കാലിക്കറ്റിൽ 23 വരെയുള്ള പരീക്ഷകൾ മാറ്റി

തേഞ്ഞിപ്പലം: കാലിക്കറ്റ് സർവകലാശാല ഒക്ടോബർ 20 മുതൽ 23 വരെ നടത്താനിരുന്ന പരീക്ഷകൾ മാറ്റി. 25 മുതലുള്ള പരീക്ഷകൾ മാറ്റമില്ലാതെ നടക്കും.

മാറ്റിവെച്ച പരീക്ഷകളുടെ പുതുക്കിയ സമയക്രമം പിന്നീട് പ്രഖ്യാപിക്കുമെന്ന് പരീക്ഷ കൺട്രോളർ ഡോ. സി.സി. ബാബു അറിയിച്ചു.

കോളജുകൾ 25ന്​ തുറക്കും

തേഞ്ഞിപ്പലം: കാലിക്കറ്റ് സർവകലാശാല പഠനവകുപ്പുകൾ, സെൻററുകൾ, അഫിലിയേറ്റഡ് കോളജുകൾ മുതലായവ തുറന്നുപ്രവർത്തിക്കുന്നത് ഈ മാസം 25ലേക്കു മാറ്റി. ഇതിനോടകം ക്ലാസുകൾ ആരംഭിച്ച അവസാനവർഷ വിദ്യാർഥികൾക്കും 25 മുതലേ ഇനി നേരിട്ടുള്ള ക്ലാസുകൾ ഉണ്ടാവുകയുള്ളൂ.