അധ്യാപകർക്ക്​ വർക്ക്​ ഫ്രം ഹോം: സ്ഥാപന മേധാവിക്ക്​ അനുവദിക്കാം

തി​രു​വ​ന​ന്ത​പു​രം: സ്കൂ​ളു​ക​ളി​ൽ ജോ​ലി​ചെ​യ്യു​ന്ന ഗ​ർ​ഭി​ണി​ക​ൾ​ക്ക് കോ​വി​ഡ്​ വ്യാ​പ​ന സാ​ഹ​ച​ര്യ​ത്തി​ൽ​ വ​ർ​ക്ക്​ ഫ്രം ​ഹോം അ​നു​വ​ദി​ക്കാ​ൻ പ്രി​ൻ​സി​പ്പ​ൽ/ പ്ര​ഥ​മാ​ധ്യാ​പ​ക​രെ ചു​മ​ത​ല​പ്പെ​ടു​ത്തി പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ ഉ​ത്ത​ര​വ്. ര​ണ്ട്​ വ​യ​സ്സി​ന്​ താ​ഴെ കു​ട്ടി​ക​ളു​ള്ള അ​മ്മ​മാ​ർ, അ​ർ​ബു​ദ​രോ​ഗി​ക​ൾ, തീ​വ്ര​രോ​ഗ​ബാ​ധി​ത​ർ തു​ട​ങ്ങി​യ​വ​ർ​ക്ക്​ വ​ർ​ക്ക്​ ഫ്രം ​ഹോം ജോ​ലി ചെ​യ്യാ​ൻ സ​ർ​ക്കാ​ർ അ​ലോ​പ്പ​തി ഡോ​ക്ട​റു​ടെ സാ​ക്ഷ്യ​പ​ത്ര​ത്തി​ന്‍റെ അ​ടി​സ്ഥാ​ന​ത്തി​ൽ പ്രി​ൻ​സി​പ്പ​ൽ/ ​പ്ര​ഥ​മാ​ധ്യാ​പ​ക​ർ​ക്ക്​ അ​നു​മ​തി ന​ൽ​കാം.

വ​ർ​ക്ക്​ ഫ്രം ​ഹോ​മി​ൽ ഏ​ർ​പ്പെ​ടു​ന്ന എ​ല്ലാ അ​ധ്യാ​പ​ക​രും ഓ​ൺ​ലൈ​ൻ ക്ലാ​സു​ക​ളി​ലും തു​ട​ർ​പ​ഠ​ന പ്ര​വ​ർ​ത്ത​ന​ങ്ങ​ളി​ലും പൂ​ർ​ണ​മാ​യും പ​​ങ്കെ​ടു​ക്കു​ന്നു​ണ്ടെ​ന്ന്​ പ്രി​ൻ​സി​പ്പ​ൽ/ ​പ്ര​ഥ​മാ​ധ്യാ​പ​ക​ർ ഉ​റ​പ്പു​വ​രു​ത്ത​ണം. ഒ​ന്ന്​ മു​ത​ൽ ഒ​മ്പ​ത്​ വ​രെ ക്ലാ​സു​ക​ളി​ൽ പ​ഠി​പ്പി​ക്കു​ന്ന അ​ധ്യാ​പ​ക​ർ (പ​ത്താം ക്ലാ​സി​ൽ പ​ഠി​പ്പി​ക്കു​ന്ന​വ​ർ ഒ​ഴി​കെ) ഈ ​മാ​സം 22, 29 തീ​യ​തി​ക​ളി​ൽ സ്കൂ​ളി​ൽ ഹാ​ജ​രാ​കേ​ണ്ട.

നേ​ര​ത്തെ വ​ർ​ക്ക്​ ഫ്രം ​ഹോം അ​നു​വ​ദി​ക്കാ​ൻ ബ​ന്ധ​പ്പെ​ട്ട വ​കു​​പ്പ്​ മേ​ധാ​വി​യെ ചു​മ​ത​ല​പ്പെ​ടു​ത്തി​യാ​ണ്​ സ​ർ​ക്കാ​ർ ഉ​ത്ത​ര​വി​റ​ക്കി​യ​ത്. സ്കൂ​ൾ അ​ധ്യാ​പ​ക​രു​ടെ വ​കു​പ്പ്​ മേ​ധാ​വി പൊ​തു​വി​ദ്യാ​ഭ്യാ​സ ഡ​യ​റ​ക്ട​റാ​യ​തി​നാ​ൽ ഇ​തിന് പ്രാ​യോ​ഗി​ക ത​ട​സ്സ​മുണ്ട്. ഇ​തു​സം​ബ​ന്ധി​ച്ച്​ 'മാ​ധ്യ​മം' വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. തു​ട​ർ​ന്നാ​ണ്​ സ്കൂ​ൾ മേ​ധാ​വി​യെ ചു​മ​ത​ല​പ്പെ​ടു​ത്തി ഡ​യ​റ​ക്ട​ർ ഉ​ത്ത​ര​വി​റ​ക്കി​യ​ത്.