പി.എസ്.സി പരീക്ഷകൾക്ക് മാറ്റം; പുതുക്കിയ തീയതി അറിയാം

തിരുവനന്തപുരം: സംസ്ഥാനത്തെ കോവിഡ് നിയന്ത്രണങ്ങളുടെ ഭാഗമായി ജനുവരി 23, 30 തീയതികളിലായി നടത്താൻ നിശ്ചയിച്ചിരുന്ന പി.എസ്.സി പരീക്ഷകൾ മാറ്റി് വാരാന്ത്യ നിയന്ത്രണങ്ങളെ തുടർന്നാണ് മാറ്റം.

പുതുക്കിയ പരീക്ഷ തീയതികൾ

1. കാറ്റഗറി നമ്പർ 003/2019 മെഡിക്കൽ എജൂക്കേഷൻ സർവിസസ് റിസപ്ഷനിസ്റ്റ് പരീക്ഷ ജനുവരി 27 വ്യാഴാഴ്ച നടക്കും. ഉച്ച 2.30 മുതൽ 4.15 വരെയാണ് പരീക്ഷ

2. കാറ്റഗറി നമ്പർ 101/2019, 144/2021, 359/2020, 528/2019, 198/2021, 199/2021, 200/2021, 338/2020, 099/2019, 394/2020 എന്നിവയിലെ വിവിധ വകുപ്പുകളിലെ ലബോറട്ടറി ടെക്നീഷ്യൻ ഗ്രേഡ് 2 പരീക്ഷ ജനുവരി 28 വെള്ളിയാഴ്ച ഉച്ച 2.30 മുതൽ 4.15 വരെ നടക്കും.

3. കാറ്റഗറി നമ്പർ 211/2020 കേരള വാട്ടർ അതോറിറ്റിയിലെ ഓപ്പറേറ്റർ തസ്തിക പരീക്ഷ ഫെബ്രുവരി രണ്ട് വെള്ളിയാഴ്ച ഉച്ച 2.30 മുതൽ 4.15 വരെ നടക്കും.