സി.ബി.എസ്​.ഇ 10, 12 ക്ലാസുകളിലെ പരീക്ഷകൾ ജൂലൈ ഒന്നുമുതൽ 15 വരെ

17:34 PM
08/05/2020

ന്യൂഡൽഹി: കോവിഡ്​ രോഗബാധയുടെ പശ്ചാത്തലത്തിൽ മാറ്റിവെച്ച സി.ബി.എസ്​.ഇ പരീക്ഷകൾ ജൂലൈ ഒന്നുമുതൽ 15 വരെ നടത്തും. സി.ബി.എസ്​.ഇ 10, 12 ക്ലാസുകളിലെ പരീക്ഷകളാണ്​ നടത്തുകയെന്ന്​ കേന്ദ്രമന്ത്രി രമേശ്​ പൊക്രിയാൽ അറിയിച്ചു. 

ജെ.ഇ.ഇ മെയിൻ പരീക്ഷകൾ നടത്തുന്നതിന്​ മുന്നേ സി.ബി.എസ്​.ഇ പരീക്ഷകൾ തീർക്കാനാണ്​ ശ്രമം. ലോക്​ഡൗണിന്​ ശേഷം സി.ബി.എസ്​.ഇ പരീക്ഷകൾ നടത്തുമെന്ന്​ നേരത്തേ അറിയിച്ചിരുന്നു.

ഡൽഹി കലാപത്തെ തുടർന്ന് പത്താം ക്ലാസ്​​ പരീക്ഷ എഴുതാൻ സാധിക്കാതിരുന്ന വടക്കുകിഴക്കൻ ഡൽഹിയിലെ കുട്ടികൾക്കായി 10ാം ക്ലാസ്​ പരീക്ഷയും നടത്തും. പരീക്ഷ ഫലം ആഗസ്​റ്റിൽ പ്രഖ്യാപിക്കും. 

Loading...
COMMENTS