കാ​ലി​ക്ക​റ്റ് പി.ജി കൂട്ടത്തോല്‍വി: ഫീസില്ലാതെ പുനര്‍മൂല്യനിര്‍ണയത്തിന് അവസരം

കോ​ഴി​ക്കോ​ട്: കാ​ലി​ക്ക​റ്റ് സ​ര്‍വ​ക​ലാ​ശാ​ല​യു​ടെ ഒ​ന്നാം സെ​മ​സ്​​റ്റ​ര്‍ ബി​രു​ദാ​ന​ന്ത​ര ബി​രു​ദ പ​രീ​ക്ഷ​യു​ടെ മൂ​ല്യ​നി​ര്‍ണ​യ​ത്തി​നെ​തി​രാ​യ പ​രാ​തി​യി​ല്‍ ഇ​ട​പെ​ട്ട് അ​ധി​കൃ​ത​ര്‍.

മു​ന്‍ വ​ര്‍ഷ​ങ്ങ​ളി​ലേ​ക്കാ​ള്‍ വി​ജ​യ​ശ​ത​മാ​നം കു​റ​വെ​ന്ന പ​രാ​തി​യി​ല്‍, തോ​റ്റ വി​ദ്യാ​ര്‍ഥി​ക​ളു​ടെ പേ​പ്പ​റു​ക​ള്‍ സൗ​ജ​ന്യ​മാ​യി പു​ന​ര്‍ മൂ​ല്യ​നി​ര്‍ണ​യം ന​ട​ത്തും.

ഒ​രു മാ​സ​ത്തി​ന​കം ഫ​ലം പ്ര​സി​ദ്ധീ​ക​രി​ക്കാ​നാ​ണ് ല​ക്ഷ്യ​മി​ടു​ന്ന​ത്. പു​തി​യ പി.​ജി റ​ഗു​ലേ​ഷ​ന്‍ അ​നു​സ​രി​ച്ച് ന​ട​ന്ന പ​രീ​ക്ഷ​യി​ലാ​ണ് മു​ന്‍ വ​ര്‍ഷ​ത്തേ​ക്കാ​ള്‍ വി​ജ​യം അ​ഞ്ച് മു​ത​ല്‍ 15 ശ​ത​മാ​നം വ​രെ കു​റ​ഞ്ഞ​ത്. മൂ​ല്യ​നി​ര്‍ണ​യ​ത്തി​ല​ട​ക്കം പി​ഴ​വു​ക​ളു​ണ്ടാ​യ​താ​ണ് കൂ​ട്ട​ത്തോ​ല്‍വി​ക്ക് കാ​ര​ണ​മെ​ന്ന് വി​ദ്യാ​ര്‍ഥി​ക​ള്‍ ആ​രോ​പി​ച്ചി​രു​ന്നു.

പു​തി​യ റ​ഗു​ലേ​ഷ​ൻ അ​നു​സ​രി​ച്ച് ജ​യി​ക്കാ​ന്‍ ഓ​രോ വി​ഷ​യ​ത്തി​നും 40 ശ​ത​മാ​നം മാ​ര്‍ക്ക് വേ​ണം. ടാ​ബു​ലേ​റ്റ് ചെ​യ്യു​ന്ന​തി​നി​ട​യി​ല്‍ മാ​ര്‍ക്ക് ന​ഷ്​​ട​മാ​യെ​ന്ന് വി​ദ്യാ​ര്‍ഥി​ക​ള്‍ ആ​രോ​പി​ച്ചി​രു​ന്നു. എ​ന്നാ​ല്‍, അ​ത്ത​രം പി​ഴ​വു​ക​ളി​ല്ലെ​ന്നാ​ണ് വി​ശ​ദീ​ക​ര​ണം.

ഇ​ത്ത​വ​ണ എം.​എ​സ്​​സി സ്​​റ്റാ​റ്റി​റ്റി​ക്സി​ന് 57 ശ​ത​മാ​നം പേ​ര്‍ മാ​ത്ര​മാ​ണ് ജ​യി​ച്ച​ത്. അ​തേ​സ​മ​യം, സ​ര്‍വ​ക​ലാ​ശാ​ല കാ​മ്പ​സി​ലെ പ​ഠ​ന​വ​കു​പ്പു​ക​ളി​ലും കോ​ള​ജു​ക​ളി​ലും വ്യ​ത്യ​സ്ത​മാ​യ മാ​ര്‍ക്ക് സം​വി​ധാ​നം ന​ട​പ്പാ​ക്കി അ​നീ​തി​യാ​ണ് സ​ര്‍വ​ക​ലാ​ശാ​ല ന​ട​പ്പാ​ക്കു​ന്ന​ത്.

പ​ഠ​ന​വ​കു​പ്പു​ക​ളി​ല്‍ പ​രീ​ക്ഷ​യു​ടെ​യും ഇ​ന്‍േ​റ​ണ​ല്‍ അ​സ​സ്മെൻറി​െൻറ​യും മാ​ര്‍ക്ക് 40 ശ​ത​മാ​നം മ​തി. കോ​ള​ജു​ക​ളി​ല്‍ പ​രീ​ക്ഷ​ക്കു​മാ​ത്രം 40 ശ​ത​മാ​നം മാ​ര്‍ക്ക് വേ​ണ​മെ​ന്ന ഇ​ര​ട്ട നീ​തി​യാ​ണു​ള്ള​ത്.