സ്കൂൾ അർധ വാർഷിക പരീക്ഷ ഡിസംബർ 12 മുതൽ

തിരുവനന്തപുരം: സ്കൂൾ അർധവാർഷിക പരീക്ഷ ഡിസംബർ 12 മുതൽ 22 വരെ നടത്താൻ പൊതുവിദ്യാഭ്യാസ ഡയറക്ടറുടെ അധ്യക്ഷതയിൽ ചേർന്ന ഗുണനിലവാര മേൽനോട്ട സമിതി (ക്യു.ഐ.പി) യോഗം തീരുമാനിച്ചു. ഒന്നും രണ്ടും വർഷ ഹയർസെക്കൻഡറിക്കാരുടെ അർധവാർഷിക പരീക്ഷയാണ്​ 12നു​ തുടങ്ങുക.

ഒന്നു​ മുതൽ 10 വരെ ക്ലാസുകൾക്ക്​ 13നാണ്​ പരീക്ഷ തുടങ്ങുക. ക്രിസ്​മസ്​ അവധിക്കായി 22ന്​ സ്കൂളുകൾ അടക്കും. ജനുവരി ഒന്നിന്​ സ്കൂളുകൾ തുറക്കും.