കോസ്റ്റ്ഗാർഡിൽ 300 നാവിക്, യാന്ത്രിക് 300 ഒഴിവ്

ഇന്ത്യൻ കോസ്റ്റ്ഗാർഡിൽ നാവിക് (ജനറൽ ഡെപ്യൂട്ടി/ഡൊമസ്റ്റിക് ബ്രാഞ്ച്), യാന്ത്രിക് തസ്തികകളിലേക്ക് അപേക്ഷകൾ ക്ഷണിച്ചു. 300 ഒഴിവുകളുണ്ട്. വിജ്ഞാപനം https://joinindiancoastguard.cdac.inൽ ലഭിക്കും. പുരുഷന്മാർക്കാണ് അവസരം.

ഓൺലൈനായി സെപ്റ്റംബർ എട്ട് മുതൽ 22 വൈകുന്നേരം 5.30 മണി വരെ അപേക്ഷിക്കാം. ഒരാൾക്ക് ഒരു തസ്തികയിൽ അപേക്ഷിക്കാം. നാവിക് (ജനറൽ ഡ്യൂട്ടി) ഒഴിവുകൾ-225, യോഗ്യത: മാത്സ്, ഫിസിക്സ് വിഷയങ്ങളോടെ പ്ലസ് ടു/തത്തുല്യ പരീക്ഷ പാസാകണം.

നാവിക് (ഡൊമസ്റ്റിക് ബ്രാഞ്ച്), ഒഴിവുകൾ-40, യോഗ്യത: എസ്.എസ്.എൽ.സി/തത്തുല്യ യാന്ത്രിക് (മെക്കാനിക്കൽ), ഒഴിവുകൾ-16, യാന്ത്രിക് (ഇലക്ട്രിക്കൽ)-10, യാന്ത്രിക് (ഇലക്ട്രോണിക്സ്)-9. യോഗ്യത: അംഗീകൃത ത്രിവത്സര എൻജിനീയറിങ് ഡിപ്ലോമ (മെക്കാനിക്കൽ/ഇലക്ട്രിക്കൽ/ഇലക്ട്രോണിക്സ്/ടെലി കമ്യൂണിക്കേഷൻ-റേഡിയോ/പവർ) /തത്തുല്യം.

അപേക്ഷാഫീസ് 250 രൂപ. ഓൺലൈൻ ടെസ്റ്റ്, ഫിസിക്കൽ ഫിറ്റ്നസ് ടെസ്റ്റ്, ഡോക്ക്മെന്റ് പരിശോധന, വൈദ്യ പരിശോധന എന്നിവയുടെ അടിസ്ഥാനത്തിലാണ് സെലക്ഷൻ.

പരീക്ഷാ തീയതി, സമയം, സെന്റർ മുതലായ വിവരങ്ങൾ ഇ-അഡ്മിറ്റ് കാർഡിലുണ്ടാവും. നാവികരെ 21,700 രൂപ, യാന്ത്രികരെ 29200 രൂപ അടിസ്ഥാന ശമ്പളത്തിൽ നിയമിക്കും. നിരവധി ആനുകൂല്യങ്ങളും ലഭിക്കും.