കർശന സുരക്ഷാ മാനദണ്ഡങ്ങളിൽ എൻജി. പ്രവേശന പരീക്ഷ പൂർത്തിയായി

തിരുവനന്തപുരം: കർശന ആരോഗ്യ സുരക്ഷാ മാനദണ്ഡങ്ങളോടെ എൻജിനീയറിങ്​/ ഫാർമസി പ്രവേശന പരീക്ഷ പൂർത്തിയായി. അപേക്ഷകരിൽ 85 ശതമാനം പേർ പരീക്ഷയെഴുതിയെന്നാണ്​ പ്രാഥമിക കണക്ക്​. എന്നാൽ ഡൽഹി, മുംബൈ കേന്ദ്രങ്ങളിൽ ഹാജർ നില കുറവായിരുന്നു.

ഡൽഹിയിൽ 510 പേർ അപേക്ഷിച്ചതിൽ 376 പേരാണ്​ അഡ്​മിഷൻ ടിക്കറ്റ്​ ഡൗൺലോഡ്​ ചെയ്​തത്​. ഇതിൽ 206 പേർ പരീക്ഷയെഴുതി. മുംബൈയിൽ അപേക്ഷിച്ച 174 പേരിൽ 65 വിദ്യാർഥികളാണ്​ പരീക്ഷയെഴുതിയത്​. ദുബൈ കേന്ദ്രത്തിൽ അപേക്ഷിച്ച 334ൽ 311 പേർ പരീക്ഷക്കെത്തി. മൊത്തം 343 കേന്ദ്രങ്ങളിലായി 110250 പേരാണ്​ പരീക്ഷക്ക്​ അപേക്ഷിച്ചിരുന്നത്​.

കോവിഡ്​ ബാധിച്ച്​ ചികിത്സയിലുള്ള മൂന്ന്​ വിദ്യാർഥികളും പരീക്ഷയെഴുതി. രണ്ടുപേർ ആലപ്പുഴ മെഡിക്കൽ കോളജ്​ ആശുപത്രിയിലും ഒരാൾ പത്തനംതിട്ട ജനറൽ ആശുപത്രിയിലുമാണ്​ പരീക്ഷക്കിരുന്നത്​. വിദ്യാർഥികളും രക്ഷാകർത്താക്കളും ഒന്നി​െച്ചത്തിയതോടെ കൂടുതൽ പേർ പരീക്ഷയെഴുതുന്ന കേന്ദ്രങ്ങളിൽ പലയിടത്തും തിരക്കനുഭവപ്പെട്ടു.

പൊലീസും സാമൂഹിക സന്നദ്ധസേന വളണ്ടിയർമാരും ചേർന്ന്​​ തിരക്കൊഴിവാക്കാൻ ശ്രമം നടത്തി. 336 കേന്ദ്രങ്ങളിൽ വിദ്യാർഥികളുടെ താപനില പരിശോധന, കൈ അണുമുക്തമാക്കൽ തുടങ്ങിയ ജോലി​ നാലായിരത്തോളം സന്നദ്ധസേന വളണ്ടിയർമാരുടെ ചുമതലയായിരുന്നു. ക്വാറൻറീനിൽനിന്നും ഇതര സംസ്​ഥാനങ്ങളിൽനിന്നും എത്തിയ വിദ്യാർഥികൾക്കും പ്രത്യേക മുറിയിലായിരുന്നു പരീക്ഷ.

ഇവർ ഉത്തരം രേഖപ്പെടുത്തിയ ഒ.എം.ആർ ഷീറ്റ്​ പ്രത്യേകം കവറുകളിലാക്കിയാണ്​ മൂല്യനിർണയത്തിനയക്കുന്നത്​. ഇവ ഉൾപ്പെടെ മുഴുവൻ ഉത്തരക്കടലാസുകളുടെയു​ം മൂല്യനിർണയം ആരോഗ്യവകുപ്പി​​െൻറ മാർഗരേഖ പ്രകാരം 14 ദിവസത്തിനുശേഷം മാത്രമായിരിക്കും മൂല്യനിർണയം നടത്തുക. 
തിരുവനന്തപുരത്ത്​ കോവിഡ്​ സൂപ്പർ സ്​പ്രെഡ്​ മേഖലയിൽനിന്നുള്ള 60 വിദ്യാർഥികൾക്ക്​ മാത്രമായി വലിയതുറ സ​െൻറ്​ ആൻറണീസ്​ ഹയർസെക്കൻഡറി സ്​കൂളിൽ പ്രത്യേക പരീക്ഷ കേന്ദ്രം ഒരുക്കിയിരുന്നു. 

ഇവിടെ പരീക്ഷ ഡ്യൂട്ടിക്ക്​ പി.പി.ഇ കിറ്റ്​ ധരിച്ചാണ്​ അധ്യാപകർ ഉൾപ്പെടെയുള്ള മുഴുവൻ ഉദ്യോഗസ്​ഥരും എത്തിയത്​. പത്ത്​ അധ്യാപകരും നാല്​ സന്നദ്ധസേന വളണ്ടിയർമാരും മൂന്ന്​ ആരോഗ്യപ്രവർത്തകരുമാണ്​ ഇൗ കേന്ദ്രത്തിൽ ഡ്യൂട്ടിക്ക്​ നിയോഗിക്കപ്പെട്ടത്​. 14 ദിവസത്തിനുശേഷം ഒ.എം.ആർ ഷീറ്റുകൾ പുറത്തെടുക്കുകയും മൂല്യനിർണയം നടത്തി 10 ദിവസം കൊണ്ട്​ സ്​കോർ പ്രസിദ്ധീകരിക്കാനുമാണ്​ ലക്ഷ്യം.

ഇതിനിടയിൽതന്നെ വിദ്യാർഥികളിൽനിന്ന്​ ഹയർസെക്കൻഡറി പരീക്ഷയിൽ ഫിസിക്​സ്​, കെമിസ്​ട്രി, മാത്​സ്​ വിഷയങ്ങളിൽ ലഭിച്ച മാർക്ക്​ ലഭ്യമാക്കി സമീകരണപ്രക്രിയക്കുശേഷം റാങ്ക്​ പട്ടിക തയാറാക്കും. ആഗസ്​റ്റ്​ മധ്യത്തിൽ റാങ്ക്​ പട്ടിക പ്രസിദ്ധീകരിക്കാനാണ്​ ശ്രമം. പരീക്ഷയിൽ പേപ്പർ ഒന്നിൽ ഫിസിക്​സിലെ ചോദ്യങ്ങൾ കടുപ്പ​േമറിയെന്നാണ്​ വിദ്യാർഥികൾ പറയുന്നത്​.