എൽ.എൽ.ബിക്ക് 14വരെ അപേക്ഷിക്കാം; പ്രവേശന പരീക്ഷ 25ന്

അ​ഭി​ഭാ​ഷ​ക​രും ന്യാ​യാ​ധി​പ​രു​മൊ​ക്കെ​യാ​കാ​നു​ള്ള അ​ടി​സ്ഥാ​ന യോ​ഗ്യ​ത​യാ​യ നി​യ​മ​ബി​രു​ദ പ​ഠ​ന​ത്തി​ന് സം​സ്ഥാ​ന​ത്തെ സ​ർ​ക്കാ​ർ, സ്വ​കാ​ര്യ ലോ ​കോ​ള​ജു​ക​ളി​ൽ അ​വ​സ​രം. പ്ര​വേ​ശ​ന പ​രീ​ക്ഷാ ക​മീ​ഷ​ണ​ർ മേ​യ് 25 ഞാ​യ​റാ​ഴ്ച ന​ട​ത്തു​ന്ന ക​മ്പ്യൂ​ട്ട​ർ അ​ധി​ഷ്ഠി​ത പ്ര​വേ​ശ​ന പ​രീ​ക്ഷ​യു​ടെ അ​ടി​സ്ഥാ​ന​ത്തി​ലാ​ണ് പ്ര​വേ​ശ​നം.

പ്ല​സ്ടു​കാ​ർ​ക്ക് ഇ​ന്റ​ഗ്രേ​റ്റ​ഡ് പ​ഞ്ച​വ​ത്സ​ര എ​ൽ​എ​ൽ.​ബി കോ​ഴ്സി​ലും ബി​രു​ദ​ക്കാ​ർ​ക്ക് ത്രി​വ​ത്സ​ര എ​ൽ​എ​ൽ.​ബി കോ​ഴ്സി​ലും പ്ര​വേ​ശ​നം നേ​ടാം. സ്വ​കാ​ര്യ സ്വാ​ശ്ര​യ ലോ ​കോ​ള​ജു​ക​ളി​ൽ സ​ർ​ക്കാ​റു​മാ​യി പ​ങ്കി​ടു​ന്ന സീ​റ്റു​ക​ളി​ലാ​ണ് എ​ൻ​ട്ര​ൻ​സ് ക​മീ​ഷ​ണ​ർ പ്ര​വേ​ശ​ന ന​ട​പ​ടി സ്വീ​ക​രി​ക്കു​ക. വി​ജ്ഞാ​പ​നം, വി​ശ​ദ​വി​വ​ര​ങ്ങ​ള​ട​ങ്ങി​യ പ്രോ​സ്​​പെ​ക്ട​സ് www.cee.kerala.gov.in ൽ ​ല​ഭി​ക്കും.

പ​ഞ്ച​വ​ത്സ​ര എ​ൽ​എ​ൽ.​ബി: യോ​ഗ്യ​ത- 45 ശ​ത​മാ​നം മാ​ർ​ക്കി​ൽ കു​റ​യാ​​തെ പ്ല​സ്ടു/​ത​ത്തു​ല്യ പ​രീ​ക്ഷ പാ​സാ​യി​രി​ക്ക​ണം (ഫ​ലം കാ​ത്തി​രി​ക്കു​ന്ന​വ​രെ​യും പ​രി​ഗ​ണി​ക്കും). എ​സ്.​ഇ.​ബി.​സി/​ഭി​ന്ന​ശേ​ഷി വി​ഭാ​ഗ​ങ്ങ​ളി​ൽ​പെ​ടു​ന്ന​വ​ർ​ക്ക് 42 ശ​ത​മാ​നം, എ​സ്.​സി/​എ​സ്.​ടി വി​ദ്യാ​ർ​ഥി​ക​ൾ​ക്ക് 40 ശ​ത​മാ​നം മാ​ർ​ക്ക് മ​തി. പ്രാ​യം 31.12.25ൽ 17 ​വ​യ​സ്സ് തി​ക​യ​ണം.

പ്ര​വേ​ശ​ന പ​രീ​ക്ഷ​ക്ക് കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും സെ​ന്റ​റു​ക​ളു​ണ്ടാ​വും. ജ​ന​റ​ൽ ഇം​ഗ്ലീ​ഷ്, പൊ​തു​വി​ജ്ഞാ​നം, അ​രി​ത്മെ​റ്റി​ക് ആ​ൻ​ഡ് മെ​ന്റ​ൽ എ​ബി​ലി​റ്റി, ആ​പ്റ്റി​റ്റ്യൂ​ഡ് ഫോ​ർ ലീ​ഗ​ൽ സ്റ്റ​ഡീ​സ് എ​ന്നി​വ​യി​ൽ ഒ​ബ്ജ​ക്ടി​വ് മാ​തൃ​ക​യി​ലു​ള്ള 120 ചോ​ദ്യ​ങ്ങ​ളു​ണ്ടാ​വും. ശ​രി ഉ​ത്ത​ര​ത്തി​ന് മൂ​ന്നു മാ​ർ​ക്ക്. ഉ​ത്ത​രം തെ​റ്റി​യാ​ൽ ഓ​രോ മാ​ർ​ക്ക് വീ​തം കു​റ​ക്കും.

