Begin typing your search above and press return to search.
proflie-avatar
Login
exit_to_app
exit_to_app
Homechevron_rightCareer & Educationchevron_rightExamschevron_rightസി.ബി.എസ്​.ഇ,...

സി.ബി.എസ്​.ഇ, ഐ.സി.എസ്​.ഇ പന്ത്രണ്ടാം ക്ലാസ്​ പരീക്ഷകൾ റദ്ദാക്കി

text_fields
bookmark_border
cbse exam
cancel

ന്യൂഡൽഹി: ​സി.ബി.എസ്​.ഇ 12ാം ക്ലാസ്​ പരീക്ഷകൾ റദ്ദാക്കി. പ്രധാനമന്ത്രി ന​േ​രന്ദ്ര മോദിയുടെ അധ്യക്ഷതയിൽ ചൊവ്വാഴ്​ച നടന്ന ഉന്നതതല യോഗത്തിലാണ്​ തീരുമാനം. േകാവിഡ്​ വ്യാപനം മൂലം മാസങ്ങളോളം അനിശ്ചിതാവസ്​ഥ തുടർന്നതിനൊടുവിലാണ്​ തീരുമാനം. ഐ.സി.എസ്​.ഇ 12ാം ക്ലാസ്​ പരീക്ഷയും റദ്ദാക്കിയതായി ബോർഡ്​ സെക്രട്ടറി ജെറി ആരത്തൂൺ അറിയിച്ചു.

വിദ്യാർഥികളുടെ സുരക്ഷക്കാണ്​ പ്രാധാന്യമെന്നും​ അവരുടെ താൽപര്യം പരിഗണിച്ചാണ്​ പരീക്ഷ റദ്ദാക്കാനുളള തീരുമാനമെന്നും പ്രധാനമന്ത്രി പറഞ്ഞു. രാജ്യം അസാധാരണ ഘട്ടത്തിലൂടെയാണ് കടന്നുപോകുന്നത്. പ്രതിദിന രോഗികളുടെ എണ്ണത്തിൽ കുറവ് രേഖപ്പെടുത്തുന്നുണ്ടെങ്കിലും പല സംസ്ഥാനങ്ങളിലും ലോക്​ഡൗൺ നിലവിലുണ്ട്. വിദ്യാർഥികളെ പരീക്ഷ എഴുതാൻ നിർബന്ധിക്കാനാകില്ല. വിദ്യാർഥികളുടേയും അധ്യാപകരുടേയും മാതാപിതാക്കളുടെയും ആശങ്കകൾക്ക് പരിഹാരം വേണമെന്നും യോഗത്തിൽ​ മോദി വ്യക്തമാക്കി.

പരീക്ഷ കാര്യത്തില്‍ തീരുമാനം എടുക്കാന്‍ മേയ്​ 21, 23 തീയതികളില്‍ കേന്ദ്ര വിദ്യാഭ്യാസ മന്ത്രാലയം വിളിച്ചുചേർത്ത ​യോഗത്തിലും മേയ്​ 23ന് പ്രതിരോധ മന്ത്രി രാജ്‌നാഥ് സിങ്ങി​​െൻറ അധ്യക്ഷതയിൽ നടന്ന യോഗത്തിലും അന്തിമ തീരുമാനം എടുക്കാൻ സാധിച്ചിരുന്നില്ല. തുടർന്ന്​ സംസ്​ഥാനങ്ങളോട്​ നിലപാട്​ എഴുതി അറിയിക്കാൻ ആവശ്യപ്പെട്ടു. തുടർന്ന്​ ജുൺ ഒന്നിന്​ തീരുമാനം പ്രഖ്യാപിക്കാൻ നിശ്ചയിക്കുകയായിരുന്നു.

പരീക്ഷ നടത്തിപ്പുമായി ബന്ധപ്പെട്ട ഹരജികൾ വ്യാഴാഴ്​ച പരിഗണിക്കാനിരിക്കേ, ഉന്നതതല യോഗത്തിലെ തീരുമാനം കേന്ദ്ര സർക്കാർ സുപ്രീംകോടതിയെ അറിയിക്കും. കോവിഡുമായി ബന്ധപ്പെട്ട അസ്വസ്​ഥതകളെ തുടർന്ന്​ എയിംസിൽ പ്രവേശിപ്പിച്ചതിനാൽ വിദ്യാഭ്യാസ മന്ത്രി രമേശ്​ പൊഖ്​റിയാൽ ​ഉന്നതതല യോഗത്തിൽ പ​ങ്കെടുത്തില്ല. പ്രധാനമന്ത്രിയുമായുള്ള ചർച്ചയിൽ ഭൂരിപക്ഷം സംസ്​ഥാനങ്ങളും പരീക്ഷ റദ്ദാക്കുന്നതിനോട്​ യോജിച്ചു. മൂല്യനിർണയത്തിന് കൃത്യമായ മാനദണ്ഡം വേണമെന്നും സി.ബി.എസ്​.ഇ മാനേജ്‌മെൻറുകൾ ആവശ്യപ്പെട്ടു.

ഇനി മൂല്യനിർണയം എങ്ങനെ?

  • പരീക്ഷ റദ്ദാക്കിയ സാഹചര്യത്തിൽ മൂല്യനിർണയത്തിന് സി.ബി.എസ്​.ഇ സമയബന്ധിതമായി മാർഗരേഖ തയാറാക്കും. തുടർന്ന്​ ഫലം പ്രസിദ്ധീകരിക്കും.
  • കഴിഞ്ഞ വർഷത്തെപ്പോലെ പരീക്ഷ എഴുതാൻ താൽപര്യപ്പെടുന്ന വിദ്യാർഥികൾക്ക്​ സാഹചര്യം അനുകൂലമാവുന്ന മുറക്ക്​ അതിനുള്ള അവസരം പിന്നീട്​ നൽകും.
  • ഒമ്പത്​, 10,11 ക്ലാസുകളിലെ മാര്‍ക്ക് പരിഗണിച്ച് മൂല്യനിർണയം നടത്താനാണ്​​ സാധ്യത​.
  • കഴിഞ്ഞ വർഷം മൂന്ന്​ പരീക്ഷ കഴിഞ്ഞതിന്​ പിന്നാലെയാണ്​ ലോക്​ഡൗൺ പ്രഖ്യാപിക്കുന്നത്​.
  • ഇതി​െൻറ മാർക്കും ഇ​േൻറണൽ മാർക്കുകളും പരിഗണിച്ചായിരുന്നു മൂല്യനിർണയം.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cbse examexam cancelled
News Summary - Centre cancels CBSE Class 12 exams
Next Story