിയ അശ്രദ്ധയുടെ പേരിൽ അവരെ ഭയപ്പെടുത്താതിരിക്കുക
* അശ്രദ്ധ സംഭവിച്ചെങ്കിൽ വരുംദിവസങ്ങളിൽ ആവർത്തിക്കാതിരിക്കാൻ അവരെ പ്രാപ്​തരാക്കുക.