ര​ണ്ടു മ​ണി​ക്കൂ​​ർ സ​മ​യം. പ​ര​മാ​വ​ധി മാ​ർ​ക്ക് 360. പ​രീ​ക്ഷ​യി​ൽ യോ​ഗ്യ​ത നേ​ടു​ന്ന​തി​നും റാ​ങ്ക്‍ലി​സ്റ്റി​ൽ ഉ​ൾ​പ്പെ​ടു​ന്ന​തി​നും ജ​ന​റ​ൽ/​എ​സ്.​ഇ.​ബി.​സി വി​ഭാ​ഗ​ങ്ങ​ൾ​ക്ക് 10 ശ​ത​മാ​ന​വും എ​സ്.​സി/​എ​സ്.​ടി വി​ഭാ​ഗ​ങ്ങ​ൾ​ക്ക് അ​ഞ്ചു ശ​ത​മാ​ന​വും മാ​ർ​ക്ക് മ​തി​യാ​കും. റാ​ങ്ക്‍ലി​സ്റ്റി​ലു​ള്ള​വ​ർ​ക്ക് കേ​ന്ദ്രീ​കൃ​ത സീ​റ്റ് അ​ലോ​ട്ട്മെ​ന്റ് വ​ഴി​യാ​ണ് അ​ഡ്മി​ഷ​ൻ. ഇ​തി​ന് പ്ര​ത്യേ​കം ഓ​പ്ഷ​ൻ ര​ജി​സ്റ്റ​ർ ചെ​യ്യേ​ണ്ടി​വ​രും.

ഗ​വ​ൺ​മെ​ന്റ് ലോ ​കോ​ള​ജ്-​തി​രു​വ​ന​ന്ത​പു​രം ബി.​എ എ​ൽ​എ​ൽ.​ബി-​സീ​റ്റ് 120, എ​റ​ണാ​കു​ളം ബി.​കോം എ​ൽ​എ​ൽ.​ബി- 60, തൃ​ശൂ​ർ ബി.​എ.​എ​ൽ​എ​ൽ.​ബി 60, കോ​ഴി​ക്കോ​ട് ബി.​എ.​എ​ൽ​എ​ൽ.​ബി 120. സ്വ​കാ​ര്യ സ്വാ​ശ്ര​യ കോ​ള​ജു​ക​ൾ 28. കോ​ഴ്സു​ക​ളും സീ​റ്റു​ക​ളും പ്രോ​സ്​​പെ​ക്ട​സി​ലു​ണ്ട്.

ത്രി​വ​ത്സ​ര എ​ൽ​എ​ൽ.​ബി: യോ​ഗ്യ​ത-45 ശ​ത​മാ​നം മാ​ർ​ക്കി​ൽ കു​റ​യാ​തെ (എ​സ്.​ഇ.​ബി.​സി/​ഭി​ന്ന​ശേ​ഷി​ക്കാ​ർ 42 ശ​ത​മാ​നം, എ​സ്.​സി/​എ​സ്.​ടി 40 ശ​ത​മാ​നം) ബി​രു​ദം. പ​രീ​ക്ഷ​യെ​ഴു​തി ഫ​ലം കാ​ത്തി​രി​ക്കു​ന്ന​വ​ർ​ക്കും അ​പേ​ക്ഷി​ക്കാം.

പ്ര​വേ​ശ​ന പ​രീ​ക്ഷ​യി​ൽ ഒ​ബ്ജ​ക്ടീ​വ് മാ​തൃ​ക​യി​ൽ 120 ചോ​ദ്യ​ങ്ങ​ളു​ണ്ടാ​വും. ആ​കെ 360 മാ​ർ​ക്കി​നാ​ണ് പ​രീ​ക്ഷ. യോ​ഗ്യ​ത നേ​ടി റാ​ങ്ക്‍ലി​സ്റ്റി​ൽ സ്ഥാ​നം പി​ടി​ക്കു​ന്ന​തി​ന് ജ​ന​റ​ൽ/​എ​സ്.​ഇ.​ബി.​സി വി​ഭാ​ഗ​ക്കാ​ർ 10 ശ​ത​മാ​ന​വും എ​സ്.​സി/​എ​സ്.​ടി വി​ഭാ​ഗ​ക്കാ​ർ 5 ശ​ത​മാ​ന​വും മാ​ർ​ക്ക് ക​ര​സ്ഥ​മാ​ക്ക​ണം. റാ​ങ്ക്‍ലി​സ്റ്റി​ൽ ഉ​ള്ള​വ​രി​ൽ​നി​ന്നും ഓ​പ്ഷ​ൻ സ്വീ​ക​രി​ച്ച് കേ​ന്ദ്രീ​കൃ​ത സീ​റ്റ് അ​ലോ​ട്ട്മെ​ന്റ് വ​ഴി​യാ​ണ് പ്ര​വേ​ശ​നം.

അ​പേ​ക്ഷാ​ഫീ​സ്: ജ​ന​റ​ൽ/​എ​സ്.​ഇ.​ബി.​സി വി​ഭാ​ഗ​ത്തി​ന് 900 രൂ​പ. എ​സ്.​സി/​എ​സ്.​ടി വി​ഭാ​ഗ​ത്തി​ന് 450 രൂ​പ മ​തി. ഓ​ൺ​ലൈ​നി​ൽ മേ​യ് 14 വൈ​കീ​ട്ട് 5 മ​ണി വ​രെ അ​പേ​ക്ഷ സ​മ​ർ​പ്പി​ക്കാ​വു​ന്ന​താ​ണ്